1 VAKORINTO 7
7
Vwasi vwa unyumba, vugharo na kushighana
1Heicho, he mburi jila mweniandikie, ni chedi mntu wa kiume asikunte mntu wa kiche. 2Mira he vuntu vwa kushinda, kila mntu wa kiume nakete mche wakwe mwenye, na kila mntu wa kiche akete mme wakwe mwenye. 3Mme amunke mche wakwe kila chemtara, nirehuvo, na mche naye amunke mme wakwe kila chemtara. 4Mche teidima kutetia mwiri wakwe ye mwenye, esire mme wakwe; nirehuvo, mme teidima kutetia mwiri wakwe mwenye, esire mche wakwe. 5Musiimane, esire mwekiteaghana igheri, nesa muvone kapengere ka kuombia, munaziane wa, nesa Shetani asimugheshe, kwa kusaketa kiringanyo kwenyu. 6Mira niteta huvo kwa mburi yangu mwenye, si iamoro. 7Mira cho nekunda ni iti vantu vose vaikae sa vuntu mi neikee; mira kila mntu ena kiinkwa chakwe mwenye chefuma ha Mrungu, uu kivungi na uu kivungi.
8Mira nivavwira vala vesinaghuhana, na vala vefwiiwe ni vome iti ni keba vaikae sami. 9Mira kakicha teveidima kukukinda, navaghuhane; ambu ni keba kughuhana kukela kumotoka.
10Mira vala veghuhane nivaazera; neri si mi mira ni Mfumwa; mche asitane na mghosiwe; 11kakicha etana naye aikae asireghuhwe, kana ahundukiane na mghosiwe; kangi mme asimshighe mche wakwe.
12Mira vala vangi nivavwira mi, si Mfumwa; iti kakicha hena mndughu ena mche esiitikije, na uo mche ekunda kuikaa naye, asimshighe; 13na mche ena mme asiitikije, na uo mme ekunda kuikaa naye, asimshighe mghosiwe. 14Ambu mme esiitikije ezerijwa he mche wakwe; na mche esiitikije ezerijwa he mme wakwe; nanga seki huvo vana venyu vesekizerire, mira iki vezerire. 15Mira ula esiitikije ekighotoka, naghotoke! Aho mndughu wa kiume kana wa kiche tena cho chemchunga. Mira Mrungu etuitangie mporere. 16Ambu, we mche, umanya ze iti unemkija mghosio? kana we mme, umanya ze iti unemkija mche wako? 17Mira sa vuntu Mfumwa emghavie kila mntu, na vuntu Mrungu emwitange kila mntu, naretonga huvo. Nivwo vuntu neazera he makanisa ose. 18Kakicha mntu eitangwe anatavanwa, asikughoshe sa esitavanwe. Mntu msiku eitangwe esinatavanwa, asitavanwe. 19Kutavanwa si kintu, na kusatavanwa si kintu; esire kugurisha maazero a Mrungu. 20Kila mntu aikae sa vuntu eikee hala ekiitangwa. 21Kakicha weitangwe we mzoro, usidunkunyike, mira wekiidima kukukombola, ukukombole. 22Ambu ula eitangwe he Mfumwa e mzoro ni nkombolwa wa Mfumwa. Nirehuvo na ula eitangwe e nkombolwa, ni mzoro wakwe Kristo. 23Mwezorirwe na zora mbaha; musioke vazoro va mntu. 24Vandughu vangu, kila mntu aikae mozya he Mrungu vuntu eikee hala ekiitangwa.
