Filemono 1
1
1Je nene, nde Pavulu, nde mufunge va Kilisiti Jesu, ndi na Timote, umuna-lukolo, tukwandikye ve Filemono, ve mudzela, ve mulimi mujisu. Ef. 3, 1.
2Tukukwandikila najuve, ve Apija, ve muhadzavisu, najuve, ve Alahipi, ve mutendzi mujisu, tulwandikye nulukombeso londa, ulwiko’ana mu numba jako. Kol. 4, 17.
3Ulusungu luvedzage nane nulutengamaso uluhuma kwa Nguluvi, udadisu, na kwa mutwa Jesu Kilisiti. Lom. 1. 7.
4Mbepali ndihongedza kwa Nguluvi vangu, pe ndikukukumbuka mululapangilo lwangu,
5pe ndipulike nulwendo lwako nulufuvo, ululungamye na kwa mutwa vesu Jesu na kuvîmike vonda,
6nditigila: ulufuvo lwako, lwe tuhangile nafwe nave, lugimbage pakudzikagula dzonda inofu, idzilungamye kwa Kilisiti, dze twi nadzo unefwe. Fil. 1, 9.
7Pakuvaimyêndele gyako gituhulye ukukela mbando nukunamadzwa, pakuva na dzi numbula dza vîmike dzikilanye pa pako juve, ve mwanisu. 2. Kol. 7, 4.
8Lino mwanaja, nde ndika ndivedzage nakyo mwa Kilisiti ikyendamutima hîlo ikya kukulagilila hela uluvagye,
9napo unene ndikelye ukwimila vu vwênde pakukuvunga hela, june nde Pavulu, nde mugogolo nigilage lino nde mukunge va Kilisiti Jesu,
10ndikukuvunga lino ulwa mwâna vangu, je ndimuholile, pe ndigenda mumupingo, u-Onesimi, Kol. 4, 7; 1. Kol. 4, 15; Gal. 4, 19.
11je idâha asakupefukilaga kinu, lino akutupefukila nave nani,
12je mwene je ndikutumye uveve jujo, nigilage inumbula jangu.
13Unene ngatigye ndimupiluse andimilage unene pavufunge vwangu, vwe linulye ilyevangeli uvu, kivedze kifwa je veve, Fil. 2, 30.
14neke singakelye ukulugendela ulu kitadzela uveve, pakuva unene nigye ulunofu lwako utane ukundetela vuhenekasingo, hamu undetelage vugololasingo. 2. Kol. 9, 7.
15Ndivwene ene vuli lwe lwene lwe ahemwike ifigono nde filingi, pakuta ahambukage vako mbêpali,
16je asili ngita musutu lino, hamu ali mululutye kuvusutu; muna-lukolo umwênde nulwa pamuvili nulwa pamutwa, ukwangu ve vo luli mbando, neke ukwako asilutila vona? 1. Tim. 6, 2.
17Lino ngana twi vu hanganile nave nani, apo umwanukilage ngita ukundzanukila june.
18Neke lino ngana anangile lunu ukwako nambi apingile finu, ifyo undzigilage unene.
19Je nene, nde Pavulu, ndandike nilivoko lyangu nditigila: ndikukuhomba june, ndileka ukuta uhombe juve, pakuva najuve uli muna-kudzigilwa ukwangu.
20Ena mwanisu uleke ndinonelage ukwako mwa mutwa, uleke ndikilihidze i numbula mwa Kilisiti. v. 7.
21Ve ndikwandikye vuli, ndijengwise hela ukwako, nditigila akuṅunda; ndilukagwe unene, ukuta vwidzufya na kufye ndongile unene.
22Napakugona napo umbujapililage ṅani, ndivwene ndihuvila ukuta indapangilo dzeńo dzilanulila ukuta ndipelwage ukweno unene. Fil. 1, 25; 2, 24.
23Akukuhungila Epafala, umukungwa mujangu mwa Kilisiti Jesu. Kol. 1, 7; 4, 12.
24Vikukuhungila va-Malika na Alisitalaka na Dema na Luka, avikunanga amalimo. Kol. 4, 10, 14.
25Ulusungu lwa mutwa Jesu Kilisiti luvedzage numubepo gweno.
Currently Selected:
Filemono 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
