Filipi 1
1
1Jufwe twe va-Pavulu na Timoti, twe vakami va Kilisiti Jesu, tuku-vandikila mwivonda, ńe vîmike, je mugenda mwa Kilisiti Jesu, je mwivujila mu-Filipi, na ńe vimilidzi na ńe valimilavangi. 1. Kol. 1, 2; 1. Tim. 3, 1. 8.
2Ulusungu luvedzage nańeńe nulutengamaso uluhuma kwa Nguluvi udadisu na kwa mutwa Jesu Kilisiti. Lom. 1, 7.
3Ndihongedza kwa Nguluvi vangu mbêpali, pe ndikuvakumbuka uńeńe, Lom. 1, 8; 1. Kol. 1, 4.
4mbêpali ndikuvańiliki-la uńeńe mwivonda paluńiliko lwangu londa, neke ndikuvańilikila kyedzamutima,
5pakuva muli vuhanganile mulyevangeli ukuhuma baha kigono ikilongodzi kila ukufika kulino kuno,
6neke ndikwidevulila lulo ulwa kuta je amwe amalimo amanofu apeńo ago, alagadudza ukufika baha kigono kya Kilisiti Jesu, 2, 13; 1. Kol. 1, 6-8.
7ndeve lugolwike unene pakuvasagila mwivonda, pakuva muli munumbula jangu uńeńe, je tuli ńangilakumwinga nańeńe mwivonda mulusungu pa muńololo gwangu na mwe nda ndikulitengela ilyevangeli na mwe nda ndi-kulikangadza.
8Ndivwene na ju Nguluvi nave akundzoleka ukuvasukwa uńeńe uvusukwe vwa mufûmbo ja Kilisiti Jesu.
9Neke lino unene lwe ndilapangila nditigila uvwênde vweńo vuka vongeledzage ukutana, vuka vuvahulilage nulwa kudzikagula inôngwa nuku-dzifika dzonda,
10musungwe mudzigelandzage, mwe dzilekanye, pakuta muvedzage mwi vagajalunu, muvedzage mwi vagaja-lukuvalo ukufika kukigono kya Kilisiti, Lom. 12, 2; 1. Tes. 5, 23.
11neke muvelekage nuvugolofu mukwilage, vwe ihula Jesu Kilisiti neke mululungamidzage kundolo nakumalumbo ga Nguluvi. Ef. 5, 9.
12Neke unene nigye ndivavulage, ńe vańa-lukolo, ukuta idza kwangu unene idzo dzihelye dzi-kulitanya ilyevangeli, 2. Tim. 2, 9.
13gisungwe gisikukage nimipingo gyangu mwilînga lyonda lya vasilikâli na muvangi vonda, ukuta fungilwe idza Kilisiti, 4, 22.
14neke navańa-lukolo avolofu, avimye mwa Kilisiti pakwidevulila ulwa mipingo gyangu, navo vo-ngelidze pakwituma hela mukulilonga ilidzwi lya Nguluvi kitogopa.
15Vamwi ena vigendela ulwa sinwa nulwa mabatu, pe vikumudalika Kilisiti, neke vamwi vigende la uvugulume vwa nofu.
16Neke lino avene, ve vukuvatuma uvwênde, avo vandzelye unene, ukuta ndihwa ndikulyolelela ilyevangeli.
17Neke ve dzikuvatuma indzolingo, avo vivulanidza idza Kilisiti vudesi hela, vitigila vakundamu-hidza imumuko mumipingo gyangu. v. 7.
18Kiva kiki? Dzivula-nidzwage hela dzi dza Kilisiti mumivulanihidze gyonda, nde vagendelage ulwa kugūgalidza, nde vagendelage ulwa koluli, unene ndikēla nalo neke ndilakēla nalusiku. 2, 17. 18.
19Ndivwene ndiludzelye unene, ukuta idzene idzi ndilavona dzidzukile dza kumoka unene, pakuva najuńe mukuńilikila na ju Mubepo va Jesu Kilisiti nave akunanga mbando, 2. Kol. 1, 11.
20ndeve ndilolela ikindolela nukuhuvila, ukuta nditane ukutoveka ulungi, hamu ndeve nda ndigita mbêpali na li lino nditigila: u-Kilisiti kivedzage kyedzamutima hela pakumuginihidza gu muvili gwangu, nde lugendelage muvûmi nde lugendelage mufwa. 1. Pet. 4, 16.
21Ndivwene unene uvûmi vwangu je Kilisiti neke ukufwa vwe vulimi. Gal. 2, 20.
22Neke lino ngana uvûmi uvwa pańama ja muvili uvu vuńa-kuveleka imeke idza milimile gyangu, apu lundemile na lwihāgo. Lom. 1, 13.
23Idzi dzimbumbanye dze dzivili; ukunogelwa ndinogilwe ukuhega ukudzikuva na Kilisiti, pakuva kwe kusutye mbando uvunofu. 2. Kol. 6, 8.
24Neke pe ndivwene uńeńe, apo ndifumbanilwe ukwikala mumuvili ndesi.
25Neke unene idzi ndi-jengwise neke ndidzelye unene ukuta tândi ndiva pondi, ndivedza nańeńe mwivonda neke ndivahu-lilage ulwa kulukudza ulufuvo lweńo nulwa kulukēlelela ṅani,
26pakuta ndivahulilage uluginyo lweńo ukutanila mwa Kilisiti Jesu, pe ndilava mbwilye kangi ukwadza kuko.
27Ndihiga lumwi swe: mulivagilage ilyevangeli lya Kilisiti mumigendele gyeńo, ńe veneka, pakuta, nde ndivedzage ndadzile kuko neke ndivavone, nde ndivedzage sindikwadza, pakuta ndipulikage ama-kāni ga kweńo agitigila: vimye mumubepo gumwi, vali mutima gumwinga pakululwila ulufuvo lwa palyevangeli, Kol. 1, 10; 1. Tes. 2, 12.
28vasitoveka nambi ku vańa-vukava neke ulu avene kimańilo kya kuti-pulwa, uńeńe kimańilokya kupokwa, neke uku aku-kuhula Nguluvi.
29Pakuva uńeńe idza kwa Kilisiti musisungukililwe ulwa kumufuvwa lwene, hamu mugelike nulwa kumupumukila umwene.
30Najuńe mukwigwila ji ngwila, je mwavwene ndikwigwila najune, na li lino mulupulike ukuta na li lino ndave ndili najo. Apos. 16, 22.
Currently Selected:
Filipi 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
