Zimbazi 30
30
Zinghani za Aguli
1Azi zo nghani zono yazibocela Aguli u mwana
wa Yake, yakutya, “U Mulungu yakondya kundeka,
u Mulungu yakondya kundeka.
Neza sina wutazi wo wose.
2Nane luno, nehwana lilimu, si nha munhu.
Naluno, neza sina wizuce wono wunojeye munhu yawe yena nawo.
3Nghali neyijiza ze mahala,
hamba sinizimanyile zinghani zo Mulungu yaye.
4Alo nani 'mbi mono yagatema mahala ga ku wulanga?
Hamba nani mono yasuma kuyifumbata mbeho
mu muwoko wakwe?
Hamba mono yasuma kugavunga malenga mu citema?
Hamba mono yawika mipaka ye yinze nani?
Alo yo nani mwene, hono wumumanyile?
Ne litagwa lyo mwanagwe nani?
5“Ninga Mulungu kawukamisaga wihuwizo wakwe
wono kawihuwizaga.
Mwene yehwanile ngula,
kuli wose wono walondolaga wucitilwe kuli mwene.
6Wulece konjeleza zinghani zakwe, mwene kokuleka,
no kukuwona vyono wuli mulambi.”
Mbazi zinji kanyhi
7Gwe go Mulungu,
ane nghukulomba wumhele nghani nyejete lono nghali mumi.
8Wumbusize kutali ne zinghani ze bwete na zo wulambi.
Na kanyhi wulece kumhela wuciwa hamba wugoli.
Ninga hamba nhavivyo,
nghulomba wumhele ndigwa yono yinghwiliye.
9Ku soko hono niwe nina ndigwa nyinji,
ndahile kutya “Muwaha Mulungu yo nani?”
Ninga kanyhi hono niwe nili muciwa,
nohiza no kulitoyula litagwa lyakwe.
10Wulece kumubalalila bwete u mwitumami,
kuli muwaha wakwe.
Vyono hono wunoze nhavivyo,
agwe kolijitwa no kutuga magayo so nghani yiyo.
11Kanyhi ko wali wanhu,
wono walijitaga wasogo zawo,
no kuwakununghalila i wanyina zawo.
12Ko wali wanhu wanji, wono wewonaga wazelu,
ninga kumbe wene ho watipiye du ne makwe gawo.
13Ko wali wanhu wanji, wono wewonaga waswanu,
Lanje ta, vyono wakwidunhumula weneco!
14Ko wali wanhu wanji, wono wawewonelaga waciwa,
na wono wena wanjile, no kuwasolela vinhu vyawo,
wakwitujila ndigwa yawo mu nzila yiyo.
15Ling'onyo lya mu malenga, lyono lyonghaga sakami,
lina wana we cicekulu wejete.
Na wose vyono wejete,
wakucemwa, “Wumhelaje.”
Na ho vili vinhu vine vyono si vigutaga yaye,
16I yinze ye wafu,
Mucekulu mugumba,
Muhangha mukavu wono wukusaka mvula.
No moto wono si wusumikaga kuzimywa.
17No munhu mono kamusekangaga sogwe,
hamba mono yakumubedegala nyina mu wukombi wakwe,
munhu yuyo yanojeye yaligwe ne zi 'ndi,
hamba meso gakwe gakopozolwe ne mahowe.
18Kanyhi, hovili vinhu vidatu hamba vine vye cinyele kuli'ne,
vyono hamba si nivimanyile yaye, navyo vyovi:
19Wuguluce we 'ndi mu mwanya,
wujende we lizoka mwi'talawe,
na vyono ngalawa yisumaga kuyiwona nzila yayo mwi'lenga.
Na vyono wiyende wo mulume no muhinza wuwezaga.
20Na yiyi yo nzila yono mucekulu
mono si mwihuwilwa kayitumamilaga.
Mwene kolo yasenyha, kawa kwihovuga,
hanyuma kawa kutya,
“Ninga ane, hamba si nitumile nghani yinji 'mbi yaye.”
21Na kozili nghani yine
zono yinze si yosuma kuzidinghula nazo zozi:
22U muwanda hono yawe mutemi,
U munhu mulele, hono yawe yakwizize ndigwa.
23No mucekulu mono yasuligwe, hono yatolwe.
No mwitumami we cicekulu,
hono yamupeme mugolece munya kaya.
24Na mono yinze,
mo vili viwumbwa vine
vyono vina miwili midodo muno muno,
ninga vina mahala menji.
25Sungusungu, vyo viwumbwa vidodo,
ninga vikuwa kusuma kwiwicila ciwutwa ca ndigwa mu cibahu.
26Mhimbi, nazo zisina vilungo,
ninga zikuwa kwinozeza wikalo wazo mu matalawe.
27Nzije, nazo zisina mutemi,
ninga zitulukaga ziwumbatiye hamonga du.
28Nyhodo nazo ndodo,
kosuma hamba kuyifumbata monga mwi'ganza,
ninga zikalaga mu makulu.
29Kanyhi, ho vili vinhu vine, vyono vyendezaga,
hono wukuvilanga vikujenda, navyo vyovi:
30Simba, lyono lina vilungo kuciza malimu gose,
lyono silyogopaga cinji.
31Mvulati ne zinzogolo,
zono zijendaga zikwitogola.
Ne watemi lono wali ha mwande ye wanhu wawo.
32Na hono nagwe wali wenjila mu wulele wo widunhumuzi,
ale, wiyihengaje!
33Hono wugasuce mele, kotuga tilazi,
hono wumutowe yunji mu mhula,
mafununghula golawila,
ninga honowulisagahize likuwo,
kokwiyinjiza mu mbali.
Currently Selected:
Zimbazi 30: LLKWW
Highlight
Copy
Compare
Share
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.