Danyeli 7
7
I malimu mane mawaha
1Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo, 2nazo zono naziwona mu ndoto mu cilo cico, zo zino,
Mbeho yakukunzaga kulawa mbavu zose, yikwisumaniza mucanyha ye lilenga. 3Hobaho malimu mawaha mane, gakebuka mucanyha ye lilenga. Nago gose gali gesimajiye hwani yago. 4Lilongozi lyali linha simba, ninga lyali lina mabawa genha ga numba. Nane lono nalangaga, mabawa galyo, gakapunyulwa mazoya gayo. Lilimu lilyo likasimywa, likema kwe migulu yalyo myejete nha munhu. Likapegwa mutima nha wa munhu.
5Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.” 6Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize. 7Na lono nali nghali kanyhi nanjile, nghawona lilimu lye kane, lyali lina vilungo viwaha, lina wusume kanyhi lya kogofya. Nalyo lyali lina meno ga cuma, likalya no kubenanjiza, na vyono vyali visigaye likavikanyanjiza ne migulu yalyo. Nalyo lyali lisimajiye ne malimu mayagwe, kanyhi lyali lina mahembe yikumi. 8Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.
Wongomezwe we malimu ga galya mane
9Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto. 10Ne cikolongo co moto, cahulumaga cikulawilila mwi'goda lilyo. Na kanyhi hakawa ho wali wanhu maelufu na maelufu wono wakumwitumamila, hamonga ne wanhu waficile mamilyoni na mamilyoni, wono wemile hali mwene wakumwitumamila. Nago mahakama gakawa kwanza milimo yayo yo wu wuling'anizi ne vitabu vikagubulwa. 11Na lono nali nghali nanjile, nghahulika lihembe lililya lidodo, likwilumba no kwikumya lyeneco. Na lono nali nghali njendeleye kulanga du, nghawona lilimu lililya lye kane likuwulagwa, no mudunhu walyo, wukugumilwa mu malambi go moto no kongojezezwa lukulu. 12Nago agalya malimu ganji, gakawusizwa vilungo vyago. Ninga gakakombolwa gekale momi cidaha cono gali gatemezwe.
13Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene. 14Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.
Wugubulilwe wulongozi wukuloloswa
15No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu. 16Nghawa kumubitila yumonga wa muli wono wali wemile baho, nghamulomba yandoloseze zose zo wugubulilwe wuwo. Nayo yakanonjela nhunizo yayo yakatya, 17“Aga i malimu mane mawaha gono wukugawona, gago wo wutemi wune wono hanyuma wotema mono'nze. 18Nawo i wanhu wo Mulungu Mono Yalawiliciye, wolowubocela wutemi, no kutema cibitilila.” 19Ninga hanyuma yayo, nane nghelowa nizimanye zinji kanyhi zi zilya ze lilimu lye kane, lyono si lyali lihwanile ne mayagwe gose. Lilimu lyono lyogofyaga, lyono lyabenanjiza zimhelembo zalyo kwe makombazala galyo ge shaba, hamonga ne meno galyo ge cuma, no kuvikanyanjiza ne migulu yalyo. 20Na kanyhi nghasaka ho manye za ga galya i mahembe yikumi, gono gali gali mu mutwe walyo, hamonga na ze lihembe lililya lyono lyakunghumuka no kulawila, no kuganoza mahembe ga galya madatu gagwe. Na vyono kanyhi, lyali lina meso no mulomo, kanyhi likikumya ko widunhumuzi muno muno. Na kanyhi lyali yilimu lya kogofya muno si nhe mayagwe.
21Na lono nali nghali njendeleye kulanga, lihembe lilyo, likanza kwihoma ne wanhu wo Mulungu, likawasuma. 22Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu. 23Nayo munhu yuyo yakawa kundoloseza ze nhunizo yayo, yakatya, “Lilimu lilyo lye kane, wo wutemi we kane wono wolotema mono'nze, nawo wolowa wisimajiye no wutemi wunji wo wose. Nawo woloyitema yinze yose no kuyikanyanjila. 24Nago agalya i mahembe yikumi, wo watemi yikumi, wono wolotema mu wutemi wuwo. Ninga hamba nhavivyo, kolokuza mutemi yunji kanyhi, mono si yehwanile na wawo watemi walongozi. Nayo mutemi yuyo, kolowasuma i watemi wadatu. 25No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu. 26Nago mahakama ga ku wulanga, go gololavya u wuling'anizi, gomuwusiza vilungo vyakwe no kumongomezeza lukulu. 27Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.” 28Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.
