Danyeli 8
8
Wugubulilwe wa Danyeli we Nduwilu, ne Mhene
1Na mu mwaka we kadatu wo wutemi wa Belishaza, nghawona wugubulilwe wunji kanyhi. 2Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi. 3Na lono nali nili baho he kolongo lya Ulayi, nghawona nduwilu yono yina mahembe matali muno mejete. Na muli mahembe gago, limonga lyali yitali si nhe liyagwe, kanyhi lyali yipya, lyono lyacindika lono liyagwe lyali lyakondya kucindika. 4Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.
5Na lono nali nghali kwihwesa nghani yiyi nhunizo yayo nyhici lo. Hodu hobaho mvulati nghali yikawa kuza yifunyhile, yikulawilila ku lubavu lwa kumwezi, yali yimanyhile muno muno, sunga ne migulu yayo hamba si yapamizaga hasi yaye. Nayo mvulati yiyo, yali yina yihembe lyono lilawiye haciligati ye meso gayo. 6Ale, du, mvulati yiyo yikawa kuza yihutile, yikawa kubita kono ko yili nduwilu yono nayiwona yimile behi ne likolongo, yikayitowanga nduwilu yiyo kwe vilungo muno muno. 7Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye. 8Nayo mvulati, yikedunhumula muno muno, na ku soko yo widunhumuzi wayo, lihembe lyayo likawa kubeneka. 9Ninga hamba nhavivyo, likacindika kanyhi yihembe linji lidodo, mwi'hembe limonga lya muli gagalya mahembe mane. Ne vilungo vyayo vikatandala sunga ko ku lubavu lwa kutakama, no lubavu lwa kucilima, sunga ko ku yisi swanu muno. 10Naco cihembe cico, cikawiluka muno, cikawa ne vilungo vyo kwihoma ne lipuga lya ku wulanga, nha cinji, zinyelezi, sunga likazigumila zinji ho hasi, likazikanyaga. 11Hamba nhavivyo, likamwavufya u Muwaha we lipuga lya ku wulanga, likemila sunga ne vilavywa vye makumbiko ge nhondo zose, vyono wamulavizyaga, likayihodanga ne Nyumba yo Mulungu.
12Na baho ha Nyumba yo Mulungu, i wanhu wakahanoza hakawa hanhu ho kwitumila wubi. Hakawa si hanhu kanyhi ho kulavizya vilavywa vye makumbiko vye nhondo zose. Wanhu wakawuleka sunga no wuhembi we mbeka. Lihembe lilyo likasuma kwituma nghani yo yose yono lyeneco lyasakaga kwituma. 13Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?” 14Nghahulika malayika muyagwe nayo yakupitula yakutya, “Nghani zizi, zojendelela du, sunga vipulute vilo elufu monga na yigana limonga na makumi mahano. Na mu vilo vivi vyose, howa hasina wulavye we vilavywa vye makumbiko ge hakali mitondo ne cinyamihe. Ale, Nyumba yo Mulungu nhondo, ho yokwezwa.”
Malayika Gabuliyeli yakulolosa zo Wugubulilwe
15Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu. 16Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.” 17Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi.
Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.” 18Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu. 19Hanyuma yakajendelela kutya, “Ane nghukulajila ze likuwo lyo Mulungu, vyono lyolowa linha mu vilo vya ku ndumo. Hambi wugubulilwe wuwo, nha wukulajila zono zolowa ku vilo vya ku ndumo.
20“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya. 21Nayo mvulati yiyo, wo wutemi wo Wugiliki. Nalyo lihembe lyono lili haciligati ye meso, yo mutemi mulongozi. 22Nago i mahembe mane gono gacindice lono lihembe lilongozi libeneceye, wo watemi wane wono wololawa mwi'kungugo limonga lyono lyologawanuka, kanyhi lyolowa lisina vilungo nha vyono wutemi wulongozi wono wali wina vilungo.
23“Na lono mudumo we watemi wawa wuwe wasejelela, na kolo wakondya kusocela ho walipicizwe, ale baho ho holowa no mutemi mono kolowa yasina cihuliko, kanyhi mulambi, kanyhi mono kolowa yena mikalile ye cakacaka. 24Nayo kolowa ne vilungo, kanyhi kololeta wongomele wuwaha, kolomoteswa muli zose zono kolowa kwituma. Kolowongomeza i wanhu we vilungo, hamonga ne wanhu wo Mulungu. 25Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza. 26Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.” 27Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.
