Sira 16
16
Okwo Omukama abonabonyia abafakare
1Otalyegomba ruzaro rungi orutaina mugasho,
anga kushemelerwa baana batalikutina Ruhanga.
2Batalikanya okabashemelerwa,
shana kabalitina Omukama.
3Oburora bwabo otabwesiga,
kandi otabesiga ngu orwo bali bangi;
kuba omoi nakira orukumi,
mara hakili kufa buchweke kukira okugira abaana
abatalikutina Ruhanga.
4Omuntu omoi alikushobokerwa yakwijuza ekigo abantu,
kyonkai oruganda rwona rw'abantu ababi
rwakuhwaho ekigo kiba ndaara.
5Ndaboine bingi ebyab'ebi n'amaisho gange,
kandi ndahuliire n'amatwi gange
ebilikwechuza bingi kukira ebi.
6Abafakare abali bangi Omukama abanigalira muno,
kandi eihanga litagira muhuliro alitamwa muno.
7Abantu emyandu aba karai bakebona amani bamushenga,
kyonkai tiyabagaruliire.
8Abo Loti yabaire atwiremu tiyabagaruliire,
akabatamwa muno yabatura eikuru lyabo.
9Eihanga#16:9 Eihanga Abakanaani. lyaitaga abantu tiyalishasibwe,
amafu gabo bakagagwamu.
10Nangu n'elaki mukaga ababaire bali omu rugendo
akabaita,
bakagira ekyejo bageleka Musa na Aroni.
11N'orwo yakuba muntu omoi wenkai agumangaine omutima,
lyakuba ihano k'ataboine kibonabonyio.
12Nk'okwo obuganyizibwe buba bungi,
kwakwo nikwo n'ekibonabonyiokye kiba kihango;
aramura omuntu kuhonderana n'ebikorwabye.
13Omufakare talinyaga muntu akahunga,
kandi okwegumisiliza kw'atina Ruhanga tikulifa bushai.
14Ayagiliire banu ekisha wena alimurongora;
15buli muntu alirongorwa,
16kuhonderana n'ebikorwabye.
Ekibonabonyio ekitabura
17Otaligira oti, “Omukama ndamwesheleka,
n'ohai alikwija kwema omw'iguru akanyijuka?
Omu bantu abangi nakumanyw'ohai?
Inye ndi muntuki omu nsi empango eti?
18Leba, omw'iguru kuhika owa eiguru muno,
n'omu nsi kugoba owa dondondo,
buli kantu kalichundwa orwo Omukama lilimuleta.
19Amabanga kwakwo n'emisingi y'ensi,
bilitengeta orwo alibileba.
20Omukama talikwija kuntekeleza,
n'ebyo ndikukora taliho abyetaireho.
21Bingi muno ebyo ndikukora byeshelekire,
nk'enkomaizi etabonwa muntu.
22Kandakorage taliho alikwija kukigambira Mukama.
Honene n'ohai alikwija kwikara amulindiliire?
Eby'agamba kukora tabikora bwangu.”
23Ebi bitekelezibwa omuntu atalikushobokerwa,
omufera ataina magezi n'iwe atekeleza ebitaina nshonga.
Obumanyi bwa Ruhanga omu bitondwa
24Mwana wange, mpuliliza obone obumanyi,
hulilizage ebyo ndikugamba.
25Inye ninyija kukwegesa mpora mpora,
nkwegese obumanyi nyakabara.
26Eby'Omukama yakozire bituraho kwema abitonzire,
kandi kayabitonzire yabita omu nganda zabyo.
27Akabiha omuteka ogw'eirai lyona,
yataho omuku kabikara bityo amakiro gona.
Tibigira njara mara tibilemwa,
kandi tibilekera milimo yabyo ya kachwazikano.
28Taliho kihagaata kitahi kyakyo,
mara tibiliburwa kumuhulira.
29Omukama kayabaire yatonzire ebi byona yaleba ensi,
yagijuza ebirungibye.
30Yagitamu ebitondwa bya buli ngeli byagijura,
mara biragirwa kufa n'okugaruka omw'itaka.
