2 Samweli 21
21
Abagibeoni nibeholerwa
1Omu biro bya Daudi bhakabaho eifa ly'emyaka eshatu, omwaka aha gundi. Daudi abaza Omukama. Omukama agamba ati, “Eifa eli liteire aha rwa Shauli n'ekaye. Baina entambara y'obwitabantu aha rw'okuba bakaita Abagibeoni.” 2Omukama Daudi ayeta Abagibeoni abagambira. Abagibeoni bakaba batalikutabuka mu Baisiraeli, nawe bakaba bali Baamori abasigaireho. N'orwo Abaisiraeli babaire babanahiliire kutabaita, Shauli hakaba nahiga kubaita aha rw'okwitanira Abaisiraeli n'aba Yuda. 3Daudi abaza Abagibeoni ati, “Mbakolereki? Mbaliheki mukaha omutungo gwange omugisha?” 4Abagibeoni bamuhorora bati, “Ahali ichwe na Shauli anga ekaye tibitukwatiire kantu; nangu n'okwita omuntu wena wena omuli Isiraeli ti kyaitu.” Ababaza ati, “Inywe nimugambaki ekyo ndabakolera?” 5Bamugarukamu bati, “Omushaija ayatwisire akatumaraho, akahiga kutuchwa omuli Isiraeli, 6mbwenu omu batabani otuhemu mushanju tubahanike Gibeoni omu maisho g'Omukama, aha ibangalye.” Omukama Daudi ati, “Ndababaha.”
7Kyonkai aganyira Mefibosheti mutabani wa Yonatani mwijukuru wa Shauli, aha rw'endagano eyo yabaire aragaine na Yonatani mutabani wa Shauli. 8Omukama Daudi akwata batabani ba Rizipa muhara wa Aya bombili, Arimoni na Mefibosheti abo yazaliire Shauli, na batabani ba Merabu muhara wa Shauli bontanu abo yazaliire Adirieli mutabani wa Barizilai Omumeholati; 9yabanaga omu mikono y'Abagibeoni, babahanika aha ibanga omu maisho g'Omukama, bona hamoi mushanju bafa hamoi. Bakaitwa omu biro bya mbere by'eigesha ly'eshayiri.
10Aho Rizipa muhara wa Aya, akwata orugunia arwara aha rwazi kwema aha mbandizo y'eigesha kugoba orwo enjura yagwire ekabatera. Nyemishana abinga amahungu kubagobaho, omu kiro abinga ebigunju. 11Orwo Daudi bamugambire ekyo Rizipa muhara wa Aya, ensholeke ya Shauli yakozire, 12agenda aihya omu bakuru ba Yabeshigileadi amagufa ga Shauli n'ag'omutabani Yonatani. Aba Yabeshigileadi bakaba bagaibire omuli nyarubuga ya Betishani mbali Abafilisiti babaire babahanikire, kiro kyo baita Shauli ahali Giliboa. 13Aihyayo amagufa ga Shauli n'ag'omutabani Yonatani; akwata n'aga balinya abahanikirwe. 14Aga Shauli n'aga Yonatani bagaziika omu nziiko ya Kishi, ishe, omuli Zela omu nsi ya Benjamini. Bakora byona eby'Omukama yabaragiire. Ebyo kabyahoire Ruhanga abatunga ebyo babaire nibashabira ensi yabo.
Endashana n'Abafilisiti emyandu
(1Ma 20:4-8)
15Abafilisiti bakashuba bagira endashana na Isiraeli. Daudi agenda n'abashaijabe, batera Abafilisiti; kyonkai Daudi alemwa. 16Ishibibenobu alikutabuka omu bashaija ebishoka, ow'eichumu ly'omulinga ely'obusikizi bw'ekilo nka ishatu n'enusu, ayekomire embanda mpya, agamba kwita Daudi. 17Kyonkai Abishai eya Zeruya, amujuna, atera Omufilisiti ogwo amwita. Aho abashaija ba Daudi bamwenahilira bati, “Tokitabara rundi naichwe, kuba niwe shubi ya Isiraeli.”
18Ahanyuma habaho endashana endijo n'Abafilisiti omuli Gobu. Sibekai Omuhushati aita Safu ow'oruganda rw'Abarefa. 19Hashuba habaho endashana endijo n'Abafilisiti omuli Gobu. Elihanani eya Yaareoregimu Omubetelehemu aita Goliati Omugiti ow'orubango rw'eichumulye rwabaire nirushusha eboriti y'omushuki w'emyendo. 20Ashuba habaho endashana omuli Gati, mbali habaire ali omushaija w'ekyema, aina ebyara mukaga buli mukono n'ebyara mukaga buli kuguru, orubara 24; na wenene hakaba natabuka omu Barefai. 21Kayakoleize Isiraeli, Yonatani eya Shimei murumuna Daudi, amwita. 22Abanai aba bakaba nibatabuka Gati omu bashaija ebishoka. Bakaitwa Daudi n'abashaijabe.
