Yoshua 21

Ebigo by'Abalevita

1Abagurusi b'amahiga g'oruganda rw'Abalevita baija ahali Eleazari omukuhani, na Yoshua eya Nuni n'aha bagurusi b'ebika by'enganda zona z'Abaisiraeli; 2omuli Shilo omu nsi ya Kanaani babagambira bati, “Omukama akaragira Musa katuhabwa ebigo by'okuturamu n'enyeya z'okulisizamu ebitunganwa byaitu.” 3Kityo okwo Omukama yabaire ahangire, Abaisiraeli baha Abalevita ebigo n'obulisizo omu nsi yabo.

4Abalevita ab'amahiga ga Kohati nibo bahairwe mbere ebigo. Abalevita ababaire nibatabuka ahali Aroni omukuhani, bakahabwa ebigo 13 omu ruganda rwa Yuda, n'omu rwa Simeoni, n'omu rwa Benjamini. Bhakabanza barasha enshoga.

5Enshoga zirashwa, nikwo kuraonda ebigo 10 omu mahiga g'oruganda rwa Efuraimu, n'omu ruganda rwa Dani, n'omu nusu y'oruganda rwa Manase.

6Enshoga zirashwa nikwo kuronda ebigo 13 omu mahiga g'oruganda rwa Isakari, n'omu ruganda rwa Asheri, n'omu rwa Nafutali, n'omu nusu y'oruganda rwa Manase omuli Bashani.

7Abamerari nk'okwo amahiga gabo gali bahabwa ebigo 12 omu ruganda rwa Rubeni, n'omu rwa Gadi, n'omu rwa Zebuluni.

8Kugya kuha Abalevita ebigo ebyo n'obulisizo, Abaisiraeli bakarasha enshoga nk'okwo Omukama yaragiire omu kanwa ka Musa.

9Aga nigo mabara g'ebigo omu ruganda rwa Yuda n'omu rwa Simeoni ebyo bahaire 10baijukuru ba Aroni ab'eihiga ly'Abakohati, abatabukaga ahali Levi. Enshoga ezarasirwe mbere zikarashwa aha rwabo. 11Babaha Kiriatiaraba. (Araba n'iwe ishe Anaki), niyo Heburoni, omu mabanga ga Yuda, hamoi n'amalisizo gagizingoire. 12Kyonkai endimiro z'ekigo n'ebyaro byakyo bakabiha Kalebu eya Yefune.

13Kandi baijukuru ba Aroni omukuhani babaha Heburoni, ekigo ky'okuhungiramu araitaga omuntu hamoi n'amalisizo gakyo; babaha Libuna n'amalisizo gayo; 14Yatiri n'amalisizo gayo, Eshitemoa n'amalisizo gayo; 15Holoni n'amalisizo gayo, Debiri n'amalisizo gayo; 16Aini n'amalisizo gakyo; Yuta n'amalisizo gayo na Betishemeshi n'amalisizo gayo, bigo mwenda omu nganda ezo ibili. 17Kandi omu ruganda rwa Benjamini babahamu Gibeoni n'amalisizo gayo na Geba n'amalisizo gayo; 18Anatoti n'amalisizo gayo na Alimoni n'amalisizo gayo, bigo binai. 19Ebigo bya baijukuru ba Aroni abakuhani, byona hamoi bikaba bili 13 n'amalisizo gabyo.

20Amahiga agandi ag'Abakohati omu Balevita, bakagaha ebigo omu ruganda rwa Efuraimu. 21Bhakabaha Shekemu ey'okuhungirwamu ayaitaga omuntu, n'amalisizo gayo omu nsi z'amabanga ga Efuraimu, Gezeri n'amalisizo gayo; 22Kibuzaimu n'amalisizo gayo na Betihoroni n'amalisizo gayo, bigo binai. 23Kandi omu ruganda rwa Dani ni Eliteke n'amalisizo gayo, na Gibetoni n'amalisizo gayo; 24Aihaloni n'amalisizo gayo, na Gatirimoni n'amalisizo gayo, bigo binai. 25Kandi omu nusu y'oruganda rwa Manase ni Taanaki n'amalisizo gayo na Gatirimoni n'amalisizo gayo, bigo bibili. 26Ebigo eby'amahiga g'Abakohati abasigaire byona bikaba bili ikumi hamoi n'amalisizo gabyo.

27Kandi Abagerishoni omu mahiga g'Abalevita bakahabwa ebigo bibili omu nusu y'oruganda rwa Manase, nibyo Golani omuli Bashani n'amalisizo gayo, ekigo ky'okuhungirwamu ayaitaga omuntu na Beshitera n'amalisizo gayo. 28Omu ruganda rwa Isakari, Kishioni n'amalisizo gayo, na Daberati n'amalisizo gayo; 29Yarimuti n'amalisizo gayo, na Enganimu n'amalisizo gayo, bigo binai. 30Omu ruganda rwa Asheri ni Mishali n'amalisizo gayo na Abudoni n'amalisizo gayo; 31Helikati n'amalisizo gayo, na Rehobu n'amalisizo gayo, bigo binai. 32Omu ruganda rwa Nafutali ni Kedeshi omuli Galilaya n'amalisizo gayo, ekigo ky'okuhungirwamu ayaitaga omuntu, Hamotidori n'amalisizo gayo, na Karitani n'amalisizo gayo, bigo bishatu. 33Ebigo by'Abagerishoni kuhondera amahiga gabo byona hamoi bikaba bili 13 n'amalisizo gabyo.

34Kandi Abalevita abasigaire ab'amahiga ga Merari, omu ruganda rwa Zebuluni bakahabwamu Yokineamu n'amalisizo gayo, na karita n'amalisizo gayo; 35Dimona n'amalisizo gayo, na Nahalali n'amalisizo gayo, bigo binai. 36Omu ruganda rwa Rubeni ni Bezeri n'amalisizo gayo na Yahasa n'amalisizo gayo; 37Kedemoti n'amalisizo gayo na Mefaati n'amalisizo gayo, bigo binai. 38Omu ruganda rwa Gadi bakahabwamu Ramoti omuli Gileadi n'amalisizo gayo, ekigo ky'okuhungirwamu ayaitaga omuntu na Mahanaimu n'amalisizo gayo. 39Heshiboni n'amalisizo gayo na Yazeri n'amalisizo gayo, bigo byona binai. 40Ebigo by'amahiga ga Merari nibo Balevita abasigaire, bili 12. 41Ebigo eby'Abalevita omuli Isiraeli, byona hamoi bikaba bili 48 n'amalisizo gabyo. 42Ebigo ebi buli kimoi kikaba kina amalisizo gakyataine. Nikwo ebigo ebi byona byabaire bili.

Abaisiraeli nibalya ensi

43Nikwo Omukama yahaire atyo Abaisiraeli ensi yona eyo yarahiire baishebo okwo aligiha baijukuru babo. Bagilya, bagituramu. 44Kandi Omukama hakabaha emirembe embaju zona nk'okwo yabaire araganisize baishebo. Omu babisha babo taliho n'omoi yamalize kubatabalira, nangu Omukama hakababanaga omu mikono. 45Ebirungi byona eby'Omukama yabaire araganisize abantu ba Isiraeli taliho kyabuzireho; bikabaho byona.

Currently Selected:

Yoshua 21: RHAY01

Highlight

Copy

Compare