Ezekiyeli 34
34
Kuli ze wadimi, we wanhu wa Isilayeli
1Muwaha Mulungu yakanonjela yakatya nhavi, 2“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye. 3Hambi nha mung'wezaga mele, no kuvwala i myenda yo wukunzeje we zingholo, akuno mukuziwulaga no kuzilya zingholo zono zijinile. 4Ninga hamba si muzitondowozaga yaye zono zisoceye, hamba kuzilagula, zono zitamigwe, hamba kuziwopa zono zina nghomele, hamba kuzikongholeza zono ziyagaye ako na ako, hamba kuzilondola zono zajiliye. Langa anye muzikunhulangaga du. 5Alu, zingholo vyono zali zeza zisina mudimi, zikeyagala caka, ne malimu ga mu mbago gakaziwulaga no kuzilya. 6Na ku soko yiyo, zingholo zangu zikeyagala mu vigongo vitali, na mu matunda. Zikeyagalila mu zisi zose za kono'nze. Na hali hasina hamba munhu mono yakuziwuza, hamba kuzilondola.
7“Holeka anye nyo wadimi, muhulicize lu zono ane no Muwaha Mulungu nghumulonjelenyi, nghutya nhavi, 8Na mbeka, anye nyo wadimi, yowa viswanu hono muhulicize ane no Muwaha Mulungu mumi. Hambi zingholo zangu nha zebatwa ne malimu ga mu mbago, zakondya kuwulagwa no kuligwa nago, vyono zali zisina mudimi. Nawo i wadimi wangu, si wajela yaye hamba kuzilondola kose. Wene wakawa kwiyidima weneco du, hamba si zingholo yaye. 9Holeka muhulicizaje lu zono nghumulonjelenyi anye nyo wadimi. 10Alu nane nghumulonjelenyi nha vyono, ane no Muwaha Mulungu neza nili mulugu wenyu. Noziwusa zingholo zangu mu miwoko yenyu, hamba si nolomukombolenyi kanyhi ho muzidime yaye. Na nyenye nyo wadimi, hamba si mojendelela kwiyilisa nyo weneco kanyhi. Langa noziponya zingholo zangu mu milomo yenyu, zilece kuwa kanyhi ndigwa yenyu.”
U mudimi muswanu
11“Nane no Muwaha Mulungu, nghumulonjelenyi nha vyono, alu nozilanjilila zingholo zangu nene no mweneco, no kuzidima. 12Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha. 13Noziwusa mu wulawa mu zi'si zo wujenzi, nizikongholele hamonga, nizigomole ku yisi yazo zeneco. Nolozitonga sunga nizifise mu matunda ne vikolongo vye malenga, vya mu yisi ya Isilayeli, nane nolozilisa mu wudimo wuswanu. 14Nolozidimila mu wudimo wuswanu, mucanyha ye litunda litali na mu malolo, mono mogali mahanze ge dedede, mu yisi ya Isilayeli. 15Nane nomweneco, yo nolowa mudimi we zingholo zangu, nolozilondolela ne hanhu ho wuceho. Vyo nghutya ane no Muwaha Mulungu.
16“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani. 17Alu ane no Muwaha Mulungu, nghumulonjelenyi anye nyo litewa lyangu nghutya nhavi, ane nolomuling'anizenyi nyenye wose, munhu na lwakwe, nimutemanulenyi i waswanu wawuce muli wabi. Nazo zingholo nizikome ziwuce mu zimhene. 18Ninga hamba nimulisenyi mu mahanze maswanu, yowa nha nghani ya bwete, hambi nha mogakanyanjila du ne migulu yenyu, i mahanze gono gowa gakali gasigaye. Nha vyono mwang'wa i malenga maswanu, no kugatibula gono gali gasigaye. 19Ne zingholo zangu zinji, zikulya i mahanze gono anye mwagakanyanjiza hasi ne migulu yenyu, no kung'wa i malenga gono mwagatibulanga.
