1 VAKORINTO 8
8
Vwasi vwa matasi a Vakiisanga
1He mburi ya vintu vyetasiwe mirungu; twemanyije iti uswi vose tuna icha. Icha liete kukubaa, mira lukundo lujenga. 2Mntu ekiti emanyije kintu, tenacho anamanya neri, sa vuntu chemtara kumanya. 3Mira mntu ekimkunda Mrungu uo emanyike heye. 4He mburi ya kula vila vyetasiwe mirungu, twemanyije iti mirungu si kintu he ii si, kangi iti tehena Mrungu ungi esire mmwe du. 5Ambu, nziaho hena veitangwa mirungu, kana uko wanga, kana he ii si, sa vuntu hena mirungu mijinki na vafumwa vajinki; 6mira hetu uswi Mrungu ni mmwe, eye Vava, eye vintu vyose vyefumie hakwe na uswi tuikaa hakwe; hena na Mfumwa mmwe, Yesu Kristo, eye hakwe vintu vyose vyeokie, na uswi ture vakwe uo.
Kukurinda vuntu vwa vala vena ngoro jeshokere
7Mira uko kumanya tekuho he vantu vose; esire va kumwe kila vemanyere mirungu, hata iki, verala sa iti ni kintu chetasiwe mirungu; na izii lavo uko he ngoro, kila eisoka vejirajwa. 8Mira kijo tekitufisha mozya he Mrungu; ambu twekisala tetuduishijwa kintu, neri twekila tetuongejijwa kintu. 9Mira rerehishani uko kuidima kwenyu kusirevakuvaja vala e vasoka. 10Ambu mntu ekikuvona we wemanyije, weikae si he chala ndeni ya nyumba ya mirungu, hama idunganyo la uo mntu kwa kuti ni msoka telikamwidimije hata ye akala vila vyetasie miringu? 11Aho ula e msoka eteshwa ni kumanya kwako, naye ni mndughu Kristo emfwiie. 12Huvo mwekivabania vandughu venyu na kugera vionda he madunganyo avo e masoka, mum’bania Kristo. 13Heicho kakicha kijo kimkuvaja mndughu wangu, cha idi sikale nyama narini, nesa nisiremkuvaja mndughu wangu.
Currently Selected:
1 VAKORINTO 8: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
1 VAKORINTO 8
8
Vwasi vwa matasi a Vakiisanga
1He mburi ya vintu vyetasiwe mirungu; twemanyije iti uswi vose tuna icha. Icha liete kukubaa, mira lukundo lujenga. 2Mntu ekiti emanyije kintu, tenacho anamanya neri, sa vuntu chemtara kumanya. 3Mira mntu ekimkunda Mrungu uo emanyike heye. 4He mburi ya kula vila vyetasiwe mirungu, twemanyije iti mirungu si kintu he ii si, kangi iti tehena Mrungu ungi esire mmwe du. 5Ambu, nziaho hena veitangwa mirungu, kana uko wanga, kana he ii si, sa vuntu hena mirungu mijinki na vafumwa vajinki; 6mira hetu uswi Mrungu ni mmwe, eye Vava, eye vintu vyose vyefumie hakwe na uswi tuikaa hakwe; hena na Mfumwa mmwe, Yesu Kristo, eye hakwe vintu vyose vyeokie, na uswi ture vakwe uo.
Kukurinda vuntu vwa vala vena ngoro jeshokere
7Mira uko kumanya tekuho he vantu vose; esire va kumwe kila vemanyere mirungu, hata iki, verala sa iti ni kintu chetasiwe mirungu; na izii lavo uko he ngoro, kila eisoka vejirajwa. 8Mira kijo tekitufisha mozya he Mrungu; ambu twekisala tetuduishijwa kintu, neri twekila tetuongejijwa kintu. 9Mira rerehishani uko kuidima kwenyu kusirevakuvaja vala e vasoka. 10Ambu mntu ekikuvona we wemanyije, weikae si he chala ndeni ya nyumba ya mirungu, hama idunganyo la uo mntu kwa kuti ni msoka telikamwidimije hata ye akala vila vyetasie miringu? 11Aho ula e msoka eteshwa ni kumanya kwako, naye ni mndughu Kristo emfwiie. 12Huvo mwekivabania vandughu venyu na kugera vionda he madunganyo avo e masoka, mum’bania Kristo. 13Heicho kakicha kijo kimkuvaja mndughu wangu, cha idi sikale nyama narini, nesa nisiremkuvaja mndughu wangu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.