Abaramuzi 19
19
Omulevita wa Efuraimu n'ensholeke
1Omu biro orwo omuli Isiraeli habaire hatalimu mukama, Omulevita omoi ayabaire afurukiire omu mparo z'amabanga ga Efuraimu, ashwera ensholeke agihya Betelehemu omuli Yuda. 2Ensholeke emunigalira emusigaho eshuba Betelehemu omuli Yuda omwa ishe, eikarayo emyezi nk'enai. 3Aho iba aimuka amuhondera kumutagiliza kumugarura. Akaba agenzire n'omwiruwe n'endogobe ibili. Ataha omwa ishe mwisiki. Orwo ishe mwisiki yamuboine aija n'ebyera kumwakilira. 4Ishezara, ishe mwisiki amutanga, amara nawe ebiro bishatu; kityo balya, banywa, barara omwo. 5Aha kiro kya kanai baimuka bwankya karai, ayetekateka kugenda, kyonkai ishe mwisiki agambira omukoi ati, “Banza olyeho akakulya, obone amani, k'oramara ogende.” 6Aho abashaija bombili bashuntama balya, banywa hamoi. Ishe mwisiki agambira omukoi ati, “Okunde obyame, mara oshemelerwe.” 7Orwo omushaija yaimukire kugenda, ishezara amutagiliza alemwa araraho ekindi. 8Aha kiro kya katanu aimuka bwankya karai kugenda, kyonkai ishe mwisiki agamba ati, “Oyegumisilize, osibeho ogobe bwaigoro.” Aho bombili balya. 9Orwo omushaija n'ensholekeye n'omwiruwe baimukire kugenda, ishezara, ishe mwisiki amugambira ati, “Leba eizoba lyaija kutobera, wakuraire hanu. Leba ekiro kyaija kugwa; rara hanu mara oshemelerwe. Nyenkya oimuke bwankya karai ogende omuka.”
10Kyonkai omukoi tiyakunzire kubyama, aimuka agenda, agoba ahalebangaine na Yebusi (niyo Yerusalemu). Akaba aina endogobe ibili zina amatandiko, n'ensholekeye hakaba ainayo.
Entambara y'Abagibea
11Orwo babaire bali bwatana Yebusi, eizoba likaba lyagenzire muno. Aho omwiru agambira mukamawe ati, “Mbwenu oije tugye omu kigo ky'Abayebusi eki turaremu.” 12Mukamawe amugambira ati, “Titulikwija kutaha mu kigo kya banyamahanga abatali Baisiraeli; ekiliho tuhingure tugye Gibea.” 13Agambira omwiruwe ati, “Ija twilire haihi nk'enkiro emoi omuli ezi, turare Gibea anga Rama.” 14Aho bahingura bagenda, eizoba libatobeleraho bali bwatana Gibea eya Benjamini. 15Bataha Gibea, bararamu. Ataha nyarubuga y'ekigo ashuntama, aha rw'okuba thaliho yabatoire kurara mwe.
16Aho leba omushaija mukuru ashangwa nainuka naruga omu ndimiro aha bwaigoro. Akaba ali w'omu mabanga ga Efuraimu, yashangwa afurukiire Gibea. Abanyansi bhakaba bali Babenjamini. 17Kayanagire amaisho abona omugenzi omuli nyarubuga y'ekigo. Aho omushaija mukuru abaza ati, “Nogya nkahai? Isi noruga nkahai?” 18Omugenzi amugambira ati, “Nituruga Betelehemu omuli Yuda nitugya omu mparo z'amabanga ga Efuraimu, niho ndugire. Mbaire ngiire Betelehemu omuli Yuda, mbwenu ninshuba omuka. Kyonkai thaliho alikuntora mwe. 19Twina obunyasi n'ekyakulya ky'endogobe zaitu; kandi inye n'omuzana wawe n'omusigazi w'abairu bawe twina ekyakulya n'edivai; thaliho kibuzireho.” 20Omushaija mukuru agamba ati, “Humura! Ndakumalira ametage gawe gona; ekiliho otarara nyarubuga.” 21Amutahya omwe, endogobe aziha ekyakulya, banaba amaguru, balya, banywa.