20“Holeka alu ane no Muwaha Mulungu, nghumulonjelenyi, nha vyono noling'aniza haciligati ye zingholo zono zijinile na zono zigandile. 21Hambi nye nha mwazikoma zingholo zono zitamigwe, mukaziwinjila kutali ne litewa. 22Ninga'ne noziponya zingholo zangu, hamba si nozileka muzitendele vibi kanyhi, nane noziling'aniza mutugo no mutugo, nizikome ziswanu muli zimbi. 23Nozipela mutemi mono yehwanile mutemi Dawudi, yo yawe mudimi wazo. Nayo kozilanjilila muno. 24Nane no Muwaha Mulungu, nowa Mulungu wawo. No mutemi mono kowa yehwanile u mwitumami wangu Dawudi, yuyo yo kowa yo mutemi wawo. Nene vyo nghutya. 25Kanyhi nonoza cilagane nawo, cilagane co mulamu. Kanyhi noziwusiza ne malimu gose makali mu'si, zingholo zangu ho zikale zipolile mu mawimbi, no kugona mu zimbago.
26“Nane nolozimotya, nizilece zikale zilipilime litunda lyangu lyono lyelile. Kanyhi nolozimotya ne mvula, mwi'daha lyono zikuyihila. 27Ne mibici nayo, yololela mikalo, nayo migunda, yololavya nhwanga mbaha, ne wanhu wose wolokwikala wapolile mu yisi yawo weneco. Nane kolo nakondya kugadumula manyolo gono gawawopile wanhu wangu, no kuwawika wawe welecele ku wulawa mu miwoko ya wono wali wawawicile wuwanda, baho nhondo nawo, ho wolomanyila vyono ane yo nene u Muwaha Mulungu. 28Nawo we zinghungugo zinji, hamba si wolowateka kanyhi. Nago malimu ga mu mbago, hamba si golowawulaga no kuwalya yaye. Hambi nha wowa wekaye wapolile, hasina yunji wo wose mono kowogofya kanyhi. 29Nane nolowapela migunda yono yina moso mwinji, noloyiwusiza lukulu ne nzala mu'si. Ne wanhu we zinghungugo zinji, hamba si wolowasekanga kanyhi yaye. 30Ne wanhu wose nhondo ho wolomanyila nha vyono nghuwadima wanhu wa Isilayeli, hambi nha wanhu wangu. Vyo nghutya, ane no Muwaha Mulungu. 31Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.
Currently Selected:
Ezekiyeli 34: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 34
34
Kuli ze wadimi, we wanhu wa Isilayeli
1Muwaha Mulungu yakanonjela yakatya nhavi, 2“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye. 3Hambi nha mung'wezaga mele, no kuvwala i myenda yo wukunzeje we zingholo, akuno mukuziwulaga no kuzilya zingholo zono zijinile. 4Ninga hamba si muzitondowozaga yaye zono zisoceye, hamba kuzilagula, zono zitamigwe, hamba kuziwopa zono zina nghomele, hamba kuzikongholeza zono ziyagaye ako na ako, hamba kuzilondola zono zajiliye. Langa anye muzikunhulangaga du. 5Alu, zingholo vyono zali zeza zisina mudimi, zikeyagala caka, ne malimu ga mu mbago gakaziwulaga no kuzilya. 6Na ku soko yiyo, zingholo zangu zikeyagala mu vigongo vitali, na mu matunda. Zikeyagalila mu zisi zose za kono'nze. Na hali hasina hamba munhu mono yakuziwuza, hamba kuzilondola.
7“Holeka anye nyo wadimi, muhulicize lu zono ane no Muwaha Mulungu nghumulonjelenyi, nghutya nhavi, 8Na mbeka, anye nyo wadimi, yowa viswanu hono muhulicize ane no Muwaha Mulungu mumi. Hambi zingholo zangu nha zebatwa ne malimu ga mu mbago, zakondya kuwulagwa no kuligwa nago, vyono zali zisina mudimi. Nawo i wadimi wangu, si wajela yaye hamba kuzilondola kose. Wene wakawa kwiyidima weneco du, hamba si zingholo yaye. 9Holeka muhulicizaje lu zono nghumulonjelenyi anye nyo wadimi. 10Alu nane nghumulonjelenyi nha vyono, ane no Muwaha Mulungu neza nili mulugu wenyu. Noziwusa zingholo zangu mu miwoko yenyu, hamba si nolomukombolenyi kanyhi ho muzidime yaye. Na nyenye nyo wadimi, hamba si mojendelela kwiyilisa nyo weneco kanyhi. Langa noziponya zingholo zangu mu milomo yenyu, zilece kuwa kanyhi ndigwa yenyu.”
