2 Kolindi 5
5
1Ndivwene na ji ńumba ja lihema ińa-ńi iji, nde jali jivedzage jima-muka, napo tulukagwe unefwe ukuta tulavedza nindzēnge ińuma kwa Nguluvi, ińumba indzila-ku-dzengwa namavoko, ija mbêpali kukyâńa kula. 2. Pet. 1, 13. 14.
2Ndivwene unefwe tukunwike ukugeleṅasa pakufwala ińumba ińuma kukyâńa, neke tukwibu-ngulila lulo, Lom. 8, 23.
3nde alatwaga tufwete nde alatwaga tuli hela.
4Ndivwene na lino sali tugenda mwihema ili, napo tukwibungula twe vakiṅilidzwa, pakuva tusikelye ukufula, hâ nda unefwe twakelye ukugele-ṅasa pakufwala, pakuta akańa-fwa aka kamililwage kuvûmi. 1. Kol. 15. 53.
5Neke umwene, je atu-vujapilye ṅani idzi, je Nguluvi je atutavulilye ńani na ju Mubepo ukuta jivedzage, je mbikila jujo. 1, 22; Lom. 8, 16. 23; Ef. 1, 13. 14.
6Neke lino kwelile mbêpali hela nukwidzela twi-dzelye nukutà lino pe twi-vujila mumuvili vuli, tusili kwa mutwa, tuli kungi. Heb. 11, 13.
7Ndivwene imigendele gyesu igya lufuvo gisili gya vulola-mîho. 1. Kol. 13, 12.
8Neke tukelye unefwe neke tukunwike ukuhama pamuvili neke tuvujilage kwa mutwa. fu. 1, 23.
9Kye tulesile twitumile ṅani ukuta tunogage kwa mwene jujo, nde tuvedzage tusivujila mumo (mumuvili) nde tuvedzage twivujila mumo.
10Ndivwene twivonda twi vańa-kusikukila pakitêngo kya luhigilo lwa Kilisiti, ukuta vonda vanukilage fifyo, fye vagendelaga ifya pamuvili, fye valimaga, nde fivedzage finofu nde fivedzage fivîfu. Apos. 17, 31; Lom. 2, 16; 14, 10.
11Neke lino pakuva tumukagwe umutwa ukuta je va kogopa, apo swe tukuvaginalidza avanu, neke kwa Nguluvi uko tusīkulilwe. Neke unene ndihuvila ukuta tusīkulilwe na mulwikagulo lweńo.
12Mutane ukuta twivwila kangi ukweńo ukwikundilidza unefwe; twiva nde tukuvapela ulwa kwimila najuńe ulwa kwiginikila ukwetu uńeńe, pakuta muvedzage nalo ulwa kupilusa ku vavo, avakwiginikila ulwa pamîho hela; avasikwiginikila ulwa panumbula. 3, 1.
13Ndivwene nde tudzufyage, apo tukumudzufi-hidza ju Nguluvi, nde twi-kalage ve lutemelye, apo tukuvikalila ve lutemelye juńe.
14Neke lwe lwendo lwa Kilisiti ulukutusuńilidza evo unefwe, pakuva tuludumulye ńani ulwa kuta: avafwilye jumwinga vonda, kifwa vafwe vonda.
15Neke lino umwene avafwilye vonda, ukuta avûmi vatane ukutigila uvûmi vwanavo vavo, ha mu vuvedzage vwa jujo, je avafwilye, je avadzulubukye. 1. Tim. 2, 6; Lom. 14, 7. 8.
16Kwe kuva unefwe ukuhuma ku lino tusimu-dzelye ujungi ulwa ńama ja muvili, nde tuvedzage twamudzelye na ju Kilisiti ulwa ńama ja muvili, lino ulu tusimudzelye hamu.
17Kwe kuva umunu nga na agenda mwa Kilisiti, apo agavilwe vupya; ifilovela fihelye, lolage fyadzile ifipya. Lom. 8, 1. 10; Gal. 6, 15; Luv. 21, 5.
18Neke lino fyonda ifi fihumile ku kwa Nguluvi jujo, je itepuhidze nafwe mu mwa Kilisiti neke lino kangi atupelage uvulimilavangi vwa lutepudzo ulu, Lom. 5, 10.
19pakuva Nguluvi imye mwa Kilisiti neke baho itepudzage jumwene nińi neke atane ukuvavalila uvuhosi vwanavo, neke baho alivikage ilidzwi lya lutepudzo mugati umwesu. Lom. 3, 24. 25; Kol. 1, 19. 20.
20Neke lino twi vańa-magola, tukumugendela ju Kilisiti neke je Nguluvi ivungila umwesu jufwe, tukumudedevela ju Kilisiti twitigila: mungitepudzaga nu-Nguluvi.
21Pakuva umwene j’asadzidzelye ponu indzanangifu neke amudzusage udzanangifu, ukuta unefwe tudzukilage mwa jujo vugolofu, vwe ikwidika Nguluvi. Heb. 1, 16; Gal. 3, 13; 1. Kol. 1, 30; Fil. 3, 9.
Currently Selected:
2 Kolindi 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