22Orwo babaire bali omu mashemelerwa, abanyakigo empwabujwa, babunda enju obuzingora, nibatera orwigi. Bagambira omushaija mukuru, nyin'enju bati, “Turukya omushaija ayaija omwawe tumumanye.” 23Omushaija nyin'enju aturuka abagoba abagambira ati, “Chei barumuna bange, mutakora kihemu kiti, aha rw'okuba ogu yaija omwange, mutakora ihano elyo. 24Leba aha haliho muhara wange, mwisiki, n'ensholeke y'omushaija ogu; kambaturukye mbwenu aha. Bajangure okwo mulikwenda; kyonkai omushaija ogu mutamukora ihano elyo.” 25Kyonkai abantu abo tibamuhuliliza. Aho omushaija akwata ensholekeye agiturukya agibaha; bagimanya, bagijangura ekiro kyona kugoba bwankya. Orwo bwabandize kukya bagitaishura. 26Orwo bwakeire, omukazi aija agwa aha rwigi rw'enju y'omushaija mbali mukamawe yabaire ali kugoba orwo obwire bwataishukaine.
27Mukamawe aimuka bwankya; orwo yakingwire enyigi z'enju naturuka kugenda, leba ensholekeye ebyamire aha rwigi rw'enju, emikono eli aha muzilingiti. 28Amugambira ati, “Imuka tugende.” Kyonkai empororo ebura. Aho amuta aha ndogobe, aimukya agenda omuka. 29Kayatahire omwe akwata omuhyo, ashuba akwata ensholeke agichwagura engingo, agihyamu ebichweka ikumi na bibili, amara abitweka omu nsi yona ya Isiraeli. 30Bona abakiboine bagamba bati, “Ekyab'eki tikikazokaga handiki kuboneka kwema kiro eky'Abaisiraeli barugire Misiri kugoba mwaha. Mukitekelezeho, mukihanure, kandi mugambe.”
Currently Selected:
Abaramuzi 19: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Abaramuzi 19
19
Omulevita wa Efuraimu n'ensholeke
1Omu biro orwo omuli Isiraeli habaire hatalimu mukama, Omulevita omoi ayabaire afurukiire omu mparo z'amabanga ga Efuraimu, ashwera ensholeke agihya Betelehemu omuli Yuda. 2Ensholeke emunigalira emusigaho eshuba Betelehemu omuli Yuda omwa ishe, eikarayo emyezi nk'enai. 3Aho iba aimuka amuhondera kumutagiliza kumugarura. Akaba agenzire n'omwiruwe n'endogobe ibili. Ataha omwa ishe mwisiki. Orwo ishe mwisiki yamuboine aija n'ebyera kumwakilira. 4Ishezara, ishe mwisiki amutanga, amara nawe ebiro bishatu; kityo balya, banywa, barara omwo. 5Aha kiro kya kanai baimuka bwankya karai, ayetekateka kugenda, kyonkai ishe mwisiki agambira omukoi ati, “Banza olyeho akakulya, obone amani, k'oramara ogende.” 6Aho abashaija bombili bashuntama balya, banywa hamoi. Ishe mwisiki agambira omukoi ati, “Okunde obyame, mara oshemelerwe.” 7Orwo omushaija yaimukire kugenda, ishezara amutagiliza alemwa araraho ekindi. 8Aha kiro kya katanu aimuka bwankya karai kugenda, kyonkai ishe mwisiki agamba ati, “Oyegumisilize, osibeho ogobe bwaigoro.” Aho bombili balya. 9Orwo omushaija n'ensholekeye n'omwiruwe baimukire kugenda, ishezara, ishe mwisiki amugambira ati, “Leba eizoba lyaija kutobera, wakuraire hanu. Leba ekiro kyaija kugwa; rara hanu mara oshemelerwe. Nyenkya oimuke bwankya karai ogende omuka.”
10Kyonkai omukoi tiyakunzire kubyama, aimuka agenda, agoba ahalebangaine na Yebusi (niyo Yerusalemu). Akaba aina endogobe ibili zina amatandiko, n'ensholekeye hakaba ainayo.
