Yoshuwa 16

I yisi yono yapegwa Efulayimu ne wana wa Manase wono wekalaga ku lubavu lwa kumwezi

1Mupaka wa ku lubavu lwa kutakama, we yisi yono wapegwa wo lulelo lwa Yusufu, wali wulawiliye ha Yoludani, behi na Yeliko, ha mudumilizo wa kucilima we mivwilo ya ha Yeliko. Wukajendelela sunga ko ku nyika. Wukakolela ha Yeliko sunga mu yisi ye matunda ku Beteli. 2Ku wulawilila ha Beteli, wukakolela Luzu, wukajendelela sunga wukafika ku Ataloti Adali, kono wekalaga wanghula wo kucola zilamani ze zikaya. 3Mupaka wukawa kujendelela, wukatimila ku lubavu lwa kumwezi, ku mupaka we Wajafeleti, sunga ku mupaka we Bete Holoni ya kusika. Wukajendelela wulawilila baho, sunga ku Gezeli. Nawo wukadumiliziza he 'lenga lya Meditelaneya.

4Hobaho i wana wa Yusufu, wo mulango wa Efulayimu, na we mhuga ya Manase wa kulubavu lwa ku mwezi, wakayibocela yisi yiyo yiwe wo wuhazi wawo.

Efulayimu

5Ayi yali yo yisi ye zimhuga za Efulayimu. Mupaka wawo wali wukoleye Ataloti Adali, wudomile kucilima, sunga ko ku Bete Holoni ya kucanyha. 6Na ku wulawilila baho, wukajendelela sunga he 'lenga lya Meditelaneya. Micemeta yali ku lubavu lwawo lwa kusumuka. Na ku lubavu lwa kucilima, mupaka wukapilima, wukakolela ku Tanati-shilo, ku lubavu lwa kucilima, sunga ko ku Yanowa. 7Hanyuma wukawa kutenenhuka ku wulawilila ku Yanowa sunga ku Ataloti na Nala hanyuma wukakolela ku Yeliko, wukadumila mwi'kolongo lya Yoludani. 8U mupaka, wukajendelela ku lubavu lwa kumwezi, ku wulawilila Tapuwa, sunga ko ku mivwilo ya Kana, no kudumiliziza he 'lenga lya Meditelaneya. Ayi yo yisi yono wapegwa we zimhuga za wo mulango wa Efulayimu ho yiwe yawo. 9Ninga wakapegwa ne matumbi, hamonga ne vikaya vinji vyono vyali mu mipaka ya Manase. 10Nawo wawo wo mulango wa Efulayimu, siwawawinga Wakanani wono wekalaga mu Gezeli. Holeka Wakanani wekalane ne Waefulayimu sunga nalu, langa Waefulayimu wawetumyaga Wakanani kotya wawanda.

Currently Selected:

Yoshuwa 16: LLKWW

Highlight

Compare

Copy