Sofonii 1
1
1 #
2Fàn 22:1—23:30; 2Cán 34:1—35:27 Yawe syɛ́ɛnri di nan Kusyii jáaw Sofonii na lè, Kusyii wi lè Gedaliya jáaw, Gedaliya wi lè Amariya jáaw, Amariya wi lè Ezekyasi jáaw, koro n pye Zyuda fànʔafɔw Zyozyasi fǎngi làla ni wi lè Amɔn jáaw.
Kolocɔlɔɔ a keele tɛ́ʔɛ tápow na
2Yawe n jo:
«Mii a yáriri myɛ kwɔ́ɔ bi láʔa tásaligi na.
3Mii a syɛ́ɛnbèle ní yaweeri kwɔ́ɔ bi láʔa yaà,
mii a nyɛ̀ʔɛni féjɛɛnrɛ
ní sólomi lɔ̀ʔɔ fàala kwɔ́ɔ bi láʔa yaà,
ní kérigèle ge syɔɔn pùuní lè,
bi koro ní syɛɛnpeebèle kwɔ́ɔ bi láʔa yaà,
mii a syɔɔn ye kwɔ́ɔ bi láʔa yaà tásaligi na,»
Yawe wi jo nya.
Kolocɔlɔɔ a keele tɛ́ʔɛ Zyuda ní Zyerusalɛmi na
4«Mii a mii kɔ́gi sánʔa bi taʔa Zyuda
ní Zyerusalɛmi ye myɛw na.
Baali wóbèle be kòro lè mii a be kálagi bi yirige tɛ́ɛgi naa ni,
sejeebèle be báara wi ma lè poro mɛ́ɛgi n fàra sáriga-wòbèle na,
5ní bele be tuun nyɛ̀ʔɛni ŋɔripiigéle yɛ́ʔɛ ma
kpáayi ǹjoyo ni lè,
ní bele be tíri ni tuun ní i kɛ̀ɛ́ Yawe na lè,
ní wɔ́ɔ i kɛ̀ɛ́ Milikɔmi na lè,
6ní bele be lúru Yawe kurugo lè,
ní bele be lè pe o Yawe caa í,
pe si wɔ́ɔ o wi yíbe í.
7Ye kòro pyèrio Kàfɔw Yawe
yɛ́ʔɛ ma!
Níì cán Yawe cángi n nùuni,
Yawe n tɔ̀nɔ n sárigaw sámaga,
wi n wi woyeribèle sámaga n yaʔa wiyɛɛ ma kɔlɔ̀ na.»
8Yawe n jo:
«Mii sárigaw canʔa na,
mii a keele tɛ́ʔɛ syɛɛnkpolobèle ní fànʔafɔw jàala na,
ní bele myɛ na be yalenibɔnri nii lè.
9Cángi bee na bele myɛ be yegi ni kpaaweegèle kána lè,
ní bele pe be Kàfɔw kpaʔa nyìngí péemi,
ní námaraw na lè, mii a keele tɛ́ʔɛ be na.
10Cángi bee na yákpowáara a ra lúro yaà
Fábèle kpàánweele ma,
Yawe wi jo nya,
sùpiire a ra lúro yaà kèyabifɔngi ma,
kálagigbɔɔlɔ tinmɛ a ra lúro yaà dǎndamayi na.
11Yele Makitɛsyi ye, yaa sùpiiri wáa,
níì cán Kanaan syɛ́ɛnbèle#1:11 Kanaan syɛ́ɛnbèle: Mɔ ga lóʔo tɛ́ɛgi naa ni Kanaan syɛ́ɛnbèle, jàgiwáabèle na be nyɛ. myɛ n kwɔ́ɔ gi ni,
nǎnbèle bele má wálifiiw fáli kàlifáa lè,
pe a kwɔ́ɔ bi yirige yaà.
12Lǎli bee ni mii a Zyerusalɛmi fuguri bi màʔa ní fètingéle ní,
mii a keele tɛ́ʔɛ bele na be tìgi n tɛ́ɛn be sindɛɛgi na lè
ní i gi nyuu be fúnyi ni níì jo:
‹Yawe o kacànga wàlá kapeʔe kpéʔele í.›
13Pe lɔ́ri a fuguri láa,
pe kpáayi a kòro wowaaya ní.
