Sofonii 2
2
Màámi fɔ̀ɔlɔ yerile kéele
1Ye yeyɛɛ gbóʔoro yé sɔ̀ngi ye wéle,
fɛ̀ɛfɔn-syɛɛnfelege,
2sáni kajoo-mí-cerili í pàlá pan lè,
sáni cángi bee í ba sɔ̀lɔ àmɛɛ sùweʔe nyɛ lè,
sáni Yawe fundanʔari káfugbanga í ba too yele na lè,
sáni Yawe fundanʔari canʔa í ba nan yele na lè!
3Yele bele myɛ ye nyɛ lè màámi fɔ̀ɔlɔ tári na, yaa Yawe caa,
yele bele ye táanri wi kajoogèle na lè!
Yaa sínni caa, yaa màabyeri caa!
Dɔ̀ʔɔ́ yele a ba taa syɔɔ Yawe fundanʔari canʔa na.
Joogbanna, canʔajeemɛ syɛɛnfeleyi kánma na
4 #
Eza 14:29-31; Zyer 47:1-7; Ezek 25:15-17; Zyow 4:4-8; Am 1:6-8; Zak 9:5-7 Níì cán pe a ba foo Gaza na,
Asikalɔn a ba kàri tɛɛ̀kalagiga,
Asidɔdi a ba nɛnɛ núngo yaà cânvulɛɛlɛ na,
Ekurɔn a ba kíle kɔ́n.
5Wɔʔɔli a pye syɛ́ɛnbèle na be nyɛ lè wodɛ́ɛnbéle ní sólomi lɔ̀ʔɔ nyɔ́ɔ na,
gee bee n jo Kerɛti ye syɛɛnfelegi na.
Kanaan, mɔ wi lè Filisitini ye tári,
Yawe syɛ́ɛnri di nyɛ dee mɔ kánmi na:
«Mii a mɔ kálagi, syɛ̀ɛnnɛ a ní pye mɔ ni í.»
6Sólomi lɔ̀ʔɔ nyɔ́ɔ a pye yaweenaʔa-tɛ́ɛyɛ,
bi pye tɛɛkòroyo bànaʔabèle ma,
ní tɛɛsùluyo bǎbèle ma.
7Solomɔ lònyɔɔw bee a pye Zyuda kpáagi wozanbèlē wóo.
Nɛɛ bee pe a ra be yaweeri nàʔá.
Cángi ga kwɔ́ɔ Asikalɔn kpáayi a pye be tɛɛ̀syɔɔnyi.
Níì cán Yawe be Kolocɔlɔw a kacànna pye be na,
si be yirige púlori ni.
Joogbanna, canʔafolomɔ syɛɛnfeleyi kánma na
8 #
Eza 15:1—16:14; 25:10-12; Zyer 48:1—49:6; Ezek 21:33-37; 25:1-7; Am 1:13-15 «Mii n Mowabi ye tɛʔɛlɛyi lóʔo,
ní Kolocɔlɔɔ mɛ́ɛkalagiri syɛ́ɛnrɛ Amɔn ye joo lè
n mii syɛ́ɛnbèle faʔa,
níì yìri pe tári láʔagoloyo kánma na.»
9 #
Sél 19:24
Yawe, Isirayɛli ye Kolocɔlɔw wi lè Nyɛ̀ʔɛni Sùlasiibéle Kafɔlɔ, wi n jo:
«Koro na mii woweew mɛ́ʔɛ na,
Mowabi a ba pye àmɛɛ Sodɔmi nyɛ lè,
Amɔn ye si pye àmɛɛ Gomɔri nyɛ lè, bi pye tɛɛgaa,
gee nyàápeegi a tɔ́n lè, ní solomɔ tɛɛwòlogo,
ní tɛɛ̀kalagiga, bi kòro nya làla o làla.
Mii syɛ́ɛnbèle be kòro lè,
poro a ba be fuguri,
mii syɛɛnfelegi wozanbèlē pe a pye beè lè,
poro a ba be taa kɔrigɔ.»
10Gee bee a pye be na pe nɛ̀ɛnyɛnɛgi kéele na,
níì cán pe n faʔara wáa Nyɛ̀ʔɛni Sùlasiibéle Kafɔlɔ Yawe syɛ́ɛnbèle na ní wɔ́ɔ̀ yìri be kurugo.
