1 Tesalonike 2
2
1Tuvwene mutudzelye na juńeńe, ńe vanisu, imifikile gyesu, gye twa-fikye ukweńo, ukuta gi-sali gye hela, 1, 5. 9.
2hamu, nde tuvedzage twatalile ukupumuka nukukinilwa mu-Filipi, ndeve muludzelye najuńe, napo twavelye kyedzamutima hela mwa Nguluvi visu pakuvadalikila ilyevangeli lya Nguluvi vuhanga ningwila ingomi. Apos. 16, 20-24; 17, 1-6.
3Tuvwene dze twivunga dzisimelile mumisafihidze nambi muvulamafu nambi muvubanga,
4nda hamu, unefwe twi-longela mu mwe atugela-ndzidze Nguluvi pakutu-tavulila ilyevangeli, tusi-longa ngita tukwikundilidza kuvanu, hamu tukwi-kundilidza kwa Nguluvi, je akudzigelandza ninumbula dzesu. 1. Tim. 1, 11; Gal. 1, 10.
5Tuvwene tusalongelaga mumadzwi amańa-lu-kongakongo, ndeve muludzelye najuńe, vusitu-kwegelidze nambi uvununumu, ulu akutōlela na ju Nguluvi, Apos. 20, 33.
6tusagulwime nambi nulwa kulumbwa kuvanu, nde muvedze ńeńe, nde vavedzage vangi. Joh. 5, 41. 44.
7Unefwe nde tuvedzage tusalemwaga pakuvahō-jamidza, ve tuli v-Apositili va Kilisiti vuli, hamu twali valele umweńo umo, ngita ṅina, jè ikoṅeledza avâna vakwe.
8Twadendevwike ukweńo neke tukēlage nulwa kuta, tutane ukuvagavilali lyevangeli lya Nguluvi lyene, hamu tuvatavulilage na gi mitima gye-su, pakuva mwahambwike muli vênde ukwesu.
9Tuvwene mwikumbuka ńe vanisu na ga malimo gesu nuvugifi vwesu; twalimaga na pamûńi na pakilo, pakuva twatigilaga tutane ukumudodela ujungi, hamu tukikuvadalikila li lyevangeli lya Nguluvi lyene. 1. Kol. 4, 12.
10Najuńe na ju Nguluvi muli volesi ukuta twali twi vêlulile, twali twi vagolofu, tusali nalo nambi lungi pamigendele gye twagendye pa ńe vafuvi;
11ndeve mulukagwe nalo, lwe twavakongolehedzaga mwivonda najula mwene najula mwene ngita dadye kuvâna vakwe,
12na lwe twavaginali-dzaga na lwe tolekaga, ukuta pamigendele gyeńo mumuvagilage Nguluvi, je avakemelelye uńeńe kuvutwa vwakwe jujo na kundolo. Ef. 4, 1; Fil. 1, 27.
13Kye tulesile najufwe tuhongedzage kwa Nguluvi kitahwa, pakuva tuvwene mulyanukye ukwesu ilidzwi lya mapetela ga Nguluvi, musilyanukye ukuta lya vanu hela, hamu mulyanukye ngita lya Nguluvi, ndeve lili ndakyene lilyo, iligimba napeńo, je mufuvilwe. 1, 2; Gal. 1, 11.
14Tuvwene uńeńe mwi vanisu, mudzukile vaninidzi va vamuńombeso dza Nguluvi dza muva-Juda dzila, i dzigenda mwa Kilisiti Jesu, pakuva najuńe vavapumwise avańa-mutangilo vajeńo, dzidzo dze vapumukaga navala kuva-Juda,
15avamuvulige na ju mutwa navavidzi, avatu-fwimile najufwe, avasili vukēlo na kwa Nguluvi, avali vukāna navanu vonda, Apos. 2, 23; 7, 52.
16avakututanidza najufwe tutane ukuvavūla avapivala ukuta vali vanane, vasungwe vamemeledzage pandzanangifu dzanavo mbêpali. Neke avene iṅaladzi dzivafikye dzīdudzidze. Mat. 23, 32. 33.
17Neke unefwe, ńe vanisu, tuvwene tupînipalye ulwa ńeńe ulwa kulolana mîho lwene – mutane ukuta ulwa numbula – neke baho tusutidzage pakwangufya ukulolana mîho na mîho nańeńe, pakuva twasukilwe mbando. Lom. 1, 11. 13.
18Dze dzene dze tuka-kelelye ukwadza ukweńo. Unene nde Pavulu nigye lu lulongodzi lula, kangi mbwilye nulwa vuvili neke kangi mbonage atanidze Setano.
19Tuvwene unefwe twitigila: je nani uluhuvilo lwesu nambi uluhekelo lwesu nambi ingêla ja malumbo? Si je ńeńe nda? Ndilonga kwa mutwa visu Jesu, alava ikwe-luka. Fil. 2, 16; 4, 1.
20Tuvwene mwi ndolo dzesu juńe, mwi luhekelo lwesu juńe.
Currently Selected:
1 Tesalonike 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
