Sira 1
1
Enyanjura ya kabili
Amateka, abarangi n'abahandiki ababahondeire bakatwegesa eby'omugasho gungi muno nangu tutashoboire kutenda Baisiraeli nk'okwo baragiirwe aha rw'ebyo bayegire n'obumanyi bwabo. Kandi omuntu atashoma akamanya bikahwer'aho kushai. K'alikumara kumanya aragiirwe kwegesa abandi, abagambire kandi abahandikire. Tat'enkuru, Yoshua, akataho amani gangi muno kushoma bushoma Amateka n'ebitabo by'abarangi n'ebitabo ebindi ebyo batatenkurw'ichwe bahandikire. Na wenene kayabaire yamanyire bingi muno, yabona ahandike eby'okwegesa banu n'eby'obumanyi. Omugendelerogwe akagonza balinya abenda kwega bamanye n'ebi; kandi omu mirolere yabo bashobore kuhondera Amateka.
Orw'ekyo nainywe nitubashaba mubishomese omutima gurungi mara mutekeleire, kandi mutafaho byotwakushangwa tushobize n'orwo tubaire twina obwegendeleza bungi omu kubihindura. Rundi halimu ebigambo ebindi ebyo tutahindwire kurungi. Okwo byabaire bihandikirwe obubere omu Ruyahudi tikwo bikyali byonene byonene kabilikuba byahindwirwe omu rulimi orundi. T'ebi byonkai. Nangu n'Amateka gonene, ebitabo by'Abarangi n'ebitabo ebindi kabilikuba byahindwirwe nibigiramu enshororo n'okwo byabaire bihandikirwe obubere.
Kanaizire Misiri omu mwaka gwa 38, Omukama Everigete aliire engoma, nkamaramu ebiro, nkabona obushango bw'okwega bingi. Nkabona nikyetagwa muno nti buzima nfe nyoshe kyonkai mpindure ekitabo eki. Orwo nabaire ninkihindura nkegendeleza muno, nakoza n'akalyo kushobora kukimara n'okukiturukya kakijuna Abayahudi abalikutura omu mahanga abalikwenda kwega n'okugira entwaza zirungi bahondeire Amateka.
Currently Selected:
Sira 1: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 1
1
Enyanjura ya kabili
Amateka, abarangi n'abahandiki ababahondeire bakatwegesa eby'omugasho gungi muno nangu tutashoboire kutenda Baisiraeli nk'okwo baragiirwe aha rw'ebyo bayegire n'obumanyi bwabo. Kandi omuntu atashoma akamanya bikahwer'aho kushai. K'alikumara kumanya aragiirwe kwegesa abandi, abagambire kandi abahandikire. Tat'enkuru, Yoshua, akataho amani gangi muno kushoma bushoma Amateka n'ebitabo by'abarangi n'ebitabo ebindi ebyo batatenkurw'ichwe bahandikire. Na wenene kayabaire yamanyire bingi muno, yabona ahandike eby'okwegesa banu n'eby'obumanyi. Omugendelerogwe akagonza balinya abenda kwega bamanye n'ebi; kandi omu mirolere yabo bashobore kuhondera Amateka.
Orw'ekyo nainywe nitubashaba mubishomese omutima gurungi mara mutekeleire, kandi mutafaho byotwakushangwa tushobize n'orwo tubaire twina obwegendeleza bungi omu kubihindura. Rundi halimu ebigambo ebindi ebyo tutahindwire kurungi. Okwo byabaire bihandikirwe obubere omu Ruyahudi tikwo bikyali byonene byonene kabilikuba byahindwirwe omu rulimi orundi. T'ebi byonkai. Nangu n'Amateka gonene, ebitabo by'Abarangi n'ebitabo ebindi kabilikuba byahindwirwe nibigiramu enshororo n'okwo byabaire bihandikirwe obubere.
Kanaizire Misiri omu mwaka gwa 38, Omukama Everigete aliire engoma, nkamaramu ebiro, nkabona obushango bw'okwega bingi. Nkabona nikyetagwa muno nti buzima nfe nyoshe kyonkai mpindure ekitabo eki. Orwo nabaire ninkihindura nkegendeleza muno, nakoza n'akalyo kushobora kukimara n'okukiturukya kakijuna Abayahudi abalikutura omu mahanga abalikwenda kwega n'okugira entwaza zirungi bahondeire Amateka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.