Loma 7

1Ńe vańa-lukolo, ndivwene ndilonga navo, avagidzelye imilagililwe, musiludzelye ulukuta: imilagililwe gikumudwama umunu, ve sali mûmi?

2Na ju mudala umuto-lano āvĭkīlwe gi milagililwe, ve sali mûmi umugosi. Neke ngana afwe umugosi, apo ve swêla, ve āvwike kumilagililwe igyamukungye pamugosi.

3Neke lino, ngana ita-vuka kwa jungi, ve sali ave mûmi umugosi, apo vikumutigila mudumula-vutolane ju mukiṅinavo. Ngana afwe umugosi, apo lino ve ijavwe kumilagililwe gila, apo asivedza mudumula-vutolane, nd’avedzage itavuka kwa mugosi ujungi.

4Ve mulivo najuńe, ńe vańa-ṅolo vangu; najuńe kumilagililwe kuno kwe kuva mufwe, mufwilye pamuvili gwa Kilisiti, ukuta muhambukage va jungi, je adzulubwike kuvafwe, twivonda ukuta tumuvelekelage ju Nguluvi. Kol. 2, 14.

5Ndivwene pala, pe twagendelagauluńa-ńama ja muvili, pala ingufu dza ndzanangifu, dze gilamusa imilagililwe, dzagimbaga mufipagwa fyesu neke tuvelekage ińa-fwa. v. 7-25; 6, 21.

6E lino twavwike kumilagililwe neke tufwe k’ulwatugalwe, ukuta tulimage amalimo amadza-lino amańa-Mubepo, tulekage imilimile igilimwike gila igyagendelaga mufi-kĕlo fya hâte. 8, 1. 2; 6, 2. 4.

7E lino tulatigila kiki? Vona tutigilage: imilagililwe myanangifu? Ulo muleke ndikane! Hâ nda, indzanangifu unene ngali sindidzidzelye, gika gitane imilagililwe, igindongye. Ndivwene na vu vudobofu unene ngali sindivudzelye, gika gitane ukundongela imilagililwe ukutigila: utane ukudoboka.

8Neke baho indzanangifu dzīkolekage pandagi neke dzilamusage uvudobofu vonda umwangu. Ngana pehela imilagililwe, apo indzanangifu dzifwe swe. v. 11; 5, 13.

9Neke unene pamwandi, pe ndagendaga kingaja-milagililwé, apo ndali ndili mṅmi; neke luvye lwadzile ululagi, neke baho indzanangifu dzilamukage, neke baho unene ndifwidzage.

10Neke lino mbonage ululagi uluńa-kuhula uvûmi, kangi lwihula ukufwa. Jak. 1, 15.

11Pakuva indzanangifu dzikikwikoleka palulagi neke dzindzangilage ululagi lulo neke dzimbulagilage lu lulagi lulo. Heb. 3, 13.

12Imilagililwe igyo higyo mîmike, nululagi lwî-mike, lugolofu, lunofu. 1. Tim. 1, 8.

13Ino vona ulunofu ulu lwe lwene lwe luńulye ukufwa vona? Ulo muleke ndikane! Nda hamu, dze ndzanangifu dzidzo, idzigendye palunofu pakuńulila uvufwe, pakuta dzikeledzage ukuva ndzanangifu, pakuta kangi indzanangifu dzimage palulagi pakuvedza ndzanangifu si vwanangifu. 5, 20.

14Pakuva unene ululagi ndiludzelye ukuva luńa-Mubepo, neke unene ndili muńa-ńama ja muvili, ndili mugulwa va ndzanangifu. v. 18; Joh. 3, 6.

15Ndivwene lwe ndimala sindiludzelye, ndi-vwene sindilima lwe ndi-lukĕlye, ndilima lwe ndi-lusulile.

16Apo lino ngana ndilima lwe ndisikēlye, apo kwe kuva ndidike kumilagililwe ukuta minofu gigyo, v. 12.

17apo kwe kuva si je nene, je ndimala idzi, hâ nda, kwe kuva dzimala indzanangifu, idzivujila umwangu.

18Ndivwene unene ndiludzelye ukuta umwangu muno, ndilonga muńama ja muvili jangu, silwivujila ulunofu, ndivwene ukukēla uko huko, kuli pîpi, neke lino ukulumala ulunofu, uko ndilemwa.

19Ndivwene ulunofu, lwe ndikêlye unene, ulo sindilima, nda hamu ulu-vîfu, lwe ndisikēlye, ulo kangi ndilima.

20Neke lino ngana ndilima lulo, lwe ndisikēlye, apo humbi si je nene, je ndikulumala, nda hamu, apo humbi dzimala dzi ndzanangifu, idzivujila umwangu.

21Neke unene lino, pakuva uluvîfu luli pîpi unene, ndikugyaga imilagililwe ukuva minofu, unene, je ndikêlye pakugigendela imilagililwe.

22Pakuva umunu vangu uva mugati akugihĕkelela imilagililwe.

23Neke ndikugivona igingi imilagililwe mufi-pagwa fyangu, igihomana nimilagililwe gya mulwi-jivuko lwangu neke giku-ngalulila kumilagililwe gya ndzanangifu, igigenda mufipagwa fyangu. Gal. 5, 17.

24Nde munu, nde mumbw’ane, nani j’alamása kumuvili ugwa vufwe ugu?

25Hongela Nguluvi mwa Jesu Kilisiti, umutwa vesu! Apo humbi najune ulwijivuko lwangu lutovile ilikongo kumilagililwe gya Nguluvi neke ińama ja muvili jitovile ilikongo kundzanangifu? 1. Kol. 15, 57.

Currently Selected:

Loma 7: II

Highlight

Copy