1 Kol 15
15
1Neke lino, ńe vańa-lukolo, unene ndikuva-kumbusa ilyevangeli, lye ndavadalikye, nukwanu-kila najuńe mulyanukye, nukwimila lye mwimye,
2ilińa-kuvapoka nuku-vapoka, ngana muli nalyo, ndeve ndavalongye, apo humbi mutigilage mwafuvilwe kijagi hela.
3Pakuva nditalile pakuvalongela dzi dze ndanukye najune idza kuta: Kilisiti afwilye pandzanangifu dzesu, ndeve lugenda pahâte.
4nidza kuta: asililwe nidza kuta: adzulubukye ulwa vudatu, ndeve dzigenda pahâte,
5nidza kuta: amuvonekye u-Kefa neke baho avavonekelage avańikyumi navavili. Luk. 24, 34; Mal. 16, 14.
6Ulwa mbele neke avavonekelage pamwinga navańa-lukolo, avalutye na kumagnna gahanu (500), avangi avo vûmi na ji lino avolofu, neke avangi vatusime itulo dza vufwe.
7Ulwa mbele neke amuvonekelage u-Jakovo, neke pambele kangi avavonekelage av-Apositili vonda hela. Luk. 24, 50.
8Kuvwapulilo vwa vonda ndimuvwene najune, je ndili ngita kâna akatengwike. 9, 1.
9Ndivwene unene ndilutye uvudebe kuv-Apositili vonda, sindivagye nukutambulwa uvwapositili, pakuva ndalufwimaga ulukombeso lwaa Nguluvi. Ef. 3, 8.
10Nde ve vondi nde, ulu lusungu lwa Nguluvi, neke nulusungu, lwe asungukye-ulu, asisungukye lwa hela hamu, pakuva ndivalutye vonda pakulima. Neke lino si je nene, je ndilima, hâ nda, lwe lusungu lwa Nguluvi, lwe ndili nalo. 2. Kol. 11, 6. 23.
11Neke lino nde mbe-dzage je nene, nde vavedzage ve vala, twivonda hela twidalika ndesi unefwe, najuńe mudzifuvililwe ndesi nde.
12Neke lino ulwene ngana Kilisiti idalikwa ukuta adzulubwike kuvafwe, apo vilonga ndavuli apeńo vamwi avitigila: vasidzulubuka avanu kuvafwe?
13Neke ngana avafwe vasidzulubuka ponu, apo humbi na ju Kilisiti asidzulubwike kuvafwe.
14Neke ulwene ngana asidzulubwike Kilisiti, apo ve swe dzili kijagi nindzanga dzesu, apo na lu lufuvo lweńo apo lwa kijagi bela.
15Apo najufwe ve tudzukile volesi va vudesi ku dza Nguluvi, pakuva twikolela idza kudeta kwa Nguluvi idza kuta: amudzulubwise Kilisiti, kuno aslmudzulubwise, nga ndakyene vasidzulubuka avafwe. Apos. 1, 22.
16Ndivwene ngana vasidzulubuka avafwe, apo na ju Kilisiti nave asidzulubwike. 6, 14.
17Neke lino Kilisiti ngana asidzulubwike, apo swe ulufuvo lweńo lwa hela, ve mwave mundzanangifu dzeńo na li lino, v. 14.
18navatusamye mwa Kilisiti. itulo dza vufwe, apo navo nga vanangikye ṅani.
19Ngana u-Kilisiti tuku-muhuvila ve sali tuli pivala apa pene unefwe, apo swe ve tuvalutye vonda avanu ukuva tuli vahula-luko.
20Neke lino u-Kilisiti adzulubwike kuvafwe, ahambwike mulongodzi va vonda, avatusime itulo dza vufwe. 11, 30; Kol. 1, 18.
21Ndivwene ndeve atu-hulye umunu ukufwa, apo lino napakudzulubuka kuvafwe atuhulye ju munu kangi. Lom. 5, 12. 18.
22Ndivwene ndeve va vifwila vonda avanu mwa Adama, kulavedza ndesi nukudzuka vûmi: vondava-ladzusihidzwa vûmi mwa Kilisiti.
23Neke vonda valadzu-lubukila mu mwe avage-lanihidze jumwene. Umulongodzi ju Kilisiti, apo valafudika avakina-Kilisiti, alava ikwadza, v. 20; 1. Tes. 4, 16; Luv. 20, 5.
24apo vwifudika uvwapulilo, pe uvutwa alavutavula kwa Nguluvi, udadye alava atipwe fyonda nuvutwa vonda nuvutemi vonda navańa-ngufu ṅani.
25Ndivwene umwene muńa-kukŏla uvutwa ju mwene „ukufika, pe alava alefehidze avatavangwa vakwe kundzajo dzakwe.“ Mat. 22, 44.
26Umutavangwa uva kutipulwa kuvwapulilo, je kufwa. Luv. 20, 14; 21, 4.
27Ndivwene fyonda atnulefehidze pańi pandza-ho dzakwe neke alava itigila: fyonda ndikulefehi-dze, apo lwivonekela ńani ukuta asidzovilwe umwene jujo, je amulefehidze fyonda.
28Neke lino alava amulefehidze fyonda, apo na ju muswamuve nave alaleva kwa jujo, je amu-lefehidze fyonda, apo u-Nguluvi alavedza jujo ṅani kuvonda.
29Apo navidzabikwa valavahulila kiki avafwe, nga vasidzulubuka ponu avafwe? Humbi vikuvadza-bikililwa kiki (avafwe)?
30Humbi tuli nifwa kiki isala dzonda hela? Lom. 8, 36.