Pe a kpaaya faan, pe si a tɛ́ɛn yi ni í,
pe a ɛrɛzɛn tírire cɔ́rɔ,
pe si a gbaa di dùvɛɛnw na í.
Yawe cángi kéele
14«Yawe cângbɔɔgi n nùuni,
ki n nùuni, ki i maa kelekele.
Nànniriw a ra yákpobɛnʔɛ wáa
Yawe cángi tìnmɛ kéele na.
15Cángi bee i nyɛ fundanʔagbɔɔrɔ canʔa,
ní wɔʔɔgɔ, ní funjurugoro canʔa,
kálagila, ní kálagigbɔɔlɔ canʔa gii,
yébilimɛ ní yébiliwɔɔlɔ canʔa gii,
nyɛ̀ʔɛwɔɔlɔ ní nìgolowirige canʔa gii.
16Tòmaʔa wiile canʔa,
ní kapɛɛnnɛ sùpiiwáara canʔa gii,
kèniriyi, ní jɛ̀ɛ́ngèle kpaataʔa-tɔ́nɔyɔ kánma na.
17Mii a syɔɔn ye le wɔʔɔgi ni,
pe a ra táanri àmɛɛ fúunbéle nyɛ lè,
níì cán pe n kapeele pye Yawe na.
Mii a be sìsyaanw wo àmɛɛ támiige nyɛ lè,
pe céri a pye kànyaʔara.
18Pe wálifiiw yoo, pe tɛ́ɛw yoo,
toro a gbǎn ba be syɔɔ
Yawe fundanʔagbɔɔri canʔa na í.
Wi yejaagi náa a tápow sórigo,
ki a tɔ̀nɔ́ pye fyáakpɔɔrɔ
àmɛɛ wi a tári syɛ̀ɛnnɛ myɛ kálagi kwɔ́ɔ lè.»
Currently Selected:
Sofonii 1: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Sofonii 1
1
1 #
2Fàn 22:1—23:30; 2Cán 34:1—35:27 Yawe syɛ́ɛnri di nan Kusyii jáaw Sofonii na lè, Kusyii wi lè Gedaliya jáaw, Gedaliya wi lè Amariya jáaw, Amariya wi lè Ezekyasi jáaw, koro n pye Zyuda fànʔafɔw Zyozyasi fǎngi làla ni wi lè Amɔn jáaw.
Kolocɔlɔɔ a keele tɛ́ʔɛ tápow na
2Yawe n jo:
«Mii a yáriri myɛ kwɔ́ɔ bi láʔa tásaligi na.
3Mii a syɛ́ɛnbèle ní yaweeri kwɔ́ɔ bi láʔa yaà,
mii a nyɛ̀ʔɛni féjɛɛnrɛ
ní sólomi lɔ̀ʔɔ fàala kwɔ́ɔ bi láʔa yaà,
ní kérigèle ge syɔɔn pùuní lè,
bi koro ní syɛɛnpeebèle kwɔ́ɔ bi láʔa yaà,
mii a syɔɔn ye kwɔ́ɔ bi láʔa yaà tásaligi na,»
Yawe wi jo nya.
Kolocɔlɔɔ a keele tɛ́ʔɛ Zyuda ní Zyerusalɛmi na
4«Mii a mii kɔ́gi sánʔa bi taʔa Zyuda
ní Zyerusalɛmi ye myɛw na.
Baali wóbèle be kòro lè mii a be kálagi bi yirige tɛ́ɛgi naa ni,
sejeebèle be báara wi ma lè poro mɛ́ɛgi n fàra sáriga-wòbèle na,
5ní bele be tuun nyɛ̀ʔɛni ŋɔripiigéle yɛ́ʔɛ ma
kpáayi ǹjoyo ni lè,
ní bele be tíri ni tuun ní i kɛ̀ɛ́ Yawe na lè,
ní wɔ́ɔ i kɛ̀ɛ́ Milikɔmi na lè,
6ní bele be lúru Yawe kurugo lè,
ní bele be lè pe o Yawe caa í,
pe si wɔ́ɔ o wi yíbe í.
