2 Samweli 20
20
Sheba nashenga Daudi
1Hakaba haliho omushaija mubi eibaralye Sheba, mutabani wa Bikiri, Omubenjamini; atera orukuli agamba ati,
“Daudi ti waitu,
mutabani wa Yese tatukweteho;
Baisiraeli inywena,
buli omoi ashube omuka.”
2Aho Abaisiraeli basigaho Daudi bahondera Sheba. Kyonkai aba Yuda baguma aha Mukama wabo, kwema Yorudani kuhika Yerusalemu.
3Orwo Daudi yagobire Yerusalemu omu kikaarekye, akwata ensholeke 10 ezo yabaire asigire kulinda ekikaare, azita omu nju emoi aziikwasa omulinzi. Yazilisaga kyonkai tiyabyamire nazo. Bakaikara nk'entumbwakazi bafungirwe kuhika okufa kwabo.
Yoabu naita Amasa
4Ahanyuma Omukama agambira Amasa ati, “Onyetere aba Yuda omu biro bishatu, naiwe wenene obe oli aha.” 5Amasa agenda abeta, kyonkai akelererwa kushaga eibanga elyo yabaire aragiirwe. 6Daudi agambira Abishai ati, “Mbwenu Sheba eya Bikiri naija kutukora kubi kushaga Abusalomu; okwate abairu bange omubinge atakwija akakwata ebigo by'eboma akatwesheleka.” 7Abashaija ba Yoabu aba Kereti, aba Peleti n'abaisherukare bona baruga Yerusalemu bahondera Abishai kubinga Sheba eya Bikiri. 8Orwo babaire bali Gibeoni aha ibare lihango, Amasa abatanganwa. Yoabu hakaba ajwete ekijwaro ky'endashana, akikomesize orufufu, n'embanda omu ruraro rwayo agyekomire aha itako. Kyonkai kayabaire nagenda eshohorogoka eragara. 9Yoabu agambira Amasa ati, “Murumuna wange, ogumire?” Amukwata omuleju n'omukono gwa bulyo nk'aramunywegera. 10Kyonkai Amasa tiyafireho mbanda eyo Yoabu yabaire akwete; aho agimuchumita omu rubunda, ashesha amarage ahansi obuzira kugimuchumita lya kabili; afa. Aho Yoabu na Abishai omurumuna, babinga Sheba mutabani wa Bikiri.
11Omoiho omu baisherukare ba Yoabu ayemelera ahali Amasa agamba ati, “Wena wena alikwenda Yoabu mara ali wa Daudi, ahondere Yoabu.” 12Amasa aikara nyaihanda ayekurungire omu bwamba. Buli omoi ayagobagaho akamubona, ayemelera. Omwisherukare okwo kayaboine okwo abantu bona balikugoba aho bakemelera, aihya Amasa nyaihanda amutwara omw'ishwa, amunagaho ekijwaro. 13Aho nikwo abantu bona kuhingura bakahondera Yoabu kubinga Sheba eya Bikiri.
Okwitwa kwa Sheba
14Sheba araba omu nganda zona za Isiraeli agoba Abeli eya Betimaka. Ab'oruganda rwa Bikiri bona bahurura, nabo bagenda bamuhondeire. 15Abaisherukare abo Yoabu yabaire ainabo, baija bamutangira omuli Abeli eya Betimaka. Batera orusinde aha rukuta rw'ekigo, mara bakaba nibatemba eboma egyo, bagikumbya. 16Aho omukazi mugezi ayema omu kigo ayeta ati, “Hulira! Hulira! Mugambire Yoabu ailire hanu mugambire.” 17Amwilira haihi; omukazi amubaza ati, “Iwe oli Yoabu?” Agamba ati, “N'inye.” Aho amugambira ati, “Hulira nkugambire.” Yoabu agamba ati, “Nkuhuliliize.” 18Aho omukazi agamba ati, “Eira bagambaga bati, ‘Kakuli kwehanuza behanuze omuli Abeli.’ Nikwo bamaraga batyo ekigambo. 19Nanye omuli Isiraeli ndi muntu w'emilembe mara ndi mwesigwa. Mbwenu nohiga kusilikya ekigo omuzaire omuli Isiraeli; kubaki oite omutungo gw'Omukama?” 20Yoabu ahorora ati, “Nikikabure, nikikabure, tinakubaita anga kubasilikya! 21Ekigambo ekyo tikwo kili, shana omushaija omoi w'omu mabanga ga Efuraimu, alikwetwa Sheba eya Bikiri, niwe alikushenga Omukama Daudi. Mube niwe mutaishura wenkai, nduge aha kigo eki.” Omukazi agambira Yoabu ati, “Leba twaija kukurasira omutwegwe tugurabye aha boma eiguru.” 22Aho omukazi ashara amagezi arabamu abantu bona omu kigo. Sheba mutabani wa Bikiri bamutemaho omutwe, bagurasira Yoabu. Aho atera enzamba baruga omu kigo benaganaga, buli muntu ashuba omuka, Yoabu agaruka Yerusalemu ow'Omukama.
Ab'emiruka omu bukama bwa Daudi
23Yoabu hakaba ali mukuru w'eihe lyona lya Isiraeli. Benaya mutabani wa Yehoyada hakaba ali mukuru w'aba Kereti n'aba Peleti. 24Adoramu hakaba ali mukuru w'emilimo y'ensika. Yehoshafati mutabani wa Ahiludi hakaba ali muhandiki w'eby'amakiro. 25Sheva hakaba ali muhandiki. Zadoki na Abiatari bakaba bali bakuhani. 26Ira Omuyairi nawe hakaba ali mukuhani wa Daudi.
