2 Samweli 12
12
Natani namanyisa Daudi obufubwe na Daudi nayechuza
1Omukama atuma Natani ahali Daudi. Amugoba amugambira ati, “Omu kigo kimoi habaire halimu abantu babili, omoi mutungi ondijo mworo. 2Omutungi abaire aina amahyo g'entaama n'embuzi n'ente zingi muno. 3Nawe omworo abaire ataina kantu shana akahagazi k'entama kamoi konkai akabaire aguzire. Abaire akagabire kakulira omwe nk'abaanabe, kabaire kalya obukunkumukwabwe, kanywa aha kikompekye, kamurara omu kifuba. Kabaire nikamushusira omwana muhara. 4Ekiro kimoi omutungi ogwo aizire yaralilirwa omugenyi, kyonkai tiyagonza kumubagira ntama anga mbuzi omu mahyoge. Akwete akataama k'omworo yaba niko amwitira.” 5Aho Daudi agilira omushaija ogwo ekiniga kingi muno. Agambira Natani ati, “Ninahira obuso bw'Omukama, omushaija akozire eki mazima afe. 6Mara akataama abanze akalihe emirundi enai aha rw'okuba tagizire buganyizi, akozire kubi.”
7Natani agambira Daudi ati, “Omushaija ogwo niwe. Omukama Ruhanga wa Isiraeli nagamba ati, ‘Nkakukora amajuta kuba Mukama wa Isiraeli, mara nakuhungya omu mikono ya Shauli. 8Nkakuha enju ya Mukama wawe n'abakazibe kukutagasa. Nakuha engoma ya Isiraeli n'eya Yuda. Ebi kabyakubaire bili bike nakukwongeireho ebindi nk'ebi n'okushagaho. 9Kubaki ogahire emihango yange okanfakalira? Uria Omuhiti omwitire omu ndashana washuba washwera mukaziwe. Omwisize Abaamoni omu ndashana. 10Mbwenu orwo ongahire, okashwera na muka Uria, baijukuru bawe balita kugwa omu ndashana.’ 11Kandi Omukama nashuba nagamba ati, ‘Ndarahura omuntu omu ka yawe akutabangure. Ekyo orakimanya orwo ndakwaka abakazi bawe nkabaha mutahi wawe, abyame nabo omushana gujwire. 12Iwe okikozire bwesheleke, kyonkai inye ndakikora omushana gujwire omu maisho ga Isiraeli yona.’ ” 13Daudi agambira Natani ati “Nfakaliire Omukama.” Natani amugambira ati, “Omukama nawe yakugarulira obufu bwawe, tofe. 14Kyonkai orwo ofakaire otyo okamunigaza, omwana ow'omukazi azaire arafa.” 15Ahanyuma Natani ashuba owe.
Okufa kw'omwana wa Daudi
Omwana owo muka Uria yazaliire Daudi, Omukama akamuteza endwara yaba kubi. 16Orw'ekyo Daudi atagiliza Ruhanga kumukiliza omwanawe. Abyama ahansi n'okulya ayanga. 17Abaramatabe bamwemelera aha rubaju kumwimukya ahansi, kyonkai tiyakunzire, mara tiyaliire nabo kyakulya. 18Aha kiro kya mushanju omwana afa. Abaramatabe batina kukimugambira, bati, “Leba orwo omwana abaire akyarora tumugambiire tiyatuhorora, aho twakumugambira tutai okw'omwana yafa? Yakwekora kubi.” 19Kyonkai orwo Daudi yaboine nibafumora omu kahwe, ashobokerwa okw'omwana yafire. Ababaza ati, “Isi omwana yafa?” Bamuhorora bati, “Yafa.” 20Aho aruga ahansi, ayoga, ayesiiga amajuta, ahindura emyendoye, agya nyaruju y'Omukama afukama. Ahanyuma agya omwe, aragira kabamwihulira ekyakulya, alya. 21Abaramatabe bamubaza bati, “Kiki eki ekyo wakora? Oyangire kulya, mara walira aha rw'omwana orwo abaire akyarora; mbwenu orwo yafa nirwo waimuka okalya?” 22Abashubamu ati, “Orwo omwana abaire akyarora nyangire kulya mara nalira, aha rw'enshonga mbaire nintekeleza nti rundi Omukama yakungilira ekisha omwana wange akira. 23Mbwenu yafire, kubaki nyange kulya? Ninshobora kumugarura? Mbali yagya ndimuhonderayo, kyonkai wenene tiyakungarukira.”
