Isaya 4
4
1Ne vilo vivyo kolo vikuza, wacekulu mupunghati, wolomwisoka mulume monga, wakutya, “Ase cokwilisa no kwivwika co weneco du, ninga cono cikusaka du kuli'gwe, cikusaka cijele vyono cili wacekulu zako, ho ciwusizwe cevu co wigane.”
Yelusalemi yolonozelezwa
2Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si. 3Na muli wose mono kololekwa mu Yelusalemi, mono Mulungu yamulecile mumi, yuyo kolocemwa yelile. 4Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo. 5Nayo Muwaha Mulungu kololeta livunde ligubice mu misi, mwi'tunda lya Sayuni, hamonga na mucanyha ya wose wono wowa wehangulize he 'tunda, hamonga ne lyosi, no wung'alale we malambi go moto ku cilo. Nawo u lukumyo lo Mulungu, wolomema no kulidima likaya. 6Nalo lukumyo, wololipela likaya mubeho so lizuwa lya mu misi, no kulinoza hawe hanhu hono hapolile, hono howa hacitiywe mvula ne mbeho yo mukukunzo.
Currently Selected:
Isaya 4: LLKWW
Highlight
Copy
Compare
Share
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.