25He mburi ya vabora, sina iazero la Mfumwa; mira niteta mivonire yangu, vuntu nefwiiwe mbonea ni Mfumwa kuoka mkitengo. 26Heicho niti si chedi, vuntu vwa vwasi vwewaha, ni chedi mntu aikae vuntu eikee. 27Kakicha wechunganywe na mche, usiende kuchunguiwa. Kakicha wechunguwe he mche, usiende mche. 28Mira kakicha waghuha, tuna nzune, na m’bora ekighuhwa tena nzune; mira vantu avo venevona mavwasi he mwiri, nami nienda kuvakania he ivyo. 29Mira vandughu, niti huvu, igheri leshele si ieza; kuvokia iki vala vena vache vaikae sa vesina; 30na vala veia sa vesiia, vala veizihirwa sa vesiizihirwa, vala vezora sa vesina kintu. 31Na vala velia ii si, sa vesiilia mno, ambu vintu vya si ii vivecha. 32Mira nienda iti musile vwasi. Ula esighuhie ekubinusha na mburi ja Mfumwa, vuntu enemwizihija Mfumwa; 33ula eghuhie ekubinusha na mburi ja ii si, vuntu enemwizihija mche wakwe. 34Kangi mche na m’bora vetekane. Ula esighuhiwe ekubinusha na mburi ja Mfumwa, nesa aoke ezerire he mwiri na ngoro. Mira ula eghuhiwe, ekubinusha na mburi ja ii si, vuntu enemwizihija mghosiwe. 35Niteta ivyo nesa nimumazie; si iti nimuvikie kitende, esire iti ni vuntu vwa vila vyeizihija, kangi iti muidime kumrongia Mfumwa ndima, mwesijutwa ni vintu vingi. 36Mira kakicha hena mntu evona iti temrongia mwana wakwe wa kibora chedi, naye akenja kuvecha vwedi vwa vubora vwakwe, naye eenda, naronge sa vuntu ekunda, tebana, navakundije vaghuhane. 37Mira ula edindie he ngoro yakwe, tesingirijwa, mira eidima kutetia kikundire chakwe, kangi erekere he ngoro yakwe kumrinda mwanawe, eketa chedi. 38Heicho emwovoja mwana wakwe eketa chedi, na ula esimwovoja eketa chedi kukela.
39Mche marongo ose mghosiwe ereho echungiwe, mira mghosiwe ekifwa, achunguwa; kive kughuhwa ni kila mntu emwenda, mira he Mfumwa du. 40Mira chedi kukela ni kuikaa huvo; nivwo vuntu mi nevona nami nidunganya iti nina Mpeho wa Mrungu.
Currently Selected:
1 VAKORINTO 7: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
1 VAKORINTO 7
7
Vwasi vwa unyumba, vugharo na kushighana
1Heicho, he mburi jila mweniandikie, ni chedi mntu wa kiume asikunte mntu wa kiche. 2Mira he vuntu vwa kushinda, kila mntu wa kiume nakete mche wakwe mwenye, na kila mntu wa kiche akete mme wakwe mwenye. 3Mme amunke mche wakwe kila chemtara, nirehuvo, na mche naye amunke mme wakwe kila chemtara. 4Mche teidima kutetia mwiri wakwe ye mwenye, esire mme wakwe; nirehuvo, mme teidima kutetia mwiri wakwe mwenye, esire mche wakwe. 5Musiimane, esire mwekiteaghana igheri, nesa muvone kapengere ka kuombia, munaziane wa, nesa Shetani asimugheshe, kwa kusaketa kiringanyo kwenyu. 6Mira niteta huvo kwa mburi yangu mwenye, si iamoro. 7Mira cho nekunda ni iti vantu vose vaikae sa vuntu mi neikee; mira kila mntu ena kiinkwa chakwe mwenye chefuma ha Mrungu, uu kivungi na uu kivungi.
8Mira nivavwira vala vesinaghuhana, na vala vefwiiwe ni vome iti ni keba vaikae sami. 9Mira kakicha teveidima kukukinda, navaghuhane; ambu ni keba kughuhana kukela kumotoka.
10Mira vala veghuhane nivaazera; neri si mi mira ni Mfumwa; mche asitane na mghosiwe; 11kakicha etana naye aikae asireghuhwe, kana ahundukiane na mghosiwe; kangi mme asimshighe mche wakwe.
