Eby'abalevita 3
3
Ebihongo by'emilembe
1“K'ekihongo ky'omuntu kirabaga kili kitambo ky'emilembe, k'arahongaga ekitunganwa kuruga omu buhyo, kibe kishaija anga kikazi, ahongega ekitaina kamogo. 2Ekihongokye akitekeho omukono aha mutwe, amare akitire aha mulyango gw'Eihema ly'Omuterano. Batabani ba Aroni, abakuhani, obwamba babushaimulire alutare kugizingora. 3Aha kitambo ky'emilembe, kili kitambo ky'Omukama ky'okwokesibwa omuliro ahonge orushaju n'ebishaju byona ebishwekire amara. 4Ensigo zombili n'ebishaju ebili aha itako, n'ekiteko ky'eine ekyo araihiranaho n'ensigo. 5Aho batabani ba Aroni babyokezega ahali alutare aha kihongo ky'okwokibwa ekili aha nkwi zilikwaka omuliro. Eihongo ekyokesiibwe omuliro, akatachu kakyo kanshemelera inye Omukama.”
6“K'ekihongokye eky'emilembe aha Mukama kirabaga kili kitunganwa ekirugire omu buhyo bw'entaama, ebe mpaya anga muagazi, ahonge ekitaina kamogo. 7Ekihongokye k'arahongaga entama, aho agihongere omu maisho g'Omukama. 8Ateke omukonogwe aha mutwe gw'ekihongokye, mara akitire omu maisho g'Eihema ly'Omuterano. Obwamba bwakyo batabani ba Aroni babushaimulire alutare kugizingora. 9Aho aha kitambo ky'emilembe, ekihongo ky'Omukama eky'okwokesibwa omuliro, ahongega ebishaju byayo, n'ebishaju by'eikira lyona, aligutulire aha katilitili k'orutigongo, n'orushaju rw'amara rwona, n'ebishaju byona ebigaliho; 10n'ensigo zombili n'ebishaju biziliho omu nyugunyu, n'ekiteko ky'eine ekyo araihiranagaho n'ensigo. 11Omukuhani akyokezega ahali alutare kili kyakulya ekihongeirwe Omukama kyokesibwe omuliro.”
12“K'ekihongokye kirabaga kili ky'mbuzi, aho agihonge omu maisho g'Omukama. 13Agiteke omukonogwe aha mutwe, mara agitire omu maisho g'Eihema ly'Omuterano. Obwamba bwayo batabani ba Aroni babushaimulire alutare kugizingora. 14Aho agihongeho orushaju rw'amara, n'ebishaju byona ebili aha mara, kili kihongokye, ekihongo ky'Omukama ekyokesiibwe omuliro, 15hamoi n'ensigo zombili n'ebishaju ebili aha itako, n'ekiteko ky'eine eky'araihiranaho n'ensigo. 16Omukuhani arabyokeza ahali alutare kili kyakulya ekihongirwe kyokize kurugwamu akatachu akanshemelera inye Omukama. Ebishaju byona by'Omukama. 17Kiraba kiragiro ky'eirai lyona omu mizarwa yanyu, hona mbali murakaturaga, mutalilya bishaju anga bwamba.”
Currently Selected:
Eby'abalevita 3: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