31Unene ndifwa ifigono fyonda, ulu ńe vańa-lukolo ndijigila na pa lwe ndikwiginikila apeńo, lwe ndi nalo mu mwa Jesu Kilisiti, umutwa visu. 2. Kol. 4, 10. 11.
32Ngana ndalwilaga lwa vanu hela, pe ndalwaga nimihambuka mw-Efese, apo ngâ lukumbumbulila kiki? Avafwe ngana vasidzulubuka ndakyene, apo humbi tutigilage: „tulidzage, tuńwedzage, ndivwene kilavo ve tufwe.“
33Mutane ukujagwa ńe vâne, uludzovo uluvîfu lwikwananga imigendele iminofu.
34Mungagālāluka mugolokage neke mukuleke ukwangula inôngwa, ndi-vwene vamwi uńeńe muli lĭga kwa Nguluvi. Idzi ndikuvalongela dza kuva-gegejeka. 6, 5; Lom. 13, 11; Ef. 5, 14; Apos. 26, 8.
35Neke lino ene vuli ujungi ivudza itigila: avafwe valadzulubuka ndavuli? Valahumila muvili gulikwi?
36Ve mupuv’ave, fyonda fye vwimidza, fisidzuka fyûmi, ngâ fisifwe. Joh. 12, 24.
37Neke uveve, kye vwimidza, usimidza gu muvili ugwikŏla mukuvoneka, hâ nda, vwimidza ulubeke ululi hela, nde jivedzage ngano, nde fivedzage fingi hela;
38neke je Nguluvi, je ikufipēla umuvili, ndeve ikela ju mwene, neke dzonda imbeju ikudzipela umuvili najila ugwakwe najila ugwakwe.
39Na ji ńama jisitegine jonda nda, ija munu jili pangi, nińama ja fiṅoko jili pangi nińama ja ndege jili pangi, nińama ja somba jili pangi.
40Na gi mivili nagyo pogili nigya kukyâńa nigya pańi neke nindolo dza mivili gya kukyâńa dzili pangi nidza mivili gya pańi dzili pangi.
41Indolo dza lidzuva dzili pangi nindolo dza mwêdzi dzili pangi nimdolo dza nondwe dzili pangi, ndivwene na dzi nondwe indolo dzadzo dzisutiṅine.
42Ve gili-vo na gi midzulubukile gya vafwe; fimidzwa ifivoîa, fidzulu-buswa ifisivola,
43fimidzwa ifińa-lipu-mba, fidzulubuswa ifińa-ndolo, fimidzwa ifitenda, fidzulubuswa ifińa-ngufu, Fil. 3, 20. 21.
44gwimidzwa umuvili umuńa-mutima, gwidzu-lubuswa umuvili umuńa-mubepo; ngana poguli umuvili umuńa-mutima, apo poguli numuvili umuńa-mubepo,
45ndeve lolilwe ulwitigila: „umunu umulongodzi Adama agavilwe ukuva mutima umûmi.“ Neke umwene Adama uva kwapulila adzukile mubepo ugwihula uvûmi. 2. Kol. 3, 17.
46Neke gusitala umuvili umuńa-mubepo, hâ nda gwitala umuńa-mutima, neke baho gufudikage umuńa-mubepo.
47Umunu utnulongodzi jula ahumile ku-ńi, muńa-muganga, neke umwene uva vuvili umunu ahumile kukyâńa.
48Ndeve agenda umuńa-muganga, ve vovali na vańa-muganga, neke ndeve agenda uva kukyâńa, ve vovali na va kukyâńa;
49ndeve twafwalaga uluhwano lwakwe umuńa-muganga, na ju va kukyâńa nave tulafwala ndesi ulukuluhi lwakwe.
50Dze ndikuvalongela ńe vańa-lukolo, nditigila: ińama ja muvili nidanda filemwa ukuhāla uvutwa vwa Nguluvi, nuvuvofu navo vusihāla uvundzila-vuvofu. 6, 13.
51Lolage unene ndikuvalongela idza kukińele idza kutusamila itulo dza vufwe kwe tusilagonelela twivonda, neke ukuha-mbuswa uko tulahambu-swa twivonda, 1. Tes. 4, 15. 17.
52bahobaho hela, pakutona nuludole, pe jilava jidzova ingalapi ja kuvwapulilo. Ndivwene jiladzova ingalapi, apo vonda avafwe valadzulubuka vandzila-vuvofu, apo swe najufwe tulahambuswa. Mat. 24, 31; 1. Tes. 4, 16.
53Ndivwene akavofu aka kavagye kafwalage uvundzila-vuvofu, na kańa-fwa aka nako kavagye kafwalage uvundzila-kufwa ponu. 2. Kol. 5, 4.
54Neke akavofu aka kalava kafwalile uvudzila vuvofu nakafwe aka ka-lava kafwalile uvudzila-kufwa, apo swe ve lilava lifisile ilidzwi ilyandikwe ilitigila:
55ukufwa kumililwe mulu-teludzo, ve kufwa luli kwi uluteludzo lwako, ve kufwa lulikwi uluvōla lwako?
56Neke uluvōla lwa kufwa dze ndzanangifu neke mwe dzigimbye indzanangifu gye milagililwe. Lom. 7, 13; 6, 14.
57Hongela Nguluvi, je atuteluhidze mwa Kilisiti Jesu, umutwa visu.
58Neke lino ńe vańa-lukolo, ńe vênd’ańe, ikileka mwisimikage kita-ńegasa, mulimage musu-tidzage hela amalimo ga mutwa mbêpali, mulukagulage ukuta tusigimba kijagi, pe twilimila mwa mutwa.
Currently Selected:
1 Kol 15: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
