2 Samweli 13
13
Amunoni na Tamari
1Abusalomu mutabani wa Daudi hakaba aina munyanya ali murungi, eibaralye Tamari. Amunoni, nawe mutabani wa Daudi, ayegomba Tamari. 2Okuligira kubi munyanya ogwo kumugobya aha kwerwaza. Tamari hakaba ali mwisiki atashweirwe. Kandi rubaju orundi hakaba nabona okwo kigumire kugira ekyo yamukoraho. 3Amunoni hakaba aina mutahiwe nayetwa Yonadabu, mutabani wa Shimea murumuna Daudi. Yonadabu hakaba aina obwenge bungi. 4Amubaza ati, “Iwe mwana w'Omukama, kubaki noteba buli kiro? Isi tongambira?” Amunoni amugambira ati, “Nindigira Tamari munyanya Abusalomu murumuna wange.” 5Yonadabu amugambira ati, “Byama omu kitanda oyerwaze. Sho k'araija kukuleba omugambire oti, ‘Ninshaba munyanyazi Tamari aije ampe ekyakulya. Akinchumbire aha omu maisho gange, ashube akingabire.’ ” 6Aho Amunoni abyama, ayerwaza. Orw'Omukama yagiire kumuleba amugambira ati, “Ninshaba munyanyazi Tamari aije akolere otukate tubili aha omu maisho gange, mara wenene atumpeleze.”
7Daudi atuma omuka ahali Tamari ati, “Ogende owa Amunoni munyanyoko omutekatekere ekyakulya.” 8Tamari agya owa Amunoni munyanya mbali yabaire abyamire. Akwata ensano agikanda agikoramu otukate omu maishoge, atuchumba. 9Akwata orukarango, amwihulira otukate otwo omu maishoge, kyonkai Amunoni ayanga kulya. Agira ati, “Muturukye buli muntu ampigize.” Aho bamwigiza bona baturuka. 10Nikwo kugambira Tamari ati, “Ndetera ekyakulya omu kiyumba nkiliire omu ngaro zawe.” Tamari akwata otukate otwo yatekatekire atumutwalirakwo omu kiyumba. 11Kyonkai kayatumugobize ngu alye, ogu amukwata rwamani, amugambira ati, “Mwana wa tata, tubyame hamoi.” 12Tamari amugambira ati, “Chei, mwana wa tata, otampamba kuba omuli Isiraeli eki tikikorwa. Ekyo ky'enshoni mara ky'obufera. 13Enshoni ezab'ezo nakuzitahai? Isi naiwe ali iwe tiwaba mufera okashonara omuli Isiraeli? Mbwenu ninshaba ogambire Omukama, okuba talikwija kukunyima.” 14Kyonkai Amunoni ayanga kumuhuliliza, amushagisa amani, amuhamba, abyama nawe.
15Kuruga aho Amunoni amunoba enobi nyingi muno, eshaga engonzi ezo yabaire amugondize. Amugambira ati, “Imuka ogende.” 16Kyonkai Tamari amugambira ati, “Chei, mwana wa tata. Okumbinga bufu buhango kushaga obwo wankolera.” Ogu ashuba ayanga kumuhulira. 17Ayeta omusigazi ayabaire namukolera amugira ati, “Binga omukazi ogu ampigize mara omukingirane aheru.” 18Tamari hakaba ajwete ekanzu ndai y'emikono, okuba eirai nikwo bahara b'Omukama bakyali baisiki bajwaraga. Omukoziwe amuturukya aheru amukingirana. 19Tamari akwata eijwi alyesiiga omu mutwe, atemura n'ekanzu nda eyo yabaire ajwete; ayetweka emikono aha mutwe, agenda nalira muno.
20Ahanyuma Abusalomu munyanya amubaza ati, “Kir'eki waba oli hamoi na Amunoni munyanyoko? Humura mwana wa tata. Ni munyanyoko, ekigambo eki otakita aha mutima.” Nikwo Tamari kutura omwa Abusalomu kyonkai agira obujune. 21Orwo Omukama Daudi yahuliire ebigambo ebi atamwa muno. 22Kandi Abusalomu tiyagambire kigambo na Amunoni kyaba kirungi anga kibi; kyonkai akamunobera aha mutima aha rw'okuhamba Tamari munyanya.