Entambara y'Abagibea
11Orwo babaire bali bwatana Yebusi, eizoba likaba lyagenzire muno. Aho omwiru agambira mukamawe ati, “Mbwenu oije tugye omu kigo ky'Abayebusi eki turaremu.” 12Mukamawe amugambira ati, “Titulikwija kutaha mu kigo kya banyamahanga abatali Baisiraeli; ekiliho tuhingure tugye Gibea.” 13Agambira omwiruwe ati, “Ija twilire haihi nk'enkiro emoi omuli ezi, turare Gibea anga Rama.” 14Aho bahingura bagenda, eizoba libatobeleraho bali bwatana Gibea eya Benjamini. 15Bataha Gibea, bararamu. Ataha nyarubuga y'ekigo ashuntama, aha rw'okuba thaliho yabatoire kurara mwe.
16Aho leba omushaija mukuru ashangwa nainuka naruga omu ndimiro aha bwaigoro. Akaba ali w'omu mabanga ga Efuraimu, yashangwa afurukiire Gibea. Abanyansi bhakaba bali Babenjamini. 17Kayanagire amaisho abona omugenzi omuli nyarubuga y'ekigo. Aho omushaija mukuru abaza ati, “Nogya nkahai? Isi noruga nkahai?” 18Omugenzi amugambira ati, “Nituruga Betelehemu omuli Yuda nitugya omu mparo z'amabanga ga Efuraimu, niho ndugire. Mbaire ngiire Betelehemu omuli Yuda, mbwenu ninshuba omuka. Kyonkai thaliho alikuntora mwe. 19Twina obunyasi n'ekyakulya ky'endogobe zaitu; kandi inye n'omuzana wawe n'omusigazi w'abairu bawe twina ekyakulya n'edivai; thaliho kibuzireho.” 20Omushaija mukuru agamba ati, “Humura! Ndakumalira ametage gawe gona; ekiliho otarara nyarubuga.” 21Amutahya omwe, endogobe aziha ekyakulya, banaba amaguru, balya, banywa.
22Orwo babaire bali omu mashemelerwa, abanyakigo empwabujwa, babunda enju obuzingora, nibatera orwigi. Bagambira omushaija mukuru, nyin'enju bati, “Turukya omushaija ayaija omwawe tumumanye.” 23Omushaija nyin'enju aturuka abagoba abagambira ati, “Chei barumuna bange, mutakora kihemu kiti, aha rw'okuba ogu yaija omwange, mutakora ihano elyo. 24Leba aha haliho muhara wange, mwisiki, n'ensholeke y'omushaija ogu; kambaturukye mbwenu aha. Bajangure okwo mulikwenda; kyonkai omushaija ogu mutamukora ihano elyo.” 25Kyonkai abantu abo tibamuhuliliza. Aho omushaija akwata ensholekeye agiturukya agibaha; bagimanya, bagijangura ekiro kyona kugoba bwankya. Orwo bwabandize kukya bagitaishura. 26Orwo bwakeire, omukazi aija agwa aha rwigi rw'enju y'omushaija mbali mukamawe yabaire ali kugoba orwo obwire bwataishukaine.
27Mukamawe aimuka bwankya; orwo yakingwire enyigi z'enju naturuka kugenda, leba ensholekeye ebyamire aha rwigi rw'enju, emikono eli aha muzilingiti. 28Amugambira ati, “Imuka tugende.” Kyonkai empororo ebura. Aho amuta aha ndogobe, aimukya agenda omuka. 29Kayatahire omwe akwata omuhyo, ashuba akwata ensholeke agichwagura engingo, agihyamu ebichweka ikumi na bibili, amara abitweka omu nsi yona ya Isiraeli. 30Bona abakiboine bagamba bati, “Ekyab'eki tikikazokaga handiki kuboneka kwema kiro eky'Abaisiraeli barugire Misiri kugoba mwaha. Mukitekelezeho, mukihanure, kandi mugambe.”
Ruhaya DC Bible © Bible Society of Tanzania, 2001.