7Ye kòro pyèrio Kàfɔw Yawe
yɛ́ʔɛ ma!
Níì cán Yawe cángi n nùuni,
Yawe n tɔ̀nɔ n sárigaw sámaga,
wi n wi woyeribèle sámaga n yaʔa wiyɛɛ ma kɔlɔ̀ na.»
8Yawe n jo:
«Mii sárigaw canʔa na,
mii a keele tɛ́ʔɛ syɛɛnkpolobèle ní fànʔafɔw jàala na,
ní bele myɛ na be yalenibɔnri nii lè.
9Cángi bee na bele myɛ be yegi ni kpaaweegèle kána lè,
ní bele pe be Kàfɔw kpaʔa nyìngí péemi,
ní námaraw na lè, mii a keele tɛ́ʔɛ be na.
10Cángi bee na yákpowáara a ra lúro yaà
Fábèle kpàánweele ma,
Yawe wi jo nya,
sùpiire a ra lúro yaà kèyabifɔngi ma,
kálagigbɔɔlɔ tinmɛ a ra lúro yaà dǎndamayi na.
11Yele Makitɛsyi ye, yaa sùpiiri wáa,
níì cán Kanaan syɛ́ɛnbèle#1:11 Kanaan syɛ́ɛnbèle: Mɔ ga lóʔo tɛ́ɛgi naa ni Kanaan syɛ́ɛnbèle, jàgiwáabèle na be nyɛ. myɛ n kwɔ́ɔ gi ni,
nǎnbèle bele má wálifiiw fáli kàlifáa lè,
pe a kwɔ́ɔ bi yirige yaà.
12Lǎli bee ni mii a Zyerusalɛmi fuguri bi màʔa ní fètingéle ní,
mii a keele tɛ́ʔɛ bele na be tìgi n tɛ́ɛn be sindɛɛgi na lè
ní i gi nyuu be fúnyi ni níì jo:
‹Yawe o kacànga wàlá kapeʔe kpéʔele í.›
13Pe lɔ́ri a fuguri láa,
pe kpáayi a kòro wowaaya ní.
Pe a kpaaya faan, pe si a tɛ́ɛn yi ni í,
pe a ɛrɛzɛn tírire cɔ́rɔ,
pe si a gbaa di dùvɛɛnw na í.
Yawe cángi kéele
14«Yawe cângbɔɔgi n nùuni,
ki n nùuni, ki i maa kelekele.
Nànniriw a ra yákpobɛnʔɛ wáa
Yawe cángi tìnmɛ kéele na.
15Cángi bee i nyɛ fundanʔagbɔɔrɔ canʔa,
ní wɔʔɔgɔ, ní funjurugoro canʔa,
kálagila, ní kálagigbɔɔlɔ canʔa gii,
yébilimɛ ní yébiliwɔɔlɔ canʔa gii,
nyɛ̀ʔɛwɔɔlɔ ní nìgolowirige canʔa gii.
16Tòmaʔa wiile canʔa,
ní kapɛɛnnɛ sùpiiwáara canʔa gii,
kèniriyi, ní jɛ̀ɛ́ngèle kpaataʔa-tɔ́nɔyɔ kánma na.
17Mii a syɔɔn ye le wɔʔɔgi ni,
pe a ra táanri àmɛɛ fúunbéle nyɛ lè,
níì cán pe n kapeele pye Yawe na.
Mii a be sìsyaanw wo àmɛɛ támiige nyɛ lè,
pe céri a pye kànyaʔara.
18Pe wálifiiw yoo, pe tɛ́ɛw yoo,
toro a gbǎn ba be syɔɔ
Yawe fundanʔagbɔɔri canʔa na í.
Wi yejaagi náa a tápow sórigo,
ki a tɔ̀nɔ́ pye fyáakpɔɔrɔ
àmɛɛ wi a tári syɛ̀ɛnnɛ myɛ kálagi kwɔ́ɔ lè.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.