Luvilatulilo 18
18
1Neke lino baho, pe dzisilile idzi neke mbonage umuńa-mwandza ujungi isulunuka ukuhuma kukyâńa, vamupelye uvutavulilwe uvukomi neke indolo dzakwe dzijimulikage ińi. 10, 1.
2Neke baho akemelage nulukemelo uluńa-ngufu atigilage: jigwe jigwe i-Babele ingomi, jidzukile vwikalo vwa vademono jidzukile ndinde ja mibe-po imilamafu, jidzukile ndinde ja ndege dzonda imbîfu idzinuńilwe. 14, 8.
3Pakuva vonda ava kwen’ivala kuno vańwe uvugimbi vwa kupyufihidza kuvugoni vwakwe neke avatwa va mu-ńi vangwe nave uvugoni navagula-vugudzi vamotye muno apakwe, pakuva agimbile muno uvuhêńe-tafu.
4Neke lino baho ndipulikage ilingi ilidzwi lihuma kukyâńa litigila: muhume umwakwe ńe vanu vangu, mutane ukuhanga indzanangifu dzakwe na dzi nodzanodzo dzakwe dzitane ukuvadzila kumwinga nańe.
5Pakuva indzanangifu dzakwe dzilundise dzidzi-fike nakukyâńa neke amukumbwike nu-Nguluvi uvuhaluka vwakwe.
6Mumupiluhidzage ndeve akikuvapiluhidza uńeńe nave mugelelage pamalimo gakwe neke muvwidzińasage kavili pakumupela; ikińwelo, kye avengelaga, mumwengelage kikyo najuńe muvwile nulwa vuvili.
7Mugelelage pavwigi-nisi na pavuhêńetafu vwakwe neke mumupelelage ikigelelo kikyo nuluno-dzanodzo namakiva, pakuva umwene munumbula jakwe itigila: ndikalile baha unene, nde mutwa mudala, sindili mufwile namakiva sindilagakagu-la ponu.
8Kye dzilaleka dzimwa-dzilage kigono kimwinga inodzanodzo dzakwe dzonda nukufwa namakiva nilipunge, neke alakodzwa numôto, pakuva umutwa Nguluvi, umuńa-ludali, je aladzikĕla inôngwa dzakwe. 17, 16.
9Neke apo avatwa ava mu-ńi, avakigona nave, avakiheṅetala nave fyonda valamuvembela amo-hodzi, valamulŏgōtelela, valava valivwene ilyôsi lyakwe, pe ipya. 17, 2.
10Valadandamala patali vavwene vikogopa, dze inodzanodzwa neke valatigila: iga iga, ve kâja ve ngomi, ve Babele, ve kâja, ve ńa-ludaly’ave, ukuhigwa kukwańanidze pasala jimwinga hela. 14, 8.
11Navagula-vugudzi va mu-ńi navo vivemba amohodzi, vańońovye, pakuva ejike umuńa-kugula navo imidzigo gya mufyômbo fyanavo.
12Imidzigo gya sahabu, gya fesa, gya maganga amatalamu, gya ndzambo gya myênda imivalafu, gya miduṅu mudzindzi, gya halili, gya midûńu ketu, namabiki gonda ga kudzenga nifikońolo fyonda, fye vahongwe ime-mbe dza ndembwe nifi końolo fyonda, fye vahongwe amabiki amatalamu nikitindi nikyûma nama-ganga ga malamolo,
13numudalasini nidinga nifya kufuṅilidza nimono ińa-lulago namahongole nuvutoṅoni namafuta ga fimela nuvuhalule uvuko-ndze ningano nisenga ni-ńolo nifwalasi namageleti nimivili gya vanu nimiti-ma gya vanu.
14Ifinunwa fyako, fye gukidoboka umutima nafyo fyejike; tońda nutu-ńa-mapâma nutwińabata twejike apako lusile, usi-lavuja utuvone ponu.
15Avagula-vugudzi avaguiaga fyonda ifi, avavu-vwene uvusavilo apakwe, ve valadandamala patali, vavwene vikogopa, dze inodzanodz wa, valavemba amohodzi, valańońovala,
16valatigila: igaiga ikâ-ja ingomi ijafwalaga imyênda imivalafu nimi-dûṅu mudzindze nimidû-ṅu ketu, je vwisukidze nisahabu nutuganga uvutalamu nindzambo, figite evo ifya vulimi fyejekye pasala jimwinga hela? 17, 4.
17Vonda navagendedza-fyômbo, vonda avihelela mukudzabuka navabaha-lila, vonda hela navisavila uvusafi pańandza navo vimye patali,
18neke vahugumililage, vavye valivwene ilyôsi, pe jipya ijene neke vatigilage: kiki ikyaliṅine ni-kâja ingomi iji?
19Neke baho vasopage ulufuna pamitwe gyanavo neke vahugumililage neke vavembage amohodzi neke vahuguvalage neke vatigilage: iga iga ikâja ingomi iji, mwe vakisa-vila muvusi vwakwe avańa-fyômbo, pe vigenda muńandza, ve jili evo, jejekye hela pasala jimwinga?
20Lino mukelage, ve ńi ja kukyâńa, najuńe, ńe vîmike, najuńe, ńe v-Apo-sitili nańeńe ńe vavidzi, pakuva Nguluvi ajikĕlye dzonda, dze mwajihigaga.
21Neke baho umuńa-mwandza jumwi umuńa-ngufu inulage iliganga ilili ngita lwala pavukomi neke alisopage muńandza neke atigilage: jilagita evo i-Babele, ikâja ingomi iji, jilakunikilwa pakubomolwa neke jisilala-vwa ponu kangi.
22Nilidzwi lya vatova-magombo nilya vimba-ndzimbo nilya vatova-lu-landzi nilya vatova-ṅwa-limba, go asilavuja apulike ujungi umwako muno; navavuja vonda avipelanga fyonda, asilava-vona kangi ukwako umunu , asilapulika jungi indzala, pe dzidzova umwako muno.
23Nambi luṅáli lumwi lusilaka umwako muno nambi jumwi asilapulika ilidzwi lya mutodzi nilya mutavulano, pakuva avagula vugudzi vako vakali ve vandzagila mu-ńi muno, pakuva muvuhavi vwako mwe vakisāpila vonda avapivala.
24Na ji danda ja vavidzi nija vîmike najo vaji-vwene umwakwe ju mwene nija vonda, avakomilwe pa-ńi apa. 6, 10; 17, 6; 19, 2; Mat. 23, 35. 37
Currently Selected:
Luvilatulilo 18: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
