Filipi 4
4
1Apo lino ńe vańa-lukolo, vangu, je ndivendile, je ndisukilwe, ńe luhekelo lwangu, ńe ngêla jangu, mwidomekage ndesi mwa mutwa, ńe vênd’ańe. 2. Kol. 1, 14; 1. Tes. 2, 19. 20.
2Ndikumuvunga na ju Evodya, ndikumuvunga na ju Sindike, nditigila valuhodzage lumwinga mwa mutwa.
3Ena naveve ve mujangu, je uli vwidevulilo, najuve uvatange, pakuva avavili ava ve vene, ve twagimbanye nani palye-vangeli, pe twali na va-Kelemende navangi, avanangaga amalimo, avene ava amatavwa ganavo gali pahâte ja vûmi. Luk. 10, 20.
4Muhekelelage kwa mutwa mbêpali, kangi nditigila muhekelage. 3, 1; 2. Kol. 13, 11.
5Uvulele vweńo vupulisage kuvanu vonda.
6Mutane ukwiganya ifingi, hamu, dze mugulwime uńeńe, idzo mudzipulisage kwa Nguluvi, mwimilage lu lulapangilo londa neke nuluńiliko muhandzage nukuhongedza. Mat. 6, 25-34; 1. Pet. 5, 7.
7Neke ulutengamano lwa kwa Nguluvi, ululutye kulwijivuko londa, lwe; lulavabīnilila mwa Kilisiti; Jesu inumbula dzeńo namahodza geńo. Joh. 14, 27; Kol. 3, 15.
8Ndikwapulidza lino, ńe vanisu, nditigila nidza koluli dzi dzivedzaga, nińa-fijēvu dzi dzivedzaga, ningolofu dzi dzivedzaga, nindzila-lupamidza dzi dzivedzaga, nidzili vwendo dzi dzivedzaga, nińa-ńugo inofu dzi dzivedza-ga, nińa-vupedzi nidza malumbo, dze dzene dze mudzihodzage. Lom. 12, 17.
9Na dze muluvwe na dze mwanukye ukwangu na dze mupulike nuku-dzilola ukwangu, mudzi-limage dzidzo, apo na ju guluvi umuńa-lutenga-maso londa, apo nave alavedza apeńo. 1. Tes. 8, 23.
10Neke unene ndikele-lelye mbando mwa mutwa, pakuva lino mula-mwise ifya kuńumbuka; ukukumbuka uko mwaku-mbwike neke lino pakuva mwakolanilwe.
11Neke ulu sindikululonga, pakuva figajile, ndi-vwene unene ndihongile ukufulukana nafyo, fye ndi nafyo. 1. Tim. 6, 6.
12Unene ndivudzelye nuvufupi nuvutali. Ponda hela ndidzoveleńine dzonda, nde luvedzage lwa kwiguta, nde luvedzage lwa kudagana, nde luvedzage luńa-kumota, nde luvedzage luńa-sīta. 2. Kol. 6, 10.
13Unene sifindemile fingi, pakuva ndili paju mwene, je akumela ingufu. 2. Kol. 12, 10.
14Kilonga vuli muga-hile, pakuva muhangile nani pamumuko dzangu.
15Neke lino mulukagwe najuńe, ńe va-Filipi bahe lyamulwaga ilyevangeli ukudalikwa, pala pe nda-hegaga mu-Makedonija unene, ukuta lusupali ulukombeso ulungi, ulwa-hangaga nani pakuvala nifya kuhedza nifya kwingidza, juńe swe. 2. Kol. 11, 9.
16Pakuva na pe ndali mu-Tesaloniki, napo mwanumye ifya ndzala na lu lulongodzi lulana lwa vuvili lula.
17Mutane ukutigila unene ndisakula ifya kumela unene, hamu, unene ndisakula dze mwiveleka, ukuta dzolokage idzive dza dza lwingidzo lweńo. 1. Kol. 9, 11.
18Unene ndili nafyo fyonda, fiselenduka hela, fińwilye unene, ndivye ndanukye kwa Epafoloditi, fye mwanumye juńe, lunusi uluńońońafu, vusembe uvwanukilwa, uvunogile kwa Nguluvi. 2, 25.
19Neke lino umwene Nguluvi vangu alavame-melehedza monda mwe mwangilwe, alavagelelela pavŭsi vwakwe uvwa mumdolo mu mwa Kilisiti Jesu.
20Neke lino umwene Nguluvi udadisu tumulu-mbage ukufika kumihagulile gya myâka, mwe gihagulye. Amene.
21Muvahungilage vonda avîmike, avagenda mwa Kilisiti Jesu. Vakuvahungila navańa-ṅolo, ve ndi navo apa.
22Vakuvahungila vonda avîmike, valutye mbando pakuvahungila ava muńumba ja Kesale.
23Neke ulwene ulusu ngu lwa mutwa Jesu Kilisiti luvedzage numuhe po gweńo.
Currently Selected:
Filipi 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