12Mira vala vangi nivavwira mi, si Mfumwa; iti kakicha hena mndughu ena mche esiitikije, na uo mche ekunda kuikaa naye, asimshighe; 13na mche ena mme asiitikije, na uo mme ekunda kuikaa naye, asimshighe mghosiwe. 14Ambu mme esiitikije ezerijwa he mche wakwe; na mche esiitikije ezerijwa he mme wakwe; nanga seki huvo vana venyu vesekizerire, mira iki vezerire. 15Mira ula esiitikije ekighotoka, naghotoke! Aho mndughu wa kiume kana wa kiche tena cho chemchunga. Mira Mrungu etuitangie mporere. 16Ambu, we mche, umanya ze iti unemkija mghosio? kana we mme, umanya ze iti unemkija mche wako? 17Mira sa vuntu Mfumwa emghavie kila mntu, na vuntu Mrungu emwitange kila mntu, naretonga huvo. Nivwo vuntu neazera he makanisa ose. 18Kakicha mntu eitangwe anatavanwa, asikughoshe sa esitavanwe. Mntu msiku eitangwe esinatavanwa, asitavanwe. 19Kutavanwa si kintu, na kusatavanwa si kintu; esire kugurisha maazero a Mrungu. 20Kila mntu aikae sa vuntu eikee hala ekiitangwa. 21Kakicha weitangwe we mzoro, usidunkunyike, mira wekiidima kukukombola, ukukombole. 22Ambu ula eitangwe he Mfumwa e mzoro ni nkombolwa wa Mfumwa. Nirehuvo na ula eitangwe e nkombolwa, ni mzoro wakwe Kristo. 23Mwezorirwe na zora mbaha; musioke vazoro va mntu. 24Vandughu vangu, kila mntu aikae mozya he Mrungu vuntu eikee hala ekiitangwa.
25He mburi ya vabora, sina iazero la Mfumwa; mira niteta mivonire yangu, vuntu nefwiiwe mbonea ni Mfumwa kuoka mkitengo. 26Heicho niti si chedi, vuntu vwa vwasi vwewaha, ni chedi mntu aikae vuntu eikee. 27Kakicha wechunganywe na mche, usiende kuchunguiwa. Kakicha wechunguwe he mche, usiende mche. 28Mira kakicha waghuha, tuna nzune, na m’bora ekighuhwa tena nzune; mira vantu avo venevona mavwasi he mwiri, nami nienda kuvakania he ivyo. 29Mira vandughu, niti huvu, igheri leshele si ieza; kuvokia iki vala vena vache vaikae sa vesina; 30na vala veia sa vesiia, vala veizihirwa sa vesiizihirwa, vala vezora sa vesina kintu. 31Na vala velia ii si, sa vesiilia mno, ambu vintu vya si ii vivecha. 32Mira nienda iti musile vwasi. Ula esighuhie ekubinusha na mburi ja Mfumwa, vuntu enemwizihija Mfumwa; 33ula eghuhie ekubinusha na mburi ja ii si, vuntu enemwizihija mche wakwe. 34Kangi mche na m’bora vetekane. Ula esighuhiwe ekubinusha na mburi ja Mfumwa, nesa aoke ezerire he mwiri na ngoro. Mira ula eghuhiwe, ekubinusha na mburi ja ii si, vuntu enemwizihija mghosiwe. 35Niteta ivyo nesa nimumazie; si iti nimuvikie kitende, esire iti ni vuntu vwa vila vyeizihija, kangi iti muidime kumrongia Mfumwa ndima, mwesijutwa ni vintu vingi. 36Mira kakicha hena mntu evona iti temrongia mwana wakwe wa kibora chedi, naye akenja kuvecha vwedi vwa vubora vwakwe, naye eenda, naronge sa vuntu ekunda, tebana, navakundije vaghuhane. 37Mira ula edindie he ngoro yakwe, tesingirijwa, mira eidima kutetia kikundire chakwe, kangi erekere he ngoro yakwe kumrinda mwanawe, eketa chedi. 38Heicho emwovoja mwana wakwe eketa chedi, na ula esimwovoja eketa chedi kukela.
39Mche marongo ose mghosiwe ereho echungiwe, mira mghosiwe ekifwa, achunguwa; kive kughuhwa ni kila mntu emwenda, mira he Mfumwa du. 40Mira chedi kukela ni kuikaa huvo; nivwo vuntu mi nevona nami nidunganya iti nina Mpeho wa Mrungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.