Currently Selected:
2 Samweli 20: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 20
20
Sheba nashenga Daudi
1Hakaba haliho omushaija mubi eibaralye Sheba, mutabani wa Bikiri, Omubenjamini; atera orukuli agamba ati,
“Daudi ti waitu,
mutabani wa Yese tatukweteho;
Baisiraeli inywena,
buli omoi ashube omuka.”
2Aho Abaisiraeli basigaho Daudi bahondera Sheba. Kyonkai aba Yuda baguma aha Mukama wabo, kwema Yorudani kuhika Yerusalemu.
3Orwo Daudi yagobire Yerusalemu omu kikaarekye, akwata ensholeke 10 ezo yabaire asigire kulinda ekikaare, azita omu nju emoi aziikwasa omulinzi. Yazilisaga kyonkai tiyabyamire nazo. Bakaikara nk'entumbwakazi bafungirwe kuhika okufa kwabo.
Yoabu naita Amasa
4Ahanyuma Omukama agambira Amasa ati, “Onyetere aba Yuda omu biro bishatu, naiwe wenene obe oli aha.” 5Amasa agenda abeta, kyonkai akelererwa kushaga eibanga elyo yabaire aragiirwe. 6Daudi agambira Abishai ati, “Mbwenu Sheba eya Bikiri naija kutukora kubi kushaga Abusalomu; okwate abairu bange omubinge atakwija akakwata ebigo by'eboma akatwesheleka.” 7Abashaija ba Yoabu aba Kereti, aba Peleti n'abaisherukare bona baruga Yerusalemu bahondera Abishai kubinga Sheba eya Bikiri. 8Orwo babaire bali Gibeoni aha ibare lihango, Amasa abatanganwa. Yoabu hakaba ajwete ekijwaro ky'endashana, akikomesize orufufu, n'embanda omu ruraro rwayo agyekomire aha itako. Kyonkai kayabaire nagenda eshohorogoka eragara. 9Yoabu agambira Amasa ati, “Murumuna wange, ogumire?” Amukwata omuleju n'omukono gwa bulyo nk'aramunywegera. 10Kyonkai Amasa tiyafireho mbanda eyo Yoabu yabaire akwete; aho agimuchumita omu rubunda, ashesha amarage ahansi obuzira kugimuchumita lya kabili; afa. Aho Yoabu na Abishai omurumuna, babinga Sheba mutabani wa Bikiri.
11Omoiho omu baisherukare ba Yoabu ayemelera ahali Amasa agamba ati, “Wena wena alikwenda Yoabu mara ali wa Daudi, ahondere Yoabu.” 12Amasa aikara nyaihanda ayekurungire omu bwamba. Buli omoi ayagobagaho akamubona, ayemelera. Omwisherukare okwo kayaboine okwo abantu bona balikugoba aho bakemelera, aihya Amasa nyaihanda amutwara omw'ishwa, amunagaho ekijwaro. 13Aho nikwo abantu bona kuhingura bakahondera Yoabu kubinga Sheba eya Bikiri.
Okwitwa kwa Sheba
14Sheba araba omu nganda zona za Isiraeli agoba Abeli eya Betimaka. Ab'oruganda rwa Bikiri bona bahurura, nabo bagenda bamuhondeire. 15Abaisherukare abo Yoabu yabaire ainabo, baija bamutangira omuli Abeli eya Betimaka. Batera orusinde aha rukuta rw'ekigo, mara bakaba nibatemba eboma egyo, bagikumbya. 16Aho omukazi mugezi ayema omu kigo ayeta ati, “Hulira! Hulira! Mugambire Yoabu ailire hanu mugambire.” 17Amwilira haihi; omukazi amubaza ati, “Iwe oli Yoabu?” Agamba ati, “N'inye.” Aho amugambira ati, “Hulira nkugambire.” Yoabu agamba ati, “Nkuhuliliize.” 18Aho omukazi agamba ati, “Eira bagambaga bati, ‘Kakuli kwehanuza behanuze omuli Abeli.’ Nikwo bamaraga batyo ekigambo. 19Nanye omuli Isiraeli ndi muntu w'emilembe mara ndi mwesigwa. Mbwenu nohiga kusilikya ekigo omuzaire omuli Isiraeli; kubaki oite omutungo gw'Omukama?” 20Yoabu ahorora ati, “Nikikabure, nikikabure, tinakubaita anga kubasilikya! 21Ekigambo ekyo tikwo kili, shana omushaija omoi w'omu mabanga ga Efuraimu, alikwetwa Sheba eya Bikiri, niwe alikushenga Omukama Daudi. Mube niwe mutaishura wenkai, nduge aha kigo eki.” Omukazi agambira Yoabu ati, “Leba twaija kukurasira omutwegwe tugurabye aha boma eiguru.” 22Aho omukazi ashara amagezi arabamu abantu bona omu kigo. Sheba mutabani wa Bikiri bamutemaho omutwe, bagurasira Yoabu. Aho atera enzamba baruga omu kigo benaganaga, buli muntu ashuba omuka, Yoabu agaruka Yerusalemu ow'Omukama.
Ab'emiruka omu bukama bwa Daudi
23Yoabu hakaba ali mukuru w'eihe lyona lya Isiraeli. Benaya mutabani wa Yehoyada hakaba ali mukuru w'aba Kereti n'aba Peleti. 24Adoramu hakaba ali mukuru w'emilimo y'ensika. Yehoshafati mutabani wa Ahiludi hakaba ali muhandiki w'eby'amakiro. 25Sheva hakaba ali muhandiki. Zadoki na Abiatari bakaba bali bakuhani. 26Ira Omuyairi nawe hakaba ali mukuhani wa Daudi.
Ruhaya DC Bible © Bible Society of Tanzania, 2001.