Currently Selected:
Danyeli 8: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Danyeli 8
8
Wugubulilwe wa Danyeli we Nduwilu, ne Mhene
1Na mu mwaka we kadatu wo wutemi wa Belishaza, nghawona wugubulilwe wunji kanyhi. 2Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi. 3Na lono nali nili baho he kolongo lya Ulayi, nghawona nduwilu yono yina mahembe matali muno mejete. Na muli mahembe gago, limonga lyali yitali si nhe liyagwe, kanyhi lyali yipya, lyono lyacindika lono liyagwe lyali lyakondya kucindika. 4Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.
5Na lono nali nghali kwihwesa nghani yiyi nhunizo yayo nyhici lo. Hodu hobaho mvulati nghali yikawa kuza yifunyhile, yikulawilila ku lubavu lwa kumwezi, yali yimanyhile muno muno, sunga ne migulu yayo hamba si yapamizaga hasi yaye. Nayo mvulati yiyo, yali yina yihembe lyono lilawiye haciligati ye meso gayo. 6Ale, du, mvulati yiyo yikawa kuza yihutile, yikawa kubita kono ko yili nduwilu yono nayiwona yimile behi ne likolongo, yikayitowanga nduwilu yiyo kwe vilungo muno muno. 7Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye. 8Nayo mvulati, yikedunhumula muno muno, na ku soko yo widunhumuzi wayo, lihembe lyayo likawa kubeneka. 9Ninga hamba nhavivyo, likacindika kanyhi yihembe linji lidodo, mwi'hembe limonga lya muli gagalya mahembe mane. Ne vilungo vyayo vikatandala sunga ko ku lubavu lwa kutakama, no lubavu lwa kucilima, sunga ko ku yisi swanu muno. 10Naco cihembe cico, cikawiluka muno, cikawa ne vilungo vyo kwihoma ne lipuga lya ku wulanga, nha cinji, zinyelezi, sunga likazigumila zinji ho hasi, likazikanyaga. 11Hamba nhavivyo, likamwavufya u Muwaha we lipuga lya ku wulanga, likemila sunga ne vilavywa vye makumbiko ge nhondo zose, vyono wamulavizyaga, likayihodanga ne Nyumba yo Mulungu.
12Na baho ha Nyumba yo Mulungu, i wanhu wakahanoza hakawa hanhu ho kwitumila wubi. Hakawa si hanhu kanyhi ho kulavizya vilavywa vye makumbiko vye nhondo zose. Wanhu wakawuleka sunga no wuhembi we mbeka. Lihembe lilyo likasuma kwituma nghani yo yose yono lyeneco lyasakaga kwituma. 13Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?” 14Nghahulika malayika muyagwe nayo yakupitula yakutya, “Nghani zizi, zojendelela du, sunga vipulute vilo elufu monga na yigana limonga na makumi mahano. Na mu vilo vivi vyose, howa hasina wulavye we vilavywa vye makumbiko ge hakali mitondo ne cinyamihe. Ale, Nyumba yo Mulungu nhondo, ho yokwezwa.”
Malayika Gabuliyeli yakulolosa zo Wugubulilwe
15Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu. 16Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.” 17Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi.
Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.” 18Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu. 19Hanyuma yakajendelela kutya, “Ane nghukulajila ze likuwo lyo Mulungu, vyono lyolowa linha mu vilo vya ku ndumo. Hambi wugubulilwe wuwo, nha wukulajila zono zolowa ku vilo vya ku ndumo.
20“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya. 21Nayo mvulati yiyo, wo wutemi wo Wugiliki. Nalyo lihembe lyono lili haciligati ye meso, yo mutemi mulongozi. 22Nago i mahembe mane gono gacindice lono lihembe lilongozi libeneceye, wo watemi wane wono wololawa mwi'kungugo limonga lyono lyologawanuka, kanyhi lyolowa lisina vilungo nha vyono wutemi wulongozi wono wali wina vilungo.
23“Na lono mudumo we watemi wawa wuwe wasejelela, na kolo wakondya kusocela ho walipicizwe, ale baho ho holowa no mutemi mono kolowa yasina cihuliko, kanyhi mulambi, kanyhi mono kolowa yena mikalile ye cakacaka. 24Nayo kolowa ne vilungo, kanyhi kololeta wongomele wuwaha, kolomoteswa muli zose zono kolowa kwituma. Kolowongomeza i wanhu we vilungo, hamonga ne wanhu wo Mulungu. 25Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza. 26Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.” 27Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.