Abusalomu naita Amunoni mara nairuka
23Kayahingwireho emyaka ebili eijwire, abakozi ba Abusalomu bashangwa bali Baalihazoi bwatana Efuraimu nibamushalira entamaze obwoya. Abusalomu araliza batabani b'Omukama bona. 24Abusalomu aija aha Mukama amugira ati, “Leba abakozi bange nibanshalira obwoya; ninkushaba n'abaramata bawe tugende hamoi.” 25Kyonkai Omukama amugarukamu ati, “Chei, mwana wange, tutagenda ichwena, tutakwija tukakusikilira.” Ogu amutagiliza muno, kyonkai ayangira kimoi shana amuha omugisha. 26Abusalomu amushubamu ati, “Kakitali kityo ninshaba murumuna wange Amunoni tugende hamoi.” Omukama amugambira ati, “Kubaki mugende hamoi?” 27Kyonkai Abusalomu aguma amuzigiliire alemwa ataishura Amunoni n'abarangira abandi bona bagenda nawe. 28Kabagobireyo Abusalomu aragira abakozibe ati, “Muraleba orwo Amunoni aranywa edivai akatamiira. Kandabagambira nti, ‘Tera Amunoni,’ aho mumwite. Mutatina; alikubaragira n'inye. Mugume, mube manzi.” 29Abakozi abo bakora Amunoni nk'okwo Abusalomu yabaragira. Aho abarangira bona baimuka, buli muntu akuuba enyumbuye airuka.
30Orwo babaire bakyali omu muhanda amakuru gagoba Daudi bati, “Abusalomu yaita abarangira bona taliho n'omoi yasigaraho.” 31Aho Omukama aimuka atemura ebijwarobye, abyama omw'itaka. Abaramatabe ababaire bamukurasire nabo batemura ebijwaro byabo. 32Kyonkai Yonadabu eya Shimei murumuna Daudi amugambira ati, “Rugaba, abarangira b'Omukama tibaita bona; Amunoni wenkai niwe yafa. Kwema orwo y'ahambire Tamari, munyanya, Abusalomu atura akiraliire, kandi niwe yaragira atyo. 33Mbwenu Rugaba kitakushasa kityo kugir'oti abarangira bafa bona; Amunoni wenkai niwe yafa.”
34Kwema aho Abusalomu airuka. Ahanyuma omukumilizi ayabaire nalinda kayanagire amaisho abona abantu bangi nibaletwa omuhanda ogulikuruga Horonaimu aha rubaju rw'eibanga. 35Yonadabu agambira Omukama ati, “Leba abarangira baija; nk'okwo omwiru wawe yagamba nikwo byaba.” 36Kayabaire yamara ati kugamba, abarangira bagoba, bachura muno. Omukama n'abaramata nabo kutyo.
37Abusalomu ahungira owa Talimai mutabani wa Amihudi, Omukama wa Geshuri. Daudi yachuliraga omutabani buli kiro. 38Abusalomu airukira na Geshuri, aikarayo emyaka eshatu. 39Ahanyuma Omukama Daudi kayabaire yahoirwe ekiizi aha rw'okufa kwa Amunoni, yagilira Abusalomu orushusho.
Currently Selected:
2 Samweli 13: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 13
13
Amunoni na Tamari
1Abusalomu mutabani wa Daudi hakaba aina munyanya ali murungi, eibaralye Tamari. Amunoni, nawe mutabani wa Daudi, ayegomba Tamari. 2Okuligira kubi munyanya ogwo kumugobya aha kwerwaza. Tamari hakaba ali mwisiki atashweirwe. Kandi rubaju orundi hakaba nabona okwo kigumire kugira ekyo yamukoraho. 3Amunoni hakaba aina mutahiwe nayetwa Yonadabu, mutabani wa Shimea murumuna Daudi. Yonadabu hakaba aina obwenge bungi. 4Amubaza ati, “Iwe mwana w'Omukama, kubaki noteba buli kiro? Isi tongambira?” Amunoni amugambira ati, “Nindigira Tamari munyanya Abusalomu murumuna wange.” 5Yonadabu amugambira ati, “Byama omu kitanda oyerwaze. Sho k'araija kukuleba omugambire oti, ‘Ninshaba munyanyazi Tamari aije ampe ekyakulya. Akinchumbire aha omu maisho gange, ashube akingabire.’ ” 6Aho Amunoni abyama, ayerwaza. Orw'Omukama yagiire kumuleba amugambira ati, “Ninshaba munyanyazi Tamari aije akolere otukate tubili aha omu maisho gange, mara wenene atumpeleze.”
7Daudi atuma omuka ahali Tamari ati, “Ogende owa Amunoni munyanyoko omutekatekere ekyakulya.” 8Tamari agya owa Amunoni munyanya mbali yabaire abyamire. Akwata ensano agikanda agikoramu otukate omu maishoge, atuchumba. 9Akwata orukarango, amwihulira otukate otwo omu maishoge, kyonkai Amunoni ayanga kulya. Agira ati, “Muturukye buli muntu ampigize.” Aho bamwigiza bona baturuka. 10Nikwo kugambira Tamari ati, “Ndetera ekyakulya omu kiyumba nkiliire omu ngaro zawe.” Tamari akwata otukate otwo yatekatekire atumutwalirakwo omu kiyumba. 11Kyonkai kayatumugobize ngu alye, ogu amukwata rwamani, amugambira ati, “Mwana wa tata, tubyame hamoi.” 12Tamari amugambira ati, “Chei, mwana wa tata, otampamba kuba omuli Isiraeli eki tikikorwa. Ekyo ky'enshoni mara ky'obufera. 13Enshoni ezab'ezo nakuzitahai? Isi naiwe ali iwe tiwaba mufera okashonara omuli Isiraeli? Mbwenu ninshaba ogambire Omukama, okuba talikwija kukunyima.” 14Kyonkai Amunoni ayanga kumuhuliliza, amushagisa amani, amuhamba, abyama nawe.