Currently Selected:
2 Samweli 21: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 21
21
Abagibeoni nibeholerwa
1Omu biro bya Daudi bhakabaho eifa ly'emyaka eshatu, omwaka aha gundi. Daudi abaza Omukama. Omukama agamba ati, “Eifa eli liteire aha rwa Shauli n'ekaye. Baina entambara y'obwitabantu aha rw'okuba bakaita Abagibeoni.” 2Omukama Daudi ayeta Abagibeoni abagambira. Abagibeoni bakaba batalikutabuka mu Baisiraeli, nawe bakaba bali Baamori abasigaireho. N'orwo Abaisiraeli babaire babanahiliire kutabaita, Shauli hakaba nahiga kubaita aha rw'okwitanira Abaisiraeli n'aba Yuda. 3Daudi abaza Abagibeoni ati, “Mbakolereki? Mbaliheki mukaha omutungo gwange omugisha?” 4Abagibeoni bamuhorora bati, “Ahali ichwe na Shauli anga ekaye tibitukwatiire kantu; nangu n'okwita omuntu wena wena omuli Isiraeli ti kyaitu.” Ababaza ati, “Inywe nimugambaki ekyo ndabakolera?” 5Bamugarukamu bati, “Omushaija ayatwisire akatumaraho, akahiga kutuchwa omuli Isiraeli, 6mbwenu omu batabani otuhemu mushanju tubahanike Gibeoni omu maisho g'Omukama, aha ibangalye.” Omukama Daudi ati, “Ndababaha.”
7Kyonkai aganyira Mefibosheti mutabani wa Yonatani mwijukuru wa Shauli, aha rw'endagano eyo yabaire aragaine na Yonatani mutabani wa Shauli. 8Omukama Daudi akwata batabani ba Rizipa muhara wa Aya bombili, Arimoni na Mefibosheti abo yazaliire Shauli, na batabani ba Merabu muhara wa Shauli bontanu abo yazaliire Adirieli mutabani wa Barizilai Omumeholati; 9yabanaga omu mikono y'Abagibeoni, babahanika aha ibanga omu maisho g'Omukama, bona hamoi mushanju bafa hamoi. Bakaitwa omu biro bya mbere by'eigesha ly'eshayiri.
10Aho Rizipa muhara wa Aya, akwata orugunia arwara aha rwazi kwema aha mbandizo y'eigesha kugoba orwo enjura yagwire ekabatera. Nyemishana abinga amahungu kubagobaho, omu kiro abinga ebigunju. 11Orwo Daudi bamugambire ekyo Rizipa muhara wa Aya, ensholeke ya Shauli yakozire, 12agenda aihya omu bakuru ba Yabeshigileadi amagufa ga Shauli n'ag'omutabani Yonatani. Aba Yabeshigileadi bakaba bagaibire omuli nyarubuga ya Betishani mbali Abafilisiti babaire babahanikire, kiro kyo baita Shauli ahali Giliboa. 13Aihyayo amagufa ga Shauli n'ag'omutabani Yonatani; akwata n'aga balinya abahanikirwe. 14Aga Shauli n'aga Yonatani bagaziika omu nziiko ya Kishi, ishe, omuli Zela omu nsi ya Benjamini. Bakora byona eby'Omukama yabaragiire. Ebyo kabyahoire Ruhanga abatunga ebyo babaire nibashabira ensi yabo.
Endashana n'Abafilisiti emyandu
(1Ma 20:4-8)
15Abafilisiti bakashuba bagira endashana na Isiraeli. Daudi agenda n'abashaijabe, batera Abafilisiti; kyonkai Daudi alemwa. 16Ishibibenobu alikutabuka omu bashaija ebishoka, ow'eichumu ly'omulinga ely'obusikizi bw'ekilo nka ishatu n'enusu, ayekomire embanda mpya, agamba kwita Daudi. 17Kyonkai Abishai eya Zeruya, amujuna, atera Omufilisiti ogwo amwita. Aho abashaija ba Daudi bamwenahilira bati, “Tokitabara rundi naichwe, kuba niwe shubi ya Isiraeli.”
18Ahanyuma habaho endashana endijo n'Abafilisiti omuli Gobu. Sibekai Omuhushati aita Safu ow'oruganda rw'Abarefa. 19Hashuba habaho endashana endijo n'Abafilisiti omuli Gobu. Elihanani eya Yaareoregimu Omubetelehemu aita Goliati Omugiti ow'orubango rw'eichumulye rwabaire nirushusha eboriti y'omushuki w'emyendo. 20Ashuba habaho endashana omuli Gati, mbali habaire ali omushaija w'ekyema, aina ebyara mukaga buli mukono n'ebyara mukaga buli kuguru, orubara 24; na wenene hakaba natabuka omu Barefai. 21Kayakoleize Isiraeli, Yonatani eya Shimei murumuna Daudi, amwita. 22Abanai aba bakaba nibatabuka Gati omu bashaija ebishoka. Bakaitwa Daudi n'abashaijabe.
Ruhaya DC Bible © Bible Society of Tanzania, 2001.