Ruti 2
2
Ruti omu musiri gwa Boazi
1Naomi akaba aina omunyaruganda wa iba, omushaija mutungi, w'eihiga lya Elimeleki, eibaralye ni Boazi. 2Aho Ruti Omumoabukazi agambira Naomi ati, “Ngye omu musiri nkenguze ebikumba by'eshayiri mpondeire aranyikiliza kugira ntyo.” Naomi amuhorora ati, “Iroko mwana wange.”
3Kityo aimukya agenda, akenguza omu musiri ahondeire abagesi. Aija agobera ekichweka ky'omusiri gwa Boazi ayabaire ali w'eihiga lya Elimeleki. 4Aho Boazi aruga Betelehemu, agambira abagesi ati, “Omukama abe nainywe.” Bahorora bati, “Omukama akutunge omugisha.”
5Aho Boazi abaza omwiru ayabaire nalebelera abagesi ati, “Omukazi ogu w'ohai?” 6Omwiru ayabaire nalebelera abagesi amuhorora ati, “Mumoabukazi, aizire na Naomi barugire Moabu. 7Agambire ati, ‘Ninkutagiliza nkenguze ebikumba omu miganda mpondeire abagesi.’ Kityo yaija, ayemire bwankya karai kugoba mwaha, obuzira kwikyaho n'akati.”
8Aho Boazi agambira Ruti ati, “Mwana wange huliliza! Otagenda kukenguza mu musiri gundi, handiki kusigaho ogu. Oikare haihi n'abazana bange. 9Amaisho gaikare aha musiri ogwo balikugesha, obahondeire. Abasigazi nabaragira kutakukoraho. Kandi k'orakwatwa eiliho ogye aha bikwato onywe amaizi ag'abasigazi bataha.”
10Aho Ruti ajumara ahansi, agambira Boazi ati, “Nakuganja ntai iwe kunfaho oti, okwo inye ndi munyamahangakazi?”
11Kyonkai Boazi amuhorora ati, “Bamanyisize byona ebyo wakoleire nyokozara kwema baro afire, n'okwo osigireho sho na nyoko n'ensi y'obuzarwa bwawe, okaija omu bantu ab'obaire otalikumanya. 12Omukama akurongolere eby'okozire. Omukama Ruhanga wa Isiraeli ow'ohungiire omu mikonoye akutunge erongoro egobire.”
13Nirwo Ruti yagambire ati, “Mukama wange, wangilira ekisha kingi. Wamaramara omuzana wawe wamugambira n'obufura, n'orwo inye ntali muzana wawe.”
14Akanya k'okulya kakagobire Boazi agambira Ruti ati, “Ija aha olye akakulya, mara okoze ekibege omu divai.” Kityo Ruti ashuntama aha rubaju rw'abagesi, Boazi amuheleza eshayiri ebabwire; alya aiguta, endijo agisigaho. 15Orwo yaimukire kukenguza Boazi aragira abasigazibe ati, “Mumuleke akenguze nangu n'omu miganda, mutakumurwanisa. 16N'emiganda endijo mugimusikulire omu biba, mugimusigireho akenguzemu, mutakumurotokera.”
17Kityo Ruti akenguza omu musiri ogwo kugoba bwaigoro. Aho atera eyo yakenguza aihyamu nk'ekilo emoi y'eshayiri. 18Ataha nayo omu kigo. Ayoleka nyinazara eshayiri eyo yakenguza. Amuha n'ebyakulya ebyo yabaire asigireho orwo yamazire kwiguta. 19Nyinazara amubaza ati, “Kir'eki wakenguza nkahai? Waba nokora nkahai? Ogwo ayakumanya ahabwe omugisha.” Agambira nyinazara omusiri ogwo yakoramu, ati, “Mukama w'omusili ogwo nakoramu kir'eki ni Boazi.” 20Naomi agambira omukamwana ati, “Omushaija ogwo Omukama amutunge omugisha, Omukama omufura atanagirana barora anga bafire!” Naomi ashuba agambira Ruti ati, “Omushaija ogwo munyabuzare waitu empikabubili.” 21Aho Ruti Omumoabukazi agamba ati, “Mara kandi, yangambira ati, ‘Oikare haihi aha bairu bange, kuhika orwo baramara kugesha ebyange byona.’ ” 22Naomi agambira Ruti omukamwana ati, “Kurungi mwana wange, kugenda n'abazanabe, bataija bakakukora kubi omu musiri ogundi.” 23Kityo aikara aha bazana ba Boazi, nakenguza kulemwa kugoba aha nzindo y'amagesha g'eshayiri n'engano; amara aikara na nyinazara.
