Ezekiyeli 35
35
U wulipicize wo Mulungu kuli yisi ya Edomu
1U Muwaha Mulungu yakanonjela yakatya, 2“Gwe go munhu, wuyilonjelaje yisi ya Edomu. 3Wuwalonjele wanhu zono ane no Muwaha Mulungu nghuwalonjela nghutya nhavi:
Ane nili mulugu wenyu, anye nyo matunda ga Edomu!
Nolomulecenyi mu wambuce wuwaha.
4Nologaleka makaya genyu matongo.
Ne yisi yenyu yolowa mu wambuce.
Nanye nhondo baho, ho molomanyila vyono
ane yo nene Muwaha Mulungu.
5“Anye nyo wanhu wa Edomu, yo nyenye mono mwali walugu wawaha we wanhu wa Isilayeli. Sunga mukawambuza i wanhu wa Isilayeli wakawulagwa vibi, mwi'daha lye magazo gawo, mwi'pango lye ndumilizo lyo wulipicizwe wawo ku soko yo wubi wawo. 6Na mbeka, vyono ane yo nene Muwaha Mulungu, u Mulungu mumi, anye Waedomu langa mofwa du, hamba si mosuma kwiponya yaye. Hambi nha muli wasutyi wawaha wo wuwulaji, holeka nanye i lifwa lyomwaganenyi du. 7Nane noyinoza yisi ye matunda ya Edomu yiwe wambuce, kanyhi niwawulaje wose wono wowa kola mu yisi yiyo. 8Nologagubika matunda gose ne mivimba, ne miwili ye wanhu wose wono wowa kuwulagwa mu wulugu, yolovigubika vigongo hamonga ne malolo. 9Nane nolokunoza wulekwe cibitilila, na holowa hasina munhu hamba monga, mono kolokwikala kanyhi mu makaya gako. Nagwe go yisi ya Edomu, baho nhondo, ho wulamanyila nha vyono ane yo nene Muwaha Mulungu.
10“Hambi agwe nha wukutya ti, gago i makungugo mejete, Yuda na Isilayeli, hamonga ne yisi yawo, vyose vyako yo sawa yako. Hamba yiwe ane no Muwaha Mulungu, yo nene Mulungu wawo ku wulawa na katali. 11Ninga luno mbeka, nha vyono yinha, ane yo nene Muwaha Mulungu, u Mulungu mumi, nane nokulipiciza gwegwe so likuwo lyako, no wivu wako, hamonga no lusulo lwako, kuli wanhu wangu. Nawo i wanhu wangu, nhondo ho wolomanya nha vyono nghukulipiciza ku soko ye metumo gono wawatendela wene. 12Nagwe Edomu ho komanya nha vyono nene Muwaha Mulungu, hulika ze maligo gako gose, gono wali kugaliga i matunda ge yisi ya Isilayeli, wukutya, alu gahodanjika, na vyono ati gakondya kutajilwa mu miwoko yenyu, mugatece. 13Nane nakondya kuzihulika zinghani zako ze cinyono-nyono, zono wukunonga'ne, ko widunhumuzi wuwaha.”
14Nayo u Muwaha Mulungu yakutya nhavi, “Ane nokuleka mu wuciwa, sunga ne wanhu we yinze yose wawusangalalile u wugwe wako. 15Nha vyono nagwe wawusangalalilaga u wutekwe we wanhu wangu Waisilayeli. Holeka i matunda ge yisi ya Seyili, hamonga ne yisi yose ya Edomu, yolowa nyika. Na mu nzila yiyo, wanhu wose ho wolomanyila vyono ane yo nene Muwaha Mulungu.”
Currently Selected:
Ezekiyeli 35: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 35
35
U wulipicize wo Mulungu kuli yisi ya Edomu
1U Muwaha Mulungu yakanonjela yakatya, 2“Gwe go munhu, wuyilonjelaje yisi ya Edomu. 3Wuwalonjele wanhu zono ane no Muwaha Mulungu nghuwalonjela nghutya nhavi:
Ane nili mulugu wenyu, anye nyo matunda ga Edomu!
Nolomulecenyi mu wambuce wuwaha.
4Nologaleka makaya genyu matongo.
Ne yisi yenyu yolowa mu wambuce.
Nanye nhondo baho, ho molomanyila vyono
ane yo nene Muwaha Mulungu.
5“Anye nyo wanhu wa Edomu, yo nyenye mono mwali walugu wawaha we wanhu wa Isilayeli. Sunga mukawambuza i wanhu wa Isilayeli wakawulagwa vibi, mwi'daha lye magazo gawo, mwi'pango lye ndumilizo lyo wulipicizwe wawo ku soko yo wubi wawo. 6Na mbeka, vyono ane yo nene Muwaha Mulungu, u Mulungu mumi, anye Waedomu langa mofwa du, hamba si mosuma kwiponya yaye. Hambi nha muli wasutyi wawaha wo wuwulaji, holeka nanye i lifwa lyomwaganenyi du. 7Nane noyinoza yisi ye matunda ya Edomu yiwe wambuce, kanyhi niwawulaje wose wono wowa kola mu yisi yiyo. 8Nologagubika matunda gose ne mivimba, ne miwili ye wanhu wose wono wowa kuwulagwa mu wulugu, yolovigubika vigongo hamonga ne malolo. 9Nane nolokunoza wulekwe cibitilila, na holowa hasina munhu hamba monga, mono kolokwikala kanyhi mu makaya gako. Nagwe go yisi ya Edomu, baho nhondo, ho wulamanyila nha vyono ane yo nene Muwaha Mulungu.
10“Hambi agwe nha wukutya ti, gago i makungugo mejete, Yuda na Isilayeli, hamonga ne yisi yawo, vyose vyako yo sawa yako. Hamba yiwe ane no Muwaha Mulungu, yo nene Mulungu wawo ku wulawa na katali. 11Ninga luno mbeka, nha vyono yinha, ane yo nene Muwaha Mulungu, u Mulungu mumi, nane nokulipiciza gwegwe so likuwo lyako, no wivu wako, hamonga no lusulo lwako, kuli wanhu wangu. Nawo i wanhu wangu, nhondo ho wolomanya nha vyono nghukulipiciza ku soko ye metumo gono wawatendela wene. 12Nagwe Edomu ho komanya nha vyono nene Muwaha Mulungu, hulika ze maligo gako gose, gono wali kugaliga i matunda ge yisi ya Isilayeli, wukutya, alu gahodanjika, na vyono ati gakondya kutajilwa mu miwoko yenyu, mugatece. 13Nane nakondya kuzihulika zinghani zako ze cinyono-nyono, zono wukunonga'ne, ko widunhumuzi wuwaha.”
14Nayo u Muwaha Mulungu yakutya nhavi, “Ane nokuleka mu wuciwa, sunga ne wanhu we yinze yose wawusangalalile u wugwe wako. 15Nha vyono nagwe wawusangalalilaga u wutekwe we wanhu wangu Waisilayeli. Holeka i matunda ge yisi ya Seyili, hamonga ne yisi yose ya Edomu, yolowa nyika. Na mu nzila yiyo, wanhu wose ho wolomanyila vyono ane yo nene Muwaha Mulungu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.