1 Kol 5
5
1Vupulise uvugoni vonda umweńu umo, kangi na vu vugoni, vwe vasivudzelye na vapivala, ndilonga lwe mwe umujeńu umudala va dadye.
2Neke uńeńe mukwitu-pika ndesi, je mukali mu-ńŏńŏvalage, pakuta je alulimile ulwene ulu, ahedzwage mugati umweńu.
3Ndivwene unene, je umuvili si kondi uko, umubepo ugo guli uko, unene, je ndili ngita kondi uko, ndidzikĕlye ṅani inôngwa dza munu uju, je alimile idzo; Kol. 2, 5.
4neke lino, ve tulundine pamwinga najuńe numubepo gwangu vuli, pe twihandza na dzi ngufu dza mutwa vesu Jesu, unene nditigila: mwitavwa lya mutwa vesu Jesu, Mat. 16, 19; 18, 18; 2. Kol. 13, 10.
5umunu uju tukumugotola kwa Setano, agwanangage umuvili gwakwe, ukuta umutima gwakwe gwali gupone pakigono kva mutwa. 1. Tim. 1, 20.
6Si lunofu, lwe mukwiginika; musiludzelye ulukuta: uluhâfu ulunaṅi lwihāsa uvugali vonda? Gal. 5, 9.
7Mulufyagilage uluhâfu ulugona, mudzukage vugali uvupya, ndeve muli vadzila-luhâfu. Ndivwene na ka kakolo akesu aka pasa katekilwe, neke je Kilisiti. 1. Pet. 1, 19.
8Kye ndesile nigilage: ikyâka tukoṅane tubihile muluhâfu ulugona nambi muluhâfu ulwa mbîfu nulwa vuhaluka, hamu twimilage vu vudzila-luhâfu uvwa vwêlu nuvwa koluli.
9Ndavandikye muhâte jila ndatigye: mutane ukujwangana navagoni. Mat. 18, 17; 2. Tes. 3, 14.
10Neke lino sindavalongaga nambi avagoni va mu-ńi navanunumu navapŭpi navaginya-minguluvi, pakuva ngali luvahwanile ulwa kuhumila ṅani mu-ńi muno.
11Hamu unene ndivandikye ukuta mutane ukujwangana numunu, je itigila muńa-lukolo, kuno mugoni, kuno mununumu, kuno muginya-minguluvi kuno muligavanu, kuno muńwamuno, kuno mupūpi; ndatigilaga: ngana ve vwali evo, apo na fi filyo mutane ukulilanila nave. 2. Tes. 3, 6; Tit. 3, 10; 2. Joh. 10.
12Tuli vuki nava-pivala neke ve ndivahigage? Lusili-vo hamu ulukuta: uńeńe mukuvahiga ava mugati, Mal. 4. 11.
13neke Nguluvi ihiga avapivala? Neke lino swe mumuhedzage umweńo umuhaluka ujo.
Currently Selected:
1 Kol 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