Currently Selected:
Ruti 2: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Ruti 2
2
Ruti omu musiri gwa Boazi
1Naomi akaba aina omunyaruganda wa iba, omushaija mutungi, w'eihiga lya Elimeleki, eibaralye ni Boazi. 2Aho Ruti Omumoabukazi agambira Naomi ati, “Ngye omu musiri nkenguze ebikumba by'eshayiri mpondeire aranyikiliza kugira ntyo.” Naomi amuhorora ati, “Iroko mwana wange.”
3Kityo aimukya agenda, akenguza omu musiri ahondeire abagesi. Aija agobera ekichweka ky'omusiri gwa Boazi ayabaire ali w'eihiga lya Elimeleki. 4Aho Boazi aruga Betelehemu, agambira abagesi ati, “Omukama abe nainywe.” Bahorora bati, “Omukama akutunge omugisha.”
5Aho Boazi abaza omwiru ayabaire nalebelera abagesi ati, “Omukazi ogu w'ohai?” 6Omwiru ayabaire nalebelera abagesi amuhorora ati, “Mumoabukazi, aizire na Naomi barugire Moabu. 7Agambire ati, ‘Ninkutagiliza nkenguze ebikumba omu miganda mpondeire abagesi.’ Kityo yaija, ayemire bwankya karai kugoba mwaha, obuzira kwikyaho n'akati.”
8Aho Boazi agambira Ruti ati, “Mwana wange huliliza! Otagenda kukenguza mu musiri gundi, handiki kusigaho ogu. Oikare haihi n'abazana bange. 9Amaisho gaikare aha musiri ogwo balikugesha, obahondeire. Abasigazi nabaragira kutakukoraho. Kandi k'orakwatwa eiliho ogye aha bikwato onywe amaizi ag'abasigazi bataha.”
10Aho Ruti ajumara ahansi, agambira Boazi ati, “Nakuganja ntai iwe kunfaho oti, okwo inye ndi munyamahangakazi?”
11Kyonkai Boazi amuhorora ati, “Bamanyisize byona ebyo wakoleire nyokozara kwema baro afire, n'okwo osigireho sho na nyoko n'ensi y'obuzarwa bwawe, okaija omu bantu ab'obaire otalikumanya. 12Omukama akurongolere eby'okozire. Omukama Ruhanga wa Isiraeli ow'ohungiire omu mikonoye akutunge erongoro egobire.”
13Nirwo Ruti yagambire ati, “Mukama wange, wangilira ekisha kingi. Wamaramara omuzana wawe wamugambira n'obufura, n'orwo inye ntali muzana wawe.”
14Akanya k'okulya kakagobire Boazi agambira Ruti ati, “Ija aha olye akakulya, mara okoze ekibege omu divai.” Kityo Ruti ashuntama aha rubaju rw'abagesi, Boazi amuheleza eshayiri ebabwire; alya aiguta, endijo agisigaho. 15Orwo yaimukire kukenguza Boazi aragira abasigazibe ati, “Mumuleke akenguze nangu n'omu miganda, mutakumurwanisa. 16N'emiganda endijo mugimusikulire omu biba, mugimusigireho akenguzemu, mutakumurotokera.”
17Kityo Ruti akenguza omu musiri ogwo kugoba bwaigoro. Aho atera eyo yakenguza aihyamu nk'ekilo emoi y'eshayiri. 18Ataha nayo omu kigo. Ayoleka nyinazara eshayiri eyo yakenguza. Amuha n'ebyakulya ebyo yabaire asigireho orwo yamazire kwiguta. 19Nyinazara amubaza ati, “Kir'eki wakenguza nkahai? Waba nokora nkahai? Ogwo ayakumanya ahabwe omugisha.” Agambira nyinazara omusiri ogwo yakoramu, ati, “Mukama w'omusili ogwo nakoramu kir'eki ni Boazi.” 20Naomi agambira omukamwana ati, “Omushaija ogwo Omukama amutunge omugisha, Omukama omufura atanagirana barora anga bafire!” Naomi ashuba agambira Ruti ati, “Omushaija ogwo munyabuzare waitu empikabubili.” 21Aho Ruti Omumoabukazi agamba ati, “Mara kandi, yangambira ati, ‘Oikare haihi aha bairu bange, kuhika orwo baramara kugesha ebyange byona.’ ” 22Naomi agambira Ruti omukamwana ati, “Kurungi mwana wange, kugenda n'abazanabe, bataija bakakukora kubi omu musiri ogundi.” 23Kityo aikara aha bazana ba Boazi, nakenguza kulemwa kugoba aha nzindo y'amagesha g'eshayiri n'engano; amara aikara na nyinazara.
Ruhaya DC Bible © Bible Society of Tanzania, 2001.