1 Samweli 11
11
Shauli nasinga Abaamoni
1Ahanyuma Nahashi Omwamoni atemba abunda Yabeshigileadi. Abantu bona ba Yabeshi bagambira Nahashi bati, “Okore naichwe endagano tukukolere.” 2Kyonkai Nahashi Omwamoni abagambira ati, “Ndakora nainywe endagano kandabanza nkabaihyamu buli omoi elisho lya bulyo, nkajangura ntyo Isiraeli yona.” 3Abagurusi ba Yabeshi bamugambira bati, “Otuhe ebiro mushanju tutume entumwa omu nsi yona ya Isiraeli. Aho kaharaburayo ow'okuturokora turakwehongera.” 4Entumwa kazagobire Gibea eya Shauli, babarulira abantu ebigambo ebyo, aho abantu bona bachura eyobobo.
5Shauli akashangwa naruga omu ndimiro akuratiire ente, abaza ati, “Kubaki abantu nibachura?” Kityo bamugambira amakuru g'aba Yabeshi. 6Shauli kayahuliire ebigambo ebyo Mwoyo wa Ruhanga amwijaho n'amani, agira ekiniga kingi muno. 7Akwata ente azihyaho enkomo, azitematema ebichweka, abitweka entumwa omu nsi yona ya Isiraeli, nagamba ati, “Wena araba atatabaire kuhondera Shauli na Samweli, enteze zirakorwa zityo.” Aho abantu batina Omukama, bahurura bona obutasigarwayo muntu n'omoi. 8Abahuruliza Bezeki ababara, Abaisiraeli 300,000, kandi aba Yuda 30,000. 9Aho bagambira entumwa ezabaire zitumirwe bati, “Mugye mugambire abanya Yabeshigileadi muti, ‘Nyenkya omw'ihangwe murabona obujuni.’ ” 10Nikwo aba Yabeshigileadi kugambira Abaamoni bati, “Nyenkya turabehongera mutukore okwo murayenda.” 11Bwankya omu birahi, Shauli ateka embaga omu mitwe eshatu, bagoba omu rusisira rw'Abaamoni, babachwagachwagura kulemwa kuhika omw'ihangwe. Abahungireho batataama nangu thaliho bowakushangire bali babili.
12Aho abantu bagambira Samweli bati, “N'ohai abaire nagamba ati, ‘Shauli tiyakututwara?’ Leta abantu abo tubaite.” 13Kyonkai Shauli agamba ati, “Chei, kir'eki thaliho muntu araitwa, aha rw'okuba Omukama yarokora Isiraeli.” 14Samweli agambira abantu ati, “Ija tugye Giligali tushube twebuge Shauli omukama waitu.” 15Kityo abantu bona bagya Giligali, bateka Shauli aha ngoma omu maisho g'Omukama omuli Giligali. Batamba ebihongo by'emilembe omu maisho g'Omukama, Shauli n'Abaisiraeli bona bashanduka muno.
Currently Selected:
1 Samweli 11: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
