Walawi 3
3
Cilavywa co mulamu
1“Na lono yunji yawe yakulavya ng'ombe monga ya mwi'tewa lyakwe, yiwe cilavywa co mulamu, ng'ombe yiyo hono yiwe nume hamba nyhekulu, yeze nhelevu yisina cilema co cose. 2Nayo yuyo munya ng'ombe, yajelece muwoko wakwe mu mutwe we ng'ombe yiyo, hanyuma yayiwulajile ha mulango we Lihema lyono lyelile. Nawo wakohani i wana wa Haluni, wayimize sakami yo mutugo wuwo, mu cikumbicilo mu zimbavu zayo zose vyono yine. 3Hanyuma wamulavizye Muwaha Mulungu mhama yose ya mu'nda, 4hamonga ne zifigo ne mhama yayo, ne nhandamala yono yili mwi'toga, yiwe ndigwa ye cilavywa kuli mwene. 5Nawo wakohani wavikongojele vivyo vyose mu cikumbicilo hamonga ne vilavywa vinyanywe. Ne mhunjile ye cilavywa ce ndigwa yiyi, yikwendeza muno kuli Muwaha Mulungu.
6“Na hono ngholo hamba mhene yiwe yikwitumamilwa mu cilavywa co mulamu, yidahile yiwe nume hamba nyhekulu, ninga yinojeye yiwe nhelevu yono yisina cilema co cose. 7Na hono munhu yunji yawe yakulavya ngholo, 8munhu yuyo yajelece muwoko wakwe mu mutwe we ngholo yiyo, hanyuma yayiwulajile ha mwande ye Lihema lyono lyelile. Nawo wakohani i wana wa Haluni wayimize sakami yayo mu cikumbicilo mu zimbavu zayo zose vyono yine. 9Ninga mhama yose yo mutugo wuwo, hamonga no mucila wayo wose wono mudumulile ha cigugu ce ngholo, ne mhama yose ya mu wutumbu, 10ne zifigo ne mhama yayo, ne nhandamala yono yili mwi'toga lyayo vivyo vyose, wamulavizye Muwaha Mulungu. 11Nayo mukohani mono yakulongoza wuhembi, yavikongojele vyose mu cikumbicilo, yiwe yo ndigwa ndavye kuli Muwaha Mulungu.
12“Na hono munhu yunji yalavye mhene, 13munhu yuyo yajelece muwoko wakwe mu mutwe we mhene yiyo, hanyuma yayiwulajile ha mwande ye Lihema lyono lyelile. Nawo wakohani i wana wa Haluni, wayimize sakami yayo mu cikumbicilo mu zimbavu zayo zose vyono yine. 14Wamulavizye Muwaha Mulungu mhama yose ya mu'nda, 15hamonga ne zifigo ne mhama yayo, ne nhandamala yono yili mwi'toga lyayo, viwe ndigwa ye cilavywa kuli mwene. 16Nayo mukohani yavikongojele vivi vyose mu cikumbicilo, yiwe ndigwa ya cilavywa, yono yikwendeza kuli Muwaha Mulungu. Mhama yose yo yo Muwaha Mulungu. 17Kanyhi hasina Muisilayeli wo wose mono yakomboywe kulya mhama hamba kung'wa sakami. Ne lilajilizo lili munojeye mulikamise cibitilila mu zindelo zenyu zose ho hose hono mowa kubita.”
Currently Selected:
Walawi 3: LLKWW
Highlight
Share
Compare
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