U mudimi muswanu
11“Nane no Muwaha Mulungu, nghumulonjelenyi nha vyono, alu nozilanjilila zingholo zangu nene no mweneco, no kuzidima. 12Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha. 13Noziwusa mu wulawa mu zi'si zo wujenzi, nizikongholele hamonga, nizigomole ku yisi yazo zeneco. Nolozitonga sunga nizifise mu matunda ne vikolongo vye malenga, vya mu yisi ya Isilayeli, nane nolozilisa mu wudimo wuswanu. 14Nolozidimila mu wudimo wuswanu, mucanyha ye litunda litali na mu malolo, mono mogali mahanze ge dedede, mu yisi ya Isilayeli. 15Nane nomweneco, yo nolowa mudimi we zingholo zangu, nolozilondolela ne hanhu ho wuceho. Vyo nghutya ane no Muwaha Mulungu.
16“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani. 17Alu ane no Muwaha Mulungu, nghumulonjelenyi anye nyo litewa lyangu nghutya nhavi, ane nolomuling'anizenyi nyenye wose, munhu na lwakwe, nimutemanulenyi i waswanu wawuce muli wabi. Nazo zingholo nizikome ziwuce mu zimhene. 18Ninga hamba nimulisenyi mu mahanze maswanu, yowa nha nghani ya bwete, hambi nha mogakanyanjila du ne migulu yenyu, i mahanze gono gowa gakali gasigaye. Nha vyono mwang'wa i malenga maswanu, no kugatibula gono gali gasigaye. 19Ne zingholo zangu zinji, zikulya i mahanze gono anye mwagakanyanjiza hasi ne migulu yenyu, no kung'wa i malenga gono mwagatibulanga.
20“Holeka alu ane no Muwaha Mulungu, nghumulonjelenyi, nha vyono noling'aniza haciligati ye zingholo zono zijinile na zono zigandile. 21Hambi nye nha mwazikoma zingholo zono zitamigwe, mukaziwinjila kutali ne litewa. 22Ninga'ne noziponya zingholo zangu, hamba si nozileka muzitendele vibi kanyhi, nane noziling'aniza mutugo no mutugo, nizikome ziswanu muli zimbi. 23Nozipela mutemi mono yehwanile mutemi Dawudi, yo yawe mudimi wazo. Nayo kozilanjilila muno. 24Nane no Muwaha Mulungu, nowa Mulungu wawo. No mutemi mono kowa yehwanile u mwitumami wangu Dawudi, yuyo yo kowa yo mutemi wawo. Nene vyo nghutya. 25Kanyhi nonoza cilagane nawo, cilagane co mulamu. Kanyhi noziwusiza ne malimu gose makali mu'si, zingholo zangu ho zikale zipolile mu mawimbi, no kugona mu zimbago.
26“Nane nolozimotya, nizilece zikale zilipilime litunda lyangu lyono lyelile. Kanyhi nolozimotya ne mvula, mwi'daha lyono zikuyihila. 27Ne mibici nayo, yololela mikalo, nayo migunda, yololavya nhwanga mbaha, ne wanhu wose wolokwikala wapolile mu yisi yawo weneco. Nane kolo nakondya kugadumula manyolo gono gawawopile wanhu wangu, no kuwawika wawe welecele ku wulawa mu miwoko ya wono wali wawawicile wuwanda, baho nhondo nawo, ho wolomanyila vyono ane yo nene u Muwaha Mulungu. 28Nawo we zinghungugo zinji, hamba si wolowateka kanyhi. Nago malimu ga mu mbago, hamba si golowawulaga no kuwalya yaye. Hambi nha wowa wekaye wapolile, hasina yunji wo wose mono kowogofya kanyhi. 29Nane nolowapela migunda yono yina moso mwinji, noloyiwusiza lukulu ne nzala mu'si. Ne wanhu we zinghungugo zinji, hamba si wolowasekanga kanyhi yaye. 30Ne wanhu wose nhondo ho wolomanyila nha vyono nghuwadima wanhu wa Isilayeli, hambi nha wanhu wangu. Vyo nghutya, ane no Muwaha Mulungu. 31Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.