1 Kol 3
3
1Neke lino najune, ńe vańa-lukolo, ndalemilwe ukuvalongela ngita vańa-Mubepo, hâ nda, ndavalongelaga ngita vańa-ńama ja muvili. Joh. 16, 12.
2Neke lino ndivagomye li lidziva lyene uńeńe, ndakanile ukuvalisa ifilyo ifikafu; ndavwene mwali mwave mwalemwaga, napo na ji lino mwave mwilemwa. 1. Pet. 2, 2; Heb. 5, 12. 13.
3Ndivwene uńeńe na ji lino muli venda-ńama ja muvili. Ndivwene ngana dzave isinwa, gave namabatuumweńo, apo sindeka na kulonga unene, ukuta muli venda-ńama ja muvili, apo sindeka na kuta imigendele gyeńo gya vunu? 1, 10. 11; 11, 18.
4Ndivwene pe mwa mwitigila: nde jungi ndi mukina-Pavulu, ujungi ndi mukina-Apolo, apo sindeka na kulonga unene, ukuta muli vanu? 1, 12.
5Umwene Apolo ali kiki? Pavulu ali kiki? Tuli valimilavangi hela, avavalimye uńeńe ulufuvo, ndeve atugavye umutwa najula ulwakwe. Apos. 18, 24. 27.
6Unene ndikikogeka, Apolo akikwitilila, neke umuńa-kumedza je Nguluvi. Apos. 18, 4. 11.
7Apo si-vo nambi umuńa-kogeka, nambi umuńa-kwitilila, hâ nda, ju Nguluvi mwene, je imedza.
8Apo kwe kuva na ju muńa-kogeka, na ju muńa-kwitilila vali ńalumwinga hela ve vavīli, valanukila uluhombo lwanavo ve vavīli, valagela-nihidzwa pamalimo ganavo, ge valimaga. 4, 5.
9Ndivwene unefwe twe vańa-kutanga hela amalimo kwa Nguluvi, uńeńe mwi mugunda gwa Nguluvi, mwi ńumba ja Nguluvi. Mat. 13, 3-9; Ef. 2, 20.
10Unene ndigendye mulusungu, lwe amelye umwene, ndalile uvwalo uvwa pasi, nde muvuja, nde muńá-luhala, neke umuńa-kudzenda pavwalo vwangu, je jungi, neke vonda vigelage imidzengele gyanavo, gye vidzenga pavwalo. 15, 10.
11Ndivwene uvwalo uvo, uvwalilwe, je Jesu Kilisiti jujo, ilemwa umunu pakwala uvungi. 1. Pet. 2, 4-6.
12Neke lino fyonda hela, fye vidzengela avanu avwalo uvu, nambi saabu nambi fesa nambi maganga amatalamu nambi mabiki, nde livedzage lisoli nde gavedzage ma-belege,
13apo vonda hela amalimo ganavo galavoneka vudondya, pakuva ikigono kilagakeledza, pakuva fyonda filafwikulilwa mumôto, apo amalimo ga vonda gulagelandza gu môto, ndeve gavelye. 4, 5.
14Neke je alimile amalimo gakwe pavwalo uvu, ngana gananile pakupya, ujo alanukila uluhombo lwakwe.
15Neke ngana amalimo gakwe gapye umôto, ujo ve alivilwe, neke umwene alanana, neke alanana ndavuli je ananile kumôto.
16Uńeńe musiludzelye ukuta muli kyânga kya tembele ja Nguluvi? Musiludzelye ukuta u-Mubepo va Nguluvi ivujila umweńo? 6, 19; 2. Kol 6, 16.
17Umuńa-kwananga ikyânga kya tembele ja Nguluvi, nave u-Nguluvi alamwananga, ndivwene itembele ja Nguluvi endzimike, neke je ńeńe juńe.
18Atane ukwidzanga jungi apeńo. Ngana umujeńo jumwi itigila: ndili nalo uluhala lwa kwen’eńi kuno, apo ujo ipufyage, pakuta adzukage mu-ńa-luhala. v. 3, 17. 18.
19Ndivwene uluhala lwa ńi iji kwa Nguluvi vupuva; ndivwene lolilwe ulwitigila: „avańa-luhala akuvańagidza pavubanga vwanavo.“
20Kangi ulungi lwitigi-la: „umutwa agadzelye amahôdza ga vańa-luhala, ukuta gali hela.“
21Apo humbi atane ukwiginika jungi kuvanu hela; ndivwene fyonda fyeńu juńe.
22Nd’avedzage ju Pavulu, nd’avedzage ju Apolo, nd’avedzage ju Kefa, nde jivedzage ji ńi, nde vuvedzage vu vûmi, nde kuvedzage ku kufwa, nde tuvedzage utwa lino, nde tuvedzage utulava, fyonda hela fyeńu juńe.
23Neke uńeńe mwivelye va Kilisiti neke umwene Kilisiti va ju Nguluvi. 11, 3.
Currently Selected:
1 Kol 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