Okuzarwa kwa Solomoni
24Ahanyuma Daudi amaramara omukaziwe Batisheba. Arara nawe; azara omwana w'omwojo, Daudi amuruka eibara amweta Solomoni. Omukama Ruhanga amugonza, 25amukwasa omurangi Natani mara amuragira kumuruka eibara akamweta Yedidia.
Daudi nakwata ekigo kya Raba
(1Ma 20:1-3)
26Yoabu arashanisa Raba ekigo kikuru ky'Abaamoni, akikwata. 27Atuma entumwa ahali Daudi namumanyisa ati, “Ndashanisize ekigo kya Raba, n'amaizi gakyo nagakwata. 28Aho mbwenu oteranise abaisherukare abasigaireho, basisiire omu maisho gakyo oije obe niiwe okikwata, ntakikwata kiketwa ibara lyange.” 29Nikwo Daudi kuteranisa abaisherukare bona akagenda Raba, agitera agikwata. 30Aihya Omukama w'Abaamoni orukinga omu mutwe, mara rwinamu eibare ly'eiguzi, kandi obusikizi bwarwo nk'ekilo 35. Orukinga orwo akarwejwalira. Kandi omu kigo ekyo akanyagamu ebintu bingi muno. 31Abantu bamwo yabaihyamu, yabajaraba eikora ly'emishumeno n'esururu n'endyamiti, n'okukora etanuru z'amatofali. N'ebigo ebindi eby'Abaamoni nikwo yabigizire atyo. Ahanyuma agaruka Yerusalemu n'abaisherukarebe bona.
Currently Selected:
2 Samweli 12: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 12
12
Natani namanyisa Daudi obufubwe na Daudi nayechuza
1Omukama atuma Natani ahali Daudi. Amugoba amugambira ati, “Omu kigo kimoi habaire halimu abantu babili, omoi mutungi ondijo mworo. 2Omutungi abaire aina amahyo g'entaama n'embuzi n'ente zingi muno. 3Nawe omworo abaire ataina kantu shana akahagazi k'entama kamoi konkai akabaire aguzire. Abaire akagabire kakulira omwe nk'abaanabe, kabaire kalya obukunkumukwabwe, kanywa aha kikompekye, kamurara omu kifuba. Kabaire nikamushusira omwana muhara. 4Ekiro kimoi omutungi ogwo aizire yaralilirwa omugenyi, kyonkai tiyagonza kumubagira ntama anga mbuzi omu mahyoge. Akwete akataama k'omworo yaba niko amwitira.” 5Aho Daudi agilira omushaija ogwo ekiniga kingi muno. Agambira Natani ati, “Ninahira obuso bw'Omukama, omushaija akozire eki mazima afe. 6Mara akataama abanze akalihe emirundi enai aha rw'okuba tagizire buganyizi, akozire kubi.”
7Natani agambira Daudi ati, “Omushaija ogwo niwe. Omukama Ruhanga wa Isiraeli nagamba ati, ‘Nkakukora amajuta kuba Mukama wa Isiraeli, mara nakuhungya omu mikono ya Shauli. 8Nkakuha enju ya Mukama wawe n'abakazibe kukutagasa. Nakuha engoma ya Isiraeli n'eya Yuda. Ebi kabyakubaire bili bike nakukwongeireho ebindi nk'ebi n'okushagaho. 9Kubaki ogahire emihango yange okanfakalira? Uria Omuhiti omwitire omu ndashana washuba washwera mukaziwe. Omwisize Abaamoni omu ndashana. 10Mbwenu orwo ongahire, okashwera na muka Uria, baijukuru bawe balita kugwa omu ndashana.’ 11Kandi Omukama nashuba nagamba ati, ‘Ndarahura omuntu omu ka yawe akutabangure. Ekyo orakimanya orwo ndakwaka abakazi bawe nkabaha mutahi wawe, abyame nabo omushana gujwire. 12Iwe okikozire bwesheleke, kyonkai inye ndakikora omushana gujwire omu maisho ga Isiraeli yona.’ ” 13Daudi agambira Natani ati “Nfakaliire Omukama.” Natani amugambira ati, “Omukama nawe yakugarulira obufu bwawe, tofe. 14Kyonkai orwo ofakaire otyo okamunigaza, omwana ow'omukazi azaire arafa.” 15Ahanyuma Natani ashuba owe.
