Loma 9

1Ndilongela mwe mwene, je ndili mwa Kilisiti, sindilonga uvudesi, lukundzolekela na lu lwikagulo lwangu, ulwimye mwa Mubepo umwîmike,

2nditigila: ndihuguvye uluhuguvalo ulukomi ndakyene unene, na ji numbula jangu jikumbava kitahwa mbêpali,

3ndivwene unene ndikēla nukuta ndika ndivedzage ndili mutagwa na kwa Kilisiti june, nditagi-lilwage pavańa-ṅolo vangu, avanakwesu ulwa pamuvili,

4avali vakina-Jisilahele, vwanavo vavo uvwâna, dzanavo nindolo, dzanavo ifingwi, gyanavo imilagililwe, gye valagililwe, vwanavo uvulimila-Nguluvi, dzanavo nińuvidzo,

5vanavo navakatali, na ju Kilisiti nave ahumile mu mwavo umuvili, ju Kilisiti u-Nguluvi va vonda umuńa-kulumbwa mumi-hagulile gya myâka. Amene. Mat. 1; Luk. 3, 23-34; Joh. 1, 1.

6Neke lino mutane ukutigila, kwe kuva lino ilidzwi lya Nguluvi livondelye, mutane ukutigila vonda, avahumile kuvakina-Jisilahele ve vakina-Jisilahele ndakyene. 2, 28.

7Pakuva kangi vasili mbeju ja Abalahama; ukuva vâna, vâna ndesi, neke umwene itigila: „imbeju jako jilatambulika mu mwa Jidzikaka.“

8Kwe kutigila: si ve vâna va Nguluvi, aviholwa kumuvili, hamu avene avaholelilwe paluhuvidzo, avo ve vitambulika ukuva je mbeju. Gal. 4, 23.

9Pakuva lye lidzwi lya luhuvidzo, lye atigye: „kumwâka nda lino nde apo u-Sala alavedza numuswamuve.“

10Mutane ukutigila dza-pwike, hâ nda, na ju Lebeka nave ndesi, avye ingililwe uvuvaha kwa dadisu ju Jidzikaka,

11-12ndivwene pe vave avâna nukuvonekei’ivala, pe vasina vadzilima ninofu nimbîfu, neke baho – pakutigila dzimage dze adzivonye ṅani Nguluvi idza kuhāgula, idzisihumile kumalimo, hamu idzihumile kwa je akemelaga - neke baho alongage kwa Lebeka atigilage: umuvele alavedza mukami kwa mukwangudzi.

13Ndeve lolilwe ulwa kutigila: „Jakovo ujo ndimwendile neke u-Esavu ujo ndimusulile.“

14Ino lino tulongage kiki? Ino vona tutigilage: Nguluvi asigolosa? Ulo muleke ndikane!

15Ndivwene umwene alongile kwa Mose atigye: „unene ndikumupyanila hela, je ndikêlye ukumu-pyanila, ndikumuletela uluko, je ndikêlye ukumu-letela uluko,“

16apo humbi lusimile pamunu, nde akēlage nde agimbage, hamu lwimile pa Nguluvi, je ipyanila. Ef. 2, 4.

17Ndivwene nihâte jilonga kwa Paliho jitigila: „lwe lwene lwe nguvikile uveve, ukuta dzivonekelage apako juve ingufu dzangu, nukuta ilitavwa lyangu lipulisage ińi jonda.“

18Apo humbi umwene Nguluvi je akêlye ukumupyanila akumupyanila, je akêlye ukumudindidza akumudindidza.

19Neke lino uveve vwitigila: apo akumbēlusa kiki, pakuva nani, je aku-lukana, lwe aludadambalye umwene?

20Ve munw’ave, silo nda, neke uveve juve kiki neke ukanidzage kwa Nguluvi? Vona ikivija kilonga kwa muvufi kitigila: ukumbumbavo kye kiki?

21Umwene-nalyo ililongo humbi kuli lunu, ngana atigye ndivumbage imbulungwa jijo ikingi ikivija kya malimo amanofu, ikingi kya mavîfu?

22Neke Nguluvi, je atigye adzivonesage iṅaladzi dzakwe, je atigye vadzimańage ningufu dzakwe, ngana afifipilaga nuvwisamutima mbando ifivija fya ṅaladzi, ifyavu-japilwe ukutipulwa, 2, 4.

23apo ātigye vamuka-gulage indolo idzisi dza kugela, dze akufiletela ifivija fya lupyana, fye afivikye ṅani ukuvedza fińandolo, 8, 29; Ef. 1, 3-12.

24jufwe, je tukemelilwe, mutane ukutigila twe va-Juda vene, nda na vapivala ndesi.

25Nde lilyo, lye ilongela na mwa Hoseja itigila: „ava si ka vanu vangu unene, ndikuvapēla ilya ,vanu vangu‘, na ju mukiṅinavo, je asali mwênde ukwangu, ndikumupēla ilya ,mwênde vangu‘.

26Neke lino pakivungu kikyo, kye atigilye: musili vanu vangu uńeńe, pe pene pe valatambulwa ilya: ,vâna va Nguluvi umûmi‘.“

27Neke kwa Jisilahele Jisaja ińwilidza itigila: „avakina-Jisilahele nde vaka vavedzage uvolofu nde muhanga ugwa palubali lwa ńandza, napo gilanana gi milekēlelwa gyene, 11, 5.

28pakuva umutwa alapula uvuhídzi, aladzidumulila ṅani inôngwa mwen’eńi muno.“

29Kangi Jisaja alongye ńani atigye: „Umutwa Sebajoto al’abihile ukutusi-gahidza imbeju, apo ngali tuli mulingo gumwi na va mu-Sedomo, ngâ tuhwa-nine na va mu-Hamola.“

30Ino lino twidzova kiki? Hamu twitigila: avapivala, avasasakulaga uvugolofu, avo vanukye uvugolofu, uvugolofu uvwihuma mulufuvo. 10, 20.

31Neke umwene u-Jisilahele, je asakulaga imilagililwe gya vugolofu, ujo anemile kumilagililwe. 10, 2. 3.

32Vavwene kiki? Pakuva vasikwima ulwa lufuvo nda, vikwima ulwa ma-limo, neke baho vakuvalage mwiganga lya lukuvadzo,

33ndeve lolilwe pahâte ulwitigila: „lolage mu-Sijono mwe ndivikile iliganga lya lukuvadzo, mbikile iliganga lya lwambu-dzo, neke umuńa-kumufu-vwa, ujo asilalemwa.“ Mat. 21, 42. 44.

Currently Selected:

Loma 9: II

Highlight

Copy