Currently Selected:
Danyeli 7: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Danyeli 7
7
I malimu mane mawaha
1Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo, 2nazo zono naziwona mu ndoto mu cilo cico, zo zino,
Mbeho yakukunzaga kulawa mbavu zose, yikwisumaniza mucanyha ye lilenga. 3Hobaho malimu mawaha mane, gakebuka mucanyha ye lilenga. Nago gose gali gesimajiye hwani yago. 4Lilongozi lyali linha simba, ninga lyali lina mabawa genha ga numba. Nane lono nalangaga, mabawa galyo, gakapunyulwa mazoya gayo. Lilimu lilyo likasimywa, likema kwe migulu yalyo myejete nha munhu. Likapegwa mutima nha wa munhu.
5Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.” 6Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize. 7Na lono nali nghali kanyhi nanjile, nghawona lilimu lye kane, lyali lina vilungo viwaha, lina wusume kanyhi lya kogofya. Nalyo lyali lina meno ga cuma, likalya no kubenanjiza, na vyono vyali visigaye likavikanyanjiza ne migulu yalyo. Nalyo lyali lisimajiye ne malimu mayagwe, kanyhi lyali lina mahembe yikumi. 8Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.
Wongomezwe we malimu ga galya mane
9Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto. 10Ne cikolongo co moto, cahulumaga cikulawilila mwi'goda lilyo. Na kanyhi hakawa ho wali wanhu maelufu na maelufu wono wakumwitumamila, hamonga ne wanhu waficile mamilyoni na mamilyoni, wono wemile hali mwene wakumwitumamila. Nago mahakama gakawa kwanza milimo yayo yo wu wuling'anizi ne vitabu vikagubulwa. 11Na lono nali nghali nanjile, nghahulika lihembe lililya lidodo, likwilumba no kwikumya lyeneco. Na lono nali nghali njendeleye kulanga du, nghawona lilimu lililya lye kane likuwulagwa, no mudunhu walyo, wukugumilwa mu malambi go moto no kongojezezwa lukulu. 12Nago agalya malimu ganji, gakawusizwa vilungo vyago. Ninga gakakombolwa gekale momi cidaha cono gali gatemezwe.
13Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene. 14Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.
Wugubulilwe wulongozi wukuloloswa
15No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu. 16Nghawa kumubitila yumonga wa muli wono wali wemile baho, nghamulomba yandoloseze zose zo wugubulilwe wuwo. Nayo yakanonjela nhunizo yayo yakatya, 17“Aga i malimu mane mawaha gono wukugawona, gago wo wutemi wune wono hanyuma wotema mono'nze. 18Nawo i wanhu wo Mulungu Mono Yalawiliciye, wolowubocela wutemi, no kutema cibitilila.” 19Ninga hanyuma yayo, nane nghelowa nizimanye zinji kanyhi zi zilya ze lilimu lye kane, lyono si lyali lihwanile ne mayagwe gose. Lilimu lyono lyogofyaga, lyono lyabenanjiza zimhelembo zalyo kwe makombazala galyo ge shaba, hamonga ne meno galyo ge cuma, no kuvikanyanjiza ne migulu yalyo. 20Na kanyhi nghasaka ho manye za ga galya i mahembe yikumi, gono gali gali mu mutwe walyo, hamonga na ze lihembe lililya lyono lyakunghumuka no kulawila, no kuganoza mahembe ga galya madatu gagwe. Na vyono kanyhi, lyali lina meso no mulomo, kanyhi likikumya ko widunhumuzi muno muno. Na kanyhi lyali yilimu lya kogofya muno si nhe mayagwe.
21Na lono nali nghali njendeleye kulanga, lihembe lilyo, likanza kwihoma ne wanhu wo Mulungu, likawasuma. 22Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu. 23Nayo munhu yuyo yakawa kundoloseza ze nhunizo yayo, yakatya, “Lilimu lilyo lye kane, wo wutemi we kane wono wolotema mono'nze, nawo wolowa wisimajiye no wutemi wunji wo wose. Nawo woloyitema yinze yose no kuyikanyanjila. 24Nago agalya i mahembe yikumi, wo watemi yikumi, wono wolotema mu wutemi wuwo. Ninga hamba nhavivyo, kolokuza mutemi yunji kanyhi, mono si yehwanile na wawo watemi walongozi. Nayo mutemi yuyo, kolowasuma i watemi wadatu. 25No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu. 26Nago mahakama ga ku wulanga, go gololavya u wuling'anizi, gomuwusiza vilungo vyakwe no kumongomezeza lukulu. 27Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.” 28Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.