11Yawe a pye fyáara yáriga be ma,
níì cán wi a tári kolocɔlɔbèlē myɛ kálagi bi yirige yaà.
Lǒgi nínge tátɛɛgéle syɛɛnfeleye myɛ a ra tíri da tuun wi yɛʔɛ̀ ma,
yi myɛ nibin nibin, yi tarà ni.
Joogbanna, wòrogulo ní solomɔkulo syɛɛnfeleyi kánma na
12 #
Eza 18:1-7
«Yele Etyopii ye wɔ́ɔgēle,
mii ŋɔséew a yele súu kpóo.»
13 #
Eza 10:5-34; 14:24-27; Nah 1:1—3:19 Wi a wi kɔ́gi sánʔa solomɔkulo kàbangi kánma na,
wi a Asirii kálagi, wi a Niniivi pye tɛɛ̀kalagiga,
bi gi pye lɔ̀ʔɔ fun tára àmɛɛ fìími tára nyɛ lè.
14Yaweeri gboogéle a ra sìnɛ́ wi níngi ni,
n fàra yaweeri féleye myɛ na.
Alí zangbuloweʔe, ní kéremisyoolo
a ra syɔ̀ɔ́n wi gàángèle ǹjoyo yataʔaya nínge ni.
Fúlomɔ a ra yirigi fɛ̀nɛtiribèle ni.
Kálagili a pye kpaaweeli na,
níì cán sɛdiri tíiri yatɔnrɔ a láʔa yaà.
15Fundaanri kàʔa si gi gee,
koro gee ki da tɛ́ɛn lè sági yɛɛ̀nyinge na
ní i gi nyuu kiyɛɛ fúngi ni níì jo:
«Mii tɔ̀nɔ́gēle, yafyɛn ní o beè mii kàdoʔo ma í!»
Acaa! Ki si n baa pye gee tɛɛ̀kalagiga,
ki n pye yaweeri tɛɛkòrogo!
Bele myɛ be sɔ̀lɔ́ gi taana lè,
pe i féfeegèle wíi ní i kɔ́yi yìrigí.
Currently Selected:
Sofonii 2: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Sofonii 2
2
Màámi fɔ̀ɔlɔ yerile kéele
1Ye yeyɛɛ gbóʔoro yé sɔ̀ngi ye wéle,
fɛ̀ɛfɔn-syɛɛnfelege,
2sáni kajoo-mí-cerili í pàlá pan lè,
sáni cángi bee í ba sɔ̀lɔ àmɛɛ sùweʔe nyɛ lè,
sáni Yawe fundanʔari káfugbanga í ba too yele na lè,
sáni Yawe fundanʔari canʔa í ba nan yele na lè!
3Yele bele myɛ ye nyɛ lè màámi fɔ̀ɔlɔ tári na, yaa Yawe caa,
yele bele ye táanri wi kajoogèle na lè!
Yaa sínni caa, yaa màabyeri caa!
Dɔ̀ʔɔ́ yele a ba taa syɔɔ Yawe fundanʔari canʔa na.
Joogbanna, canʔajeemɛ syɛɛnfeleyi kánma na
4 #
Eza 14:29-31; Zyer 47:1-7; Ezek 25:15-17; Zyow 4:4-8; Am 1:6-8; Zak 9:5-7 Níì cán pe a ba foo Gaza na,
Asikalɔn a ba kàri tɛɛ̀kalagiga,
Asidɔdi a ba nɛnɛ núngo yaà cânvulɛɛlɛ na,
Ekurɔn a ba kíle kɔ́n.
5Wɔʔɔli a pye syɛ́ɛnbèle na be nyɛ lè wodɛ́ɛnbéle ní sólomi lɔ̀ʔɔ nyɔ́ɔ na,
gee bee n jo Kerɛti ye syɛɛnfelegi na.
Kanaan, mɔ wi lè Filisitini ye tári,
Yawe syɛ́ɛnri di nyɛ dee mɔ kánmi na:
«Mii a mɔ kálagi, syɛ̀ɛnnɛ a ní pye mɔ ni í.»
6Sólomi lɔ̀ʔɔ nyɔ́ɔ a pye yaweenaʔa-tɛ́ɛyɛ,
bi pye tɛɛkòroyo bànaʔabèle ma,
ní tɛɛsùluyo bǎbèle ma.
