Ruti 3
3
Ruti nabona omushaija
1Ahanyuma, Naomi agambira omukamwana ati, “Mwana wange, nkuhigire omushaija, obone kwikarage. 2Boazi, mukama w'abazana ab'obaire noikara nabo, munyaruganda waitu. Leba omu kiro araba nayora eshayiri aha kyano. 3Aha rw'ekyo oyoge, oyesige n'amajuta, ojware emyendo yawe emirungi muno, osongoke aha kyano. Kyonkai otakumwemanyisa kulemwa kugoba orwo aramara kulya n'okunywa. 4Orwo arabyama, oyekomye omwanya mbali arabyama; aho ogende omushurure omubyame aha maguru. Wenene arakugambira ekyo orakora.” 5Ruti amuhorora ati, “Eby'olikugamba byona ndabikora.”
6Aho asongoka aha kyano akora nk'okwo nyinazara yamugambira. 7Orwo Boazi yabaire yaliire, yanyoire, akashemelerwa, agenda abyama bwatana aha ntuumo y'eshayiri. Ruti aija nashoita, amushurura amaguru, abyama. 8Omu kiro eitumbi omushaija ogwo ayechura, ahinduka, leba omukazi amubyamire aha maguru. 9Amubaza ati, “Oli ohai?” Amuhorora ati, “Ndi Ruti omuzana wawe; oshweke omuzana wawe ebebo yawe, aha rw'okuba oli munyabuzare waitu empikabubili.” 10Aho Boazi amugambira ati, “Mwana wange, Omukama akutunge omugisha; aha rw'okuba eki kyashaga ekya mbere, orwo otahiga basigazi, baba batungi anga boro. 11Mbwenu, mwana wange, otakutina; inye ndakukolera byona eby'olikushaba; aha rw'okuba abanyakigo batahi bange bona nibamanya okwo oli mukazi gasho. 12Ky'amazima kwo inye ndi munyabuzare empikabubili, kyonkai kandi haliho omunyabuzare empikabubili kunshaga. 13Rara aha kir'eki, bwankya wenene k'arahikya oburagirwa bw'obunyabuzare empikabubili ahali iwe, kyakahiire; oburagirwa abukore; kyonkai k'arayanga kuhikya oburagirwa bw'obunyabuzare empikabubili ahali iwe, aho, obuso bw'Omukama, ndahikya oburagirwa bw'obunyabuzare empikabubili ahali iwe. Obyame obwire bukye.”
14Aho Ruti abyama aha maguruge kukeisa obwire, kyonkai aimuka omuntu atakashoboire kumanya ondijo. Boazi agamba ati, “Kitakumanyika okw'omukazi aizire aha kyano.” 15Ashuba agamba ati, “Leta eshuka ey'ojwete, ogishamburure.” Kityo Ruti agikwata, Boazi alenga ebipimo mukaga by'eshayiri, agimutweka. Aho Ruti agya omu kigo. 16Kayagobire nyinazara, nyinazara amubaza ati, “Byagenda bitai mwana wange?” Aho Ruti amugambira byona eby'omushaija yabaire amukoleire. 17Ati, “Yampa ebilengo ebi mukaga by'eshayiri, nagamba ati, ‘Otashuba wa nyokozara mikono mishai.’ ” 18Naomi ahorora ati, “Mwana wange, linda olebe okwo biraba, aha rw'okuba omushaija ogwo talikwija kutebekana, ebigambo ebyo naija kubimara kir'eki.”
Currently Selected:
Ruti 3: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Ruti 3
3
Ruti nabona omushaija
1Ahanyuma, Naomi agambira omukamwana ati, “Mwana wange, nkuhigire omushaija, obone kwikarage. 2Boazi, mukama w'abazana ab'obaire noikara nabo, munyaruganda waitu. Leba omu kiro araba nayora eshayiri aha kyano. 3Aha rw'ekyo oyoge, oyesige n'amajuta, ojware emyendo yawe emirungi muno, osongoke aha kyano. Kyonkai otakumwemanyisa kulemwa kugoba orwo aramara kulya n'okunywa. 4Orwo arabyama, oyekomye omwanya mbali arabyama; aho ogende omushurure omubyame aha maguru. Wenene arakugambira ekyo orakora.” 5Ruti amuhorora ati, “Eby'olikugamba byona ndabikora.”
6Aho asongoka aha kyano akora nk'okwo nyinazara yamugambira. 7Orwo Boazi yabaire yaliire, yanyoire, akashemelerwa, agenda abyama bwatana aha ntuumo y'eshayiri. Ruti aija nashoita, amushurura amaguru, abyama. 8Omu kiro eitumbi omushaija ogwo ayechura, ahinduka, leba omukazi amubyamire aha maguru. 9Amubaza ati, “Oli ohai?” Amuhorora ati, “Ndi Ruti omuzana wawe; oshweke omuzana wawe ebebo yawe, aha rw'okuba oli munyabuzare waitu empikabubili.” 10Aho Boazi amugambira ati, “Mwana wange, Omukama akutunge omugisha; aha rw'okuba eki kyashaga ekya mbere, orwo otahiga basigazi, baba batungi anga boro. 11Mbwenu, mwana wange, otakutina; inye ndakukolera byona eby'olikushaba; aha rw'okuba abanyakigo batahi bange bona nibamanya okwo oli mukazi gasho. 12Ky'amazima kwo inye ndi munyabuzare empikabubili, kyonkai kandi haliho omunyabuzare empikabubili kunshaga. 13Rara aha kir'eki, bwankya wenene k'arahikya oburagirwa bw'obunyabuzare empikabubili ahali iwe, kyakahiire; oburagirwa abukore; kyonkai k'arayanga kuhikya oburagirwa bw'obunyabuzare empikabubili ahali iwe, aho, obuso bw'Omukama, ndahikya oburagirwa bw'obunyabuzare empikabubili ahali iwe. Obyame obwire bukye.”
14Aho Ruti abyama aha maguruge kukeisa obwire, kyonkai aimuka omuntu atakashoboire kumanya ondijo. Boazi agamba ati, “Kitakumanyika okw'omukazi aizire aha kyano.” 15Ashuba agamba ati, “Leta eshuka ey'ojwete, ogishamburure.” Kityo Ruti agikwata, Boazi alenga ebipimo mukaga by'eshayiri, agimutweka. Aho Ruti agya omu kigo. 16Kayagobire nyinazara, nyinazara amubaza ati, “Byagenda bitai mwana wange?” Aho Ruti amugambira byona eby'omushaija yabaire amukoleire. 17Ati, “Yampa ebilengo ebi mukaga by'eshayiri, nagamba ati, ‘Otashuba wa nyokozara mikono mishai.’ ” 18Naomi ahorora ati, “Mwana wange, linda olebe okwo biraba, aha rw'okuba omushaija ogwo talikwija kutebekana, ebigambo ebyo naija kubimara kir'eki.”
Ruhaya DC Bible © Bible Society of Tanzania, 2001.