2 Petele 2
2
1Neke mwe vāli nava-vidzi avadesi muva-kina-Jisilahele mula, ndeve na pa peńo valasungwa vave pwevali avavulanidzi va fidesi. Vala-dzińemeledza indekano ińula-lutipulo; valamukana umutwa, je avagulile; valikwegelehedza uluti-pulo ulusilahava pakuva-fika. Mat. 24, 11; 1. Tim. 4, 1.
2Neke avolofu valavu-ninilaga uvukemi vwanavo neke ve vene avalaji-hulila iṅasi ja ndakyene uvudzovwa-fivi.
3Neke ve vagenda muvununumu vuli valava-buganihidza amadzwi amahulano; aven’avo si lugata lwe vakelilwe katali neke nulutipulo lwanavo lusisindzila.
4Ndivwene Nguluvi, ngana asavagungulidzaga nambi avańa-mwandza, avahokaga, hamu ngana avasopaga kuvulungu, ve vavope nimipingo gyavutilivafu neke avasilihidzage ukuta vamingwage ukufika kuvuhigilo,
5ngana asagungulidza-ga nińi indovela, hamu ngana amunanyaga umudalisi va vugolofu, u-Nwaka, j’ali va munana, pala pe ajitilaga uvulava ińi ja vadzila-Nguluvi, 3, 6.
6kangi ngana ańańaga ikâja nija mu-Sedomo nija mu-Hamola neke adzikĕ-lelage ulwa kutipulwa-ndza neke adzivikage dzi-vedzage kilóle nakuvabe-da-Nguluvi ngâ ponu,
7neke ngana amunanya-ga u-Loti umugolofu, je gyamudadzandzaga imigendeleimińa-vukemi gya vadzila-likūle –
8ndivwene pe adzivo-naga nukupulika umugolofu, je avujilaga umwa-vo, neke baho amalimo ganavo amagaja-milagililwe gagunodzanodzage umutima gwakwe –,
9apo umutwa aludzelye ulwa kuvananya kuluge-myo avijēvulidza kwa Nguluvi neke avagaja-vu-golofu aludzelye ulwa kuvaminga, vali vapumu-swage pakigono kya luhigilo. 1. Kol. 10, 13; Luv. 3, 10.
10Neke alavalutidza (u-kutova) avidoboka ukwi-halabusa neke vakolelage ińama ja muvili neke na vitofola uvutwa, avańa-lumeno, avijengusavene, avasidetema nambi nuvu-dzovafivi kuvańa-ndolo,
11kuno navańa-mwandza, avavalutye nuludali ningufu, vasikuvagotole-la kwa mutwa uluhigilo ululi vudzovafivi.
12Neke avene avanu ava vali ngita fikoko ifindzila-luhala, ifigavilwe ukuta vibate vakome; vakudzídzovela fivi na dze vasidzidzelye neke vala-t’wila navo mulwanangi-kilo lwanavo.
13Neke lino valaleme-lelwa uluhombo lwa vundzila-vugolofu; avene uvulyamuno ifigono fyonda vihambula vuńońońafu, gili mwîko, mińa-vu-hulo, gilya muno ifya lubuganidzo, pe gihanga nańe ukulya;
14gi nago amîho, agile-mukila kwa mudaía uvugoni, gisikanga kingi, gi-kwambila imitima, igisina gikangala, gi nadzo inumbula, idzihongile uvununumu, vańa-ndeko.
15Vavye vajilekile iṅasi ijigolwike, visapa, vaninilye iṅasi ja Bilyamu umwa-Bejolo, je akelaga uluhombo lwa vagaja-vugolofu, Luv. 2, 14.
16je vwamugomile vu vwangule vwakwe jujo: imbûnda ingaja-lidzwi ja-dzovelaga ilidzwi lya munu neke limutanidzage umuvidzi ulukwale lwakwe.
17Igyene fye fisima ifidzila-lulenga, ge mafulu-ka, agipūlikila kondakonda kumuvĕlo. Igyene agivikye uvutilivafu vwa kîsi.
18Ndivwene vamwēja-kumbali, dze vidoloma; vikwambila uvudobofu vwa ńama ja muvili nuvukemi kuvavo, avaki-mbye bahobaho hela kuvańa-kudzigendela idza lusāpo.
19Gikuvahuvihidza uvukombodze, kuno misutu gya lwanangiko gi gyene; ndivwene kwe atelulye umunu, kwe kwene kwe adzukye musutu. Joh. 8, 34.
20Ndivwene, ngana valukimbililaga ulwibaka-ngilo lwa ńi lu lwe vamukagulaga umutwa, umupoki Jesu Kilisiti, neke kangi vipindzage dzi-dzo neke vatelule, apo ulwa mumbele lwiva lulutye uvuvîfu na ku lwa pamwandi, Mat. 12, 45.
21ndivwene avene kiba vali vatane nukujikagula iṅasi ja vugolofu neke nukujikagula neke vaga-mbilage umugongo ama-kūle amîmike, ge vavato-vye. Luk. 12, 47. 48.
22Luvafikye uludzovo lwa koluli ulwitigila: imbwa jipilukye kumadēsi gajo nulwitigíla: ingubi ijogile jigalagala kangi mumatika.
Currently Selected:
2 Petele 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
