Kolosa 3
3
1Neke lino ngana mudzulubukye kumwinga na-Kilisiti, apo musa-kulage ifya kukyâńa, kwe ikaliíe u-Kilisiti kulya ndyo lya ju Nguluvi, 2, 12.
2mwisagilage idza kukyâńa, mutane idza pasi apa. Mat. 6, 33.
3Ndivwene mufwe neke lino uvûmi vweńo mufi-hamye kumwinga na-Kilisiti mu mwa Nguluvi. Lom. 6, 2.
4Neke ngana ponu, ngâ ali asīkuke ju Kilisiti ju Vûmi veńo, apo mulahanga nave najuńe pakusī-kukila mundolo. 1. Kol. 15, 43.
5Apo líno mutuvŭlagage utupagwa utwa pasi apa, nuvugoni nuvulama-fu nuvukemi nuvudobofu uvuvîfu nuvununumu, uvwene uvu vwe vubapa kwa Nguluvi. Lom. 6, 6; 8, 13.
6Dzen’idzi dzikongola iṅaladzi dza Nguluvi. Ef. 5, 6.
7Najuńe idâha mwadzi-gendelaga idzen’idzi, pe dzavutanidzaga uvûmi vweńo vonda.
8Neke lino mudzivuhage dzonda idzi niṅaladzi niligoga nuvuvîfu nuvudzovafivi namadusi, agihuma mumulomo gweńo. Ef. 4, 31. 29.
9Mutane ikińa-vwidetele uvudesi, mufulage umunu umulovela naga malimo gakwe gonda, Ef. 4, 25. 22.
10mumufwalage ju mupya, je apisidzwe, asungwe afike kulukagudzi ulwegemine nuluhwano lwa je amugavile, Ef. 4, 24.
11kwe asumuli numu-Giliti numu-Juda nambi numusinge nusimusinge nambi nuva-kwivala numusendzi nambi numulimano numwâna va munu, hamu je Kilisiti monda ṅani mumbêvali. Gal. 3, 28.
12Neke lino uńeńe, ńe muli ngita vahagulwa, ńe vîmike, ńe vênde, mufwalage ulupyanidzo ulwa munumbula nuvuńa-mutima-mufupi nuvwilēvedze nuvulêngamu nuvwisamutima. 1. Pet. 2, 9.
13Mwidedese, muvo-dzanile ngana podzili, dze mukwihiga; ndeve adzi-vodzidze uńeńe idzeńo umutwa, mugitage evo najuńe muvodzanilage. Mat. 6, 14; Ef. 4, 2. 32.
14Pakyâńa padzond’idzi mugelekage uvwênde, uvudzukile mukova gwa vudumilidze. Lom. 13, 8. 10.
15Neke ulwene ulutengamano ulwa kwa Kilisiti luvedzage lutema munumbula dzeńo, pakuva lwe lwene lwe mukongolilwe vugenda muvili gumwinga; neke na lu luhongedzo muvedzage nalo. Fil. 4, 7; 1. Kol. 12, 13. 27.
16Neke ilidzwi lya Kilisiti ilyo lidzengage mwileme lyeńo lyonda hela; ińala dzitemelelage dzonda na pe mukwivulanidza na pe mukwifundila kunofu na mundzimbililo nimwito nindzimbo, na pe mukumwimbila nuluhongedzo u-Nguluvi munumbula dzeńo. Ef. 5, 19.
17Fye fivedzaga fye mwilima na mumidzovele na mumilimile, ifyo fyondamulimilage mwitavwa lya mutwa Jesu neke muhongehedzage mwa jujo kwa Nguluvi udadye. 1. Kol. 10, 31. 18-4, 1: Ef. 5, 22-6, 9.
18Ńe vakiṅinavo mwile-fyage kuvańikodzo veńo ndeve muvagye, je mugenda mwa mutwa.
19Ńe vagosi najuńe muvendage avadala veńo mutane ukuvakalipila. 1. Pet. 3, 7.
20Ńe vâna muvakundage avavaha veńo patunu tonda, pakuva lwe lunofu kwamutwa.
21Ńe vadadavo mutane ukuvahovandza avâna veńo, mjulavona vińŏńŏvala.
22Ńe vavanda najuńe muvakundage patunu tonda avatwa veńo, avavasavile umuvili, mutane ukuvalimila lu lwa vulolela lwene, ndeve vigita avakwijendeledza kuva-nú, hamu muvalimilage kitahodzehedza kungi inumbula, muvonekage ikyôga kwa mutwa.
23Kye kivedzaga kye mwilima kihumage mumutitna pe mwilima, ngita mwilimila ju mutwa, ngita musilimila vanu.
24Neke mulukagulage ukuta mulanuka kwa mutwa uluhombo, li lipwela. Mumulimilage ju mutwa Kilisiti.
25Ndivwene je ikwananga, alanukila dzi dze anangaga, pakuva umwene asihalila uvunofu vwa kumîho kwa munu. Lom. 2, 11.
Currently Selected:
Kolosa 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