Currently Selected:
Sira 16: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 16
16
Okwo Omukama abonabonyia abafakare
1Otalyegomba ruzaro rungi orutaina mugasho,
anga kushemelerwa baana batalikutina Ruhanga.
2Batalikanya okabashemelerwa,
shana kabalitina Omukama.
3Oburora bwabo otabwesiga,
kandi otabesiga ngu orwo bali bangi;
kuba omoi nakira orukumi,
mara hakili kufa buchweke kukira okugira abaana
abatalikutina Ruhanga.
4Omuntu omoi alikushobokerwa yakwijuza ekigo abantu,
kyonkai oruganda rwona rw'abantu ababi
rwakuhwaho ekigo kiba ndaara.
5Ndaboine bingi ebyab'ebi n'amaisho gange,
kandi ndahuliire n'amatwi gange
ebilikwechuza bingi kukira ebi.
6Abafakare abali bangi Omukama abanigalira muno,
kandi eihanga litagira muhuliro alitamwa muno.
7Abantu emyandu aba karai bakebona amani bamushenga,
kyonkai tiyabagaruliire.
8Abo Loti yabaire atwiremu tiyabagaruliire,
akabatamwa muno yabatura eikuru lyabo.
9Eihanga#16:9 Eihanga Abakanaani. lyaitaga abantu tiyalishasibwe,
amafu gabo bakagagwamu.
10Nangu n'elaki mukaga ababaire bali omu rugendo
akabaita,
bakagira ekyejo bageleka Musa na Aroni.
11N'orwo yakuba muntu omoi wenkai agumangaine omutima,
lyakuba ihano k'ataboine kibonabonyio.
12Nk'okwo obuganyizibwe buba bungi,
kwakwo nikwo n'ekibonabonyiokye kiba kihango;
aramura omuntu kuhonderana n'ebikorwabye.
13Omufakare talinyaga muntu akahunga,
kandi okwegumisiliza kw'atina Ruhanga tikulifa bushai.
14Ayagiliire banu ekisha wena alimurongora;
15buli muntu alirongorwa,
16kuhonderana n'ebikorwabye.
Ekibonabonyio ekitabura
17Otaligira oti, “Omukama ndamwesheleka,
n'ohai alikwija kwema omw'iguru akanyijuka?
Omu bantu abangi nakumanyw'ohai?
Inye ndi muntuki omu nsi empango eti?
18Leba, omw'iguru kuhika owa eiguru muno,
n'omu nsi kugoba owa dondondo,
buli kantu kalichundwa orwo Omukama lilimuleta.
19Amabanga kwakwo n'emisingi y'ensi,
bilitengeta orwo alibileba.
20Omukama talikwija kuntekeleza,
n'ebyo ndikukora taliho abyetaireho.
21Bingi muno ebyo ndikukora byeshelekire,
nk'enkomaizi etabonwa muntu.
22Kandakorage taliho alikwija kukigambira Mukama.
Honene n'ohai alikwija kwikara amulindiliire?
Eby'agamba kukora tabikora bwangu.”
23Ebi bitekelezibwa omuntu atalikushobokerwa,
omufera ataina magezi n'iwe atekeleza ebitaina nshonga.
Obumanyi bwa Ruhanga omu bitondwa
24Mwana wange, mpuliliza obone obumanyi,
hulilizage ebyo ndikugamba.
25Inye ninyija kukwegesa mpora mpora,
nkwegese obumanyi nyakabara.
26Eby'Omukama yakozire bituraho kwema abitonzire,
kandi kayabitonzire yabita omu nganda zabyo.
27Akabiha omuteka ogw'eirai lyona,
yataho omuku kabikara bityo amakiro gona.
Tibigira njara mara tibilemwa,
kandi tibilekera milimo yabyo ya kachwazikano.
28Taliho kihagaata kitahi kyakyo,
mara tibiliburwa kumuhulira.
29Omukama kayabaire yatonzire ebi byona yaleba ensi,
yagijuza ebirungibye.
30Yagitamu ebitondwa bya buli ngeli byagijura,
mara biragirwa kufa n'okugaruka omw'itaka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.