Okufa kw'omwana wa Daudi
Omwana owo muka Uria yazaliire Daudi, Omukama akamuteza endwara yaba kubi. 16Orw'ekyo Daudi atagiliza Ruhanga kumukiliza omwanawe. Abyama ahansi n'okulya ayanga. 17Abaramatabe bamwemelera aha rubaju kumwimukya ahansi, kyonkai tiyakunzire, mara tiyaliire nabo kyakulya. 18Aha kiro kya mushanju omwana afa. Abaramatabe batina kukimugambira, bati, “Leba orwo omwana abaire akyarora tumugambiire tiyatuhorora, aho twakumugambira tutai okw'omwana yafa? Yakwekora kubi.” 19Kyonkai orwo Daudi yaboine nibafumora omu kahwe, ashobokerwa okw'omwana yafire. Ababaza ati, “Isi omwana yafa?” Bamuhorora bati, “Yafa.” 20Aho aruga ahansi, ayoga, ayesiiga amajuta, ahindura emyendoye, agya nyaruju y'Omukama afukama. Ahanyuma agya omwe, aragira kabamwihulira ekyakulya, alya. 21Abaramatabe bamubaza bati, “Kiki eki ekyo wakora? Oyangire kulya, mara walira aha rw'omwana orwo abaire akyarora; mbwenu orwo yafa nirwo waimuka okalya?” 22Abashubamu ati, “Orwo omwana abaire akyarora nyangire kulya mara nalira, aha rw'enshonga mbaire nintekeleza nti rundi Omukama yakungilira ekisha omwana wange akira. 23Mbwenu yafire, kubaki nyange kulya? Ninshobora kumugarura? Mbali yagya ndimuhonderayo, kyonkai wenene tiyakungarukira.”
Okuzarwa kwa Solomoni
24Ahanyuma Daudi amaramara omukaziwe Batisheba. Arara nawe; azara omwana w'omwojo, Daudi amuruka eibara amweta Solomoni. Omukama Ruhanga amugonza, 25amukwasa omurangi Natani mara amuragira kumuruka eibara akamweta Yedidia.
Daudi nakwata ekigo kya Raba
(1Ma 20:1-3)
26Yoabu arashanisa Raba ekigo kikuru ky'Abaamoni, akikwata. 27Atuma entumwa ahali Daudi namumanyisa ati, “Ndashanisize ekigo kya Raba, n'amaizi gakyo nagakwata. 28Aho mbwenu oteranise abaisherukare abasigaireho, basisiire omu maisho gakyo oije obe niiwe okikwata, ntakikwata kiketwa ibara lyange.” 29Nikwo Daudi kuteranisa abaisherukare bona akagenda Raba, agitera agikwata. 30Aihya Omukama w'Abaamoni orukinga omu mutwe, mara rwinamu eibare ly'eiguzi, kandi obusikizi bwarwo nk'ekilo 35. Orukinga orwo akarwejwalira. Kandi omu kigo ekyo akanyagamu ebintu bingi muno. 31Abantu bamwo yabaihyamu, yabajaraba eikora ly'emishumeno n'esururu n'endyamiti, n'okukora etanuru z'amatofali. N'ebigo ebindi eby'Abaamoni nikwo yabigizire atyo. Ahanyuma agaruka Yerusalemu n'abaisherukarebe bona.
Ruhaya DC Bible © Bible Society of Tanzania, 2001.