Luvilatulilo 13
13
1Neke mbonage Mukoko ihuma muńandza mumo, ali nimembe ńikyu-mi nimitwe gili mufúṅàti, neke pamembe afwete uvutwege vuńikyumi neke pamitwe gyakwe pogali amatavwa ga vudzovafivi. 11, 7; 17, 3. 9. 12.
2Neke u-Mukoko, je nda-muvonaga, aliṅine nilidû-ma neke amavutu gakwe ngita ga libŭli neke umulomo ngita gwa ńalupala. Neke u-Lihato amupelage ingufu dzakwe nikitêngo nuvutavulilwe uvolofu. 12, 3.
3Neke umutwe gumwinga gwa Mukoko gule-mye ulwa kufwa neke ikivamba kya fwa iki ki-ponage kangi. Neke baho ińi jonda jimudzumage u-Mukoko uju. 17, 8.
4Neke baho vifuńage kwa Lihato, pakuva amu-pelye u-Mukoko uvutavulilwe. Neke vifuńage na kwa Mukoko neke vatigilage: nani, je pwali, je aliṅine nu-Mukoko, je nani j’atigye alwage nave?
5Neke baho u-Mukoko apelwage umulomo, ugwi-longa ningomi nuvudzo-va-fivi. Neke apelwage uvutavulilwe uvwa kwi jekela imyêdzi makyumi gataji na givili (42). 11, 2; 12. 6. 14.
6Neke abagalulage umulomo pakulonga idza vudzovafivi na kwa Nguluvi na kulitavwa lyakwe na kulihema lyakwe na ku avivujila kukyâńa.
7Neke apelwage pakulwa navo avîmike nuku-vateludza, neke apelwage uvutavulilwe na kufi-pelela fyonda na kuvanu vonda na kundongele na kuva-pivala. 11, 7.
8Neke vifuńage kwa Mukoko vonda avadzengile pasi pa-ńi, ve ga-sandikililwe amatavwa ganavo pahâte ja vûmi ja Kakolo, je akomilwe, ukuhuma pe jagavwagaińi. 12 12; 3, 5; 17, 8
9Je ali nago amasikidza, apulikage.
10Je isutulila kuvugalule, apo nave isutulilwa kuvugalule; je ivulagila iligoha, nave muńa-kuvulagilwa li ligoha. Pen’apa pe fikalilage nulwigugumidzo nulufuvo lwa vîmike. 14, 12; Mat. 26, 52.
11Neke baho mbonage u-Mukoko ujungi ikwinuka ihuma pa-ńi, neke ali nimembe dzivili, dzili nda mulingo gwa dza kakolo, neke pakulonga ilonga ngita ju Lihato. 16, 13; Mat. 7, 15.
12Neke agendelage uvutavulilwe vwa Mukoko umulongodzi jula, ilimila mumîho gakwe. Neke ińi jonda navanu, avadzengile pa-ńi ikuvagagilidza itigila: mwifuńage kwa Mukoko umulongodzi jula, je kyaponile ikivamba kya fwa fcila. v. 2. 4. 5. 7.
13Neke ivonesa ifilóle ifivina nifya kulagadza imyôto kukyâńa, pe vilo-la na va vanu. Mat. 24, 24; 2. Tes. 2, 9. 10.
14Neke ikuvasafihidza navadzengile pańi fi filóle ifi, fye apelilwe, ukuta avonesage kumîho ga Mukoko umujagwe, ikuvalongela avadzengile pa-ńi itigila: muvujapage ulu-hwano lwa ju Mukoko jula, je alemye ikyûfya neke kangi apone.
15Neke kangi apelwage, ukuta alupelage uvûmi uluhwano lwa ju Mukoko, pakuta lulongage uluhwano lwa ju Mukoko, neke ileta na lu lwa kuvavulaga vonda, avakanaga ukwifuńa kuluhwano lwa ju Mukoko.
16Neke avavūlage navafupi navatali navasafi na vahangala na vako-mbodze navakami, ukuta vavavage uvuvave avangi mulivoko lyavo ilya ndyo avangi pavusu. 19, 20.
17Neke kangi nukuta alemwage nukugula nukugudza, je vasimuvavile nambi ilitavwa lya Mukoko nambi uluvalilo lwa itavwa lyakwe.
18Pe lwikalilage ulu-hala pen’apa! Umuńa-lwijivuko avalilage uluva-lilo lwa Mukoko; ndivwene luvalilo lwa vanu. Neke uluvalilo lwakwe lwe ulu: magana mutanda namakyumi mutanda na fili mutanda (666). 17, 9; 15, 2.
Currently Selected:
Luvilatulilo 13: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