7Solomɔ lònyɔɔw bee a pye Zyuda kpáagi wozanbèlē wóo.
Nɛɛ bee pe a ra be yaweeri nàʔá.
Cángi ga kwɔ́ɔ Asikalɔn kpáayi a pye be tɛɛ̀syɔɔnyi.
Níì cán Yawe be Kolocɔlɔw a kacànna pye be na,
si be yirige púlori ni.
Joogbanna, canʔafolomɔ syɛɛnfeleyi kánma na
8 #
Eza 15:1—16:14; 25:10-12; Zyer 48:1—49:6; Ezek 21:33-37; 25:1-7; Am 1:13-15 «Mii n Mowabi ye tɛʔɛlɛyi lóʔo,
ní Kolocɔlɔɔ mɛ́ɛkalagiri syɛ́ɛnrɛ Amɔn ye joo lè
n mii syɛ́ɛnbèle faʔa,
níì yìri pe tári láʔagoloyo kánma na.»
9 #
Sél 19:24
Yawe, Isirayɛli ye Kolocɔlɔw wi lè Nyɛ̀ʔɛni Sùlasiibéle Kafɔlɔ, wi n jo:
«Koro na mii woweew mɛ́ʔɛ na,
Mowabi a ba pye àmɛɛ Sodɔmi nyɛ lè,
Amɔn ye si pye àmɛɛ Gomɔri nyɛ lè, bi pye tɛɛgaa,
gee nyàápeegi a tɔ́n lè, ní solomɔ tɛɛwòlogo,
ní tɛɛ̀kalagiga, bi kòro nya làla o làla.
Mii syɛ́ɛnbèle be kòro lè,
poro a ba be fuguri,
mii syɛɛnfelegi wozanbèlē pe a pye beè lè,
poro a ba be taa kɔrigɔ.»
10Gee bee a pye be na pe nɛ̀ɛnyɛnɛgi kéele na,
níì cán pe n faʔara wáa Nyɛ̀ʔɛni Sùlasiibéle Kafɔlɔ Yawe syɛ́ɛnbèle na ní wɔ́ɔ̀ yìri be kurugo.
11Yawe a pye fyáara yáriga be ma,
níì cán wi a tári kolocɔlɔbèlē myɛ kálagi bi yirige yaà.
Lǒgi nínge tátɛɛgéle syɛɛnfeleye myɛ a ra tíri da tuun wi yɛʔɛ̀ ma,
yi myɛ nibin nibin, yi tarà ni.
Joogbanna, wòrogulo ní solomɔkulo syɛɛnfeleyi kánma na
12 #
Eza 18:1-7
«Yele Etyopii ye wɔ́ɔgēle,
mii ŋɔséew a yele súu kpóo.»
13 #
Eza 10:5-34; 14:24-27; Nah 1:1—3:19 Wi a wi kɔ́gi sánʔa solomɔkulo kàbangi kánma na,
wi a Asirii kálagi, wi a Niniivi pye tɛɛ̀kalagiga,
bi gi pye lɔ̀ʔɔ fun tára àmɛɛ fìími tára nyɛ lè.
14Yaweeri gboogéle a ra sìnɛ́ wi níngi ni,
n fàra yaweeri féleye myɛ na.
Alí zangbuloweʔe, ní kéremisyoolo
a ra syɔ̀ɔ́n wi gàángèle ǹjoyo yataʔaya nínge ni.
Fúlomɔ a ra yirigi fɛ̀nɛtiribèle ni.
Kálagili a pye kpaaweeli na,
níì cán sɛdiri tíiri yatɔnrɔ a láʔa yaà.
15Fundaanri kàʔa si gi gee,
koro gee ki da tɛ́ɛn lè sági yɛɛ̀nyinge na
ní i gi nyuu kiyɛɛ fúngi ni níì jo:
«Mii tɔ̀nɔ́gēle, yafyɛn ní o beè mii kàdoʔo ma í!»
Acaa! Ki si n baa pye gee tɛɛ̀kalagiga,
ki n pye yaweeri tɛɛkòrogo!
Bele myɛ be sɔ̀lɔ́ gi taana lè,
pe i féfeegèle wíi ní i kɔ́yi yìrigí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.