15Kuruga aho Amunoni amunoba enobi nyingi muno, eshaga engonzi ezo yabaire amugondize. Amugambira ati, “Imuka ogende.” 16Kyonkai Tamari amugambira ati, “Chei, mwana wa tata. Okumbinga bufu buhango kushaga obwo wankolera.” Ogu ashuba ayanga kumuhulira. 17Ayeta omusigazi ayabaire namukolera amugira ati, “Binga omukazi ogu ampigize mara omukingirane aheru.” 18Tamari hakaba ajwete ekanzu ndai y'emikono, okuba eirai nikwo bahara b'Omukama bakyali baisiki bajwaraga. Omukoziwe amuturukya aheru amukingirana. 19Tamari akwata eijwi alyesiiga omu mutwe, atemura n'ekanzu nda eyo yabaire ajwete; ayetweka emikono aha mutwe, agenda nalira muno.
20Ahanyuma Abusalomu munyanya amubaza ati, “Kir'eki waba oli hamoi na Amunoni munyanyoko? Humura mwana wa tata. Ni munyanyoko, ekigambo eki otakita aha mutima.” Nikwo Tamari kutura omwa Abusalomu kyonkai agira obujune. 21Orwo Omukama Daudi yahuliire ebigambo ebi atamwa muno. 22Kandi Abusalomu tiyagambire kigambo na Amunoni kyaba kirungi anga kibi; kyonkai akamunobera aha mutima aha rw'okuhamba Tamari munyanya.
Abusalomu naita Amunoni mara nairuka
23Kayahingwireho emyaka ebili eijwire, abakozi ba Abusalomu bashangwa bali Baalihazoi bwatana Efuraimu nibamushalira entamaze obwoya. Abusalomu araliza batabani b'Omukama bona. 24Abusalomu aija aha Mukama amugira ati, “Leba abakozi bange nibanshalira obwoya; ninkushaba n'abaramata bawe tugende hamoi.” 25Kyonkai Omukama amugarukamu ati, “Chei, mwana wange, tutagenda ichwena, tutakwija tukakusikilira.” Ogu amutagiliza muno, kyonkai ayangira kimoi shana amuha omugisha. 26Abusalomu amushubamu ati, “Kakitali kityo ninshaba murumuna wange Amunoni tugende hamoi.” Omukama amugambira ati, “Kubaki mugende hamoi?” 27Kyonkai Abusalomu aguma amuzigiliire alemwa ataishura Amunoni n'abarangira abandi bona bagenda nawe. 28Kabagobireyo Abusalomu aragira abakozibe ati, “Muraleba orwo Amunoni aranywa edivai akatamiira. Kandabagambira nti, ‘Tera Amunoni,’ aho mumwite. Mutatina; alikubaragira n'inye. Mugume, mube manzi.” 29Abakozi abo bakora Amunoni nk'okwo Abusalomu yabaragira. Aho abarangira bona baimuka, buli muntu akuuba enyumbuye airuka.
30Orwo babaire bakyali omu muhanda amakuru gagoba Daudi bati, “Abusalomu yaita abarangira bona taliho n'omoi yasigaraho.” 31Aho Omukama aimuka atemura ebijwarobye, abyama omw'itaka. Abaramatabe ababaire bamukurasire nabo batemura ebijwaro byabo. 32Kyonkai Yonadabu eya Shimei murumuna Daudi amugambira ati, “Rugaba, abarangira b'Omukama tibaita bona; Amunoni wenkai niwe yafa. Kwema orwo y'ahambire Tamari, munyanya, Abusalomu atura akiraliire, kandi niwe yaragira atyo. 33Mbwenu Rugaba kitakushasa kityo kugir'oti abarangira bafa bona; Amunoni wenkai niwe yafa.”
34Kwema aho Abusalomu airuka. Ahanyuma omukumilizi ayabaire nalinda kayanagire amaisho abona abantu bangi nibaletwa omuhanda ogulikuruga Horonaimu aha rubaju rw'eibanga. 35Yonadabu agambira Omukama ati, “Leba abarangira baija; nk'okwo omwiru wawe yagamba nikwo byaba.” 36Kayabaire yamara ati kugamba, abarangira bagoba, bachura muno. Omukama n'abaramata nabo kutyo.
37Abusalomu ahungira owa Talimai mutabani wa Amihudi, Omukama wa Geshuri. Daudi yachuliraga omutabani buli kiro. 38Abusalomu airukira na Geshuri, aikarayo emyaka eshatu. 39Ahanyuma Omukama Daudi kayabaire yahoirwe ekiizi aha rw'okufa kwa Amunoni, yagilira Abusalomu orushusho.
Ruhaya DC Bible © Bible Society of Tanzania, 2001.