2 VAKORINTO 13
13
Machundwe he kukusha kweneza
1Iki ni ka katatu neraza henyu. He myomo ya vaonwa veri kana vatatu, kila mburi inekoneshwa. 2Nerongemuvwira, na sa vuntu nekiho henyu ka keri, nire huvo hata iki nesiwaho, nivavwira boo vala veketie mabanu too aho, hata vangi vose, iti nekiza sikakete mbonea; 3ni hala mweenda kumkonesha Kristo, eye eteta ndeni hemi, naye esi msoka henyu, mira ye ena nzinya ndeni he unywi. 4Ambu evambiwe he msalaba kwa vusoka, mira ekalama kwa nzinya ya Mrungu. Ambu na uswi tu vasoka heye; mira tunekalama hamwe naye kwa nzinya ya Mrungu yeho henyu. 5Kughesheni venye iti muho he mwitikijo; kukonesheni venye. Kana temukumanyije venye iti Yesu Kristo eho ndeni he unywi? Esikakicha mwetesuwa. 6Mira nina ikuji iti munemanya kuti uswi tetusuiwe. 7Na uswi tumsemba Mrungu musihire kivivi chochose; si iti uswi tuvoneke iti twekundiwe, mira unywi muronge kila e chedi, nziaho uswi tweikee sa vesuiwe. 8Ambu tetuidima kuronga kintu chochose chetekane na idi, esire he vuntu vwa idi. 9Ambu tuizihirwa nziaho uswi tu vasoka, na unywi mwekiketa nzinya. Kangi tuomba na icho iti muoke vekoloke. 10Heicho, niandika ivi nesiwaho, nesa aho nekiza nisikete vukai kiringanyo cha ila nzinya neinkiwe ni Mfumwa, he kujenga, neri si kugomoa.
Msirikijo
11Chekenjija, vandughu, izihirwani; harehikeni, chundaneni, gwiani hamwe, ikaani he mporere. Na Mrungu wa lukundo na mporere eneikaa na unywi. 12Kezyaneni na kubwitana kwezeirire. 13Vezerire vose vemukezya.
14Mbonea ya Mfumwa Yesu Kristo, na lukundo lwa Mrungu, na vumwe vwa Mpeho Wedi, viikae na unywi vose.
Currently Selected:
2 VAKORINTO 13: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
