Zyowɛli 1
1
1Yawe syɛ́ɛnri di nan Petuwɛli jáaw Zyowɛli na lè, toro di dee naa.
Yaweepiiri gàlagí ní Wáami kéele
2Ye dee naa lóʔo, yele wolɛɛbèle!
Ye líiyi cáan,
yele tári syɛ̀ɛnnɛ myɛw!
A gee bee félege kɔ́ɔ̀ kpéʔele lè yele lǎli,
wàlá yele tóobèle làla ni?
3Ye gi joo ye tɛ̀ɛn yele pìíbèle na,
yele pìíbèle si gi joo bi tɛ̀ɛn poro pìíbèle na,
poro pìíbèle si gi joo bi tɛ̀ɛn yìrilee syɛ̀ɛnnɛ na be maa lè!
4Gee múndɔɔw yaʔa lè,
kúdow n gi lìi.
Gee kúdow yaʔa lè,
kákerebèle n gi lìi.
Gee kákerebèle yaʔa lè,
kábàrari n gi lìi.
5Ye yìri ŋúnɔmi na,
yele singbaadinbèle, yaa nyaan!
Yele dùvɛɛngbaabèle myɛw,
yaa nyaan yaa peele,
níì cán ɛrɛzɛn lógi n láʔa yele ma nyɔ́ɔyi na!
6 #
Tɛ̀ɛn 9:8
Níì cán syɛɛnfelegaa n pan mii tári kanma na,
ki fǎngi n kpɔ́ʔɔ, á gi nɛʔɛ n pye córomɔ fun.
Ki gǎngèle i nyɛ àmɛɛ càarabɔlɔ gànʔana nyɛ lè,
ki gǎnzéebèle si i nyɛ àmɛɛ càarajaa wòolo nyɛ lè.
7Ki n baa mii ɛrɛzɛn ségi pye tɛɛ̀kalagiga.
Ki n baa gi gbàn mii děsyaantiiri na,
ki n di waragi péw,
ki n di kpúmɔn n cáan.
Ɛrɛzɛn ségi káganbiire n fílige.
8Da nyaan maa peele àmɛɛ nàngeele sinján pìcaa gáà gɔ̀nvaʔaga le lè burogo
ni nyaan wi cárimi nìyilio kùugo kéele na!
9Míimi yakaanya, ní sáriga-yólogow n kwɔ́ɔ Yawe kpáagi ni.
Sáriga-wòlobèle be lè Yawe falipyebèle,
pe i nyɛ kùu káyaʔa na.
10Pe n séyi kálagi,
tásaligi i nyɛ kùu káyaʔa na.
Níì cán pe n bilew kálagi,
dùvɛɛnfɔnw n kwɔ́ɔ,
a sǐnmi kólogo.
11Tèfalabèle báriga n kwɔ́ɔ,
ɛrɛzɛn séyi fɔ̀ɔlɔ i nyaan ni peele
bilew ní orizyew kéele na,
níì cán séyi yaliilaara ní o beè í.
12Ɛrɛzɛn tíriri n fána, děsyaantiiri n waʔa.
Girenadi tíiri, ní sɛʔɛtiiri,
ní pɔ́mi tíiri,
gee bee n joo séyi tíire myɛ n waʔa.
Fundaanri n kwɔ́ɔ syɔɔn ye níngi ni.
Yerile súnw lele, ní nyɛ́ɛrigbɔʔɔ kéele Yawe ma
13Sáriga-wòlobèle,
ye gɔ̀nvaʔaya le buroyo,
yé pye kùu káyaʔa na!
Yele sáriga-wòlo-yafaangi falipyebèlē,
yaa nyaan yaa peele!
Mii Kolocɔlɔw falipyebèlē,
yaa maa, ye syɔ́ɔn ní gɔ̀nvaʔayi búroyo ní yeyɛɛ na!
Níì cán míimi yakanʔa,
ní sáriga-yólogow
n kólogo yele Kolocɔlɔw kpaʔa ni.
14Ye súnlere lala yaʔa,
ye kpóʔorojànna kéele jáari,
ye wolɛɛbèle kpóʔoro,
n fàra tári syɛ̀ɛnnɛ myɛ na,
Yawe yele Kolocɔlɔw kpaʔa ni,
yáā Yawe yiri wi yele syɔɔ!
Yawe fundanʔari canʔa kéele
15 #
Eza 13:6
Ee! Cángi naa félege!
Níì cán Yawe cángi n nùuni,
ki i maa àmɛɛ cangaa nyɛ,
gee ni Séew Myɛ Kàfɔlɔ a kálagila kpéʔele lè.
16Yaliiri n kwɔ́ɔ n yiri yaà wolo yɛ́ʔɛ ma,
a mugurumi, ní fundaanri kwɔ́ɔ wolo Kolocɔlɔw kpaʔa ni.
17Lùguri n fɔ́nʔɔ kágboogèle ni,
gbòdungèle i nyɛ wowaagéle ní,
yaliiri tɛɛ̀tɛʔɛyɛ kpaaya n too, níì cán bilew n kwɔ́ɔ.
18Yaweeri i cɛ́ɛn!
Yaweekpologèle gboogéle i curugu ni máari,
níì cán ke ga nyàā taa í.
Alí yaweeyiligèle
gboogéle i káagi.
Kanyaajoow nyɛ́ɛrigɛ
19Mɔ kurugo mii yákpoli wáa, Yawe!
Níì cán náagi n fìími tára yaweenaʔa-tɛ́ɛyɛ sórigo,
a naanyǐngi séyi tíire myɛ sórigo.
20Alí sìnbirigi yaweere i káagi mɔ kurugo,
níì cán lókoloyi n waʔa,
a náagi fìími tára yaweenaʔa-tɛ́ɛyɛ sórigo.
Currently Selected:
Zyowɛli 1: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zyowɛli 1
1
1Yawe syɛ́ɛnri di nan Petuwɛli jáaw Zyowɛli na lè, toro di dee naa.
Yaweepiiri gàlagí ní Wáami kéele
2Ye dee naa lóʔo, yele wolɛɛbèle!
Ye líiyi cáan,
yele tári syɛ̀ɛnnɛ myɛw!
A gee bee félege kɔ́ɔ̀ kpéʔele lè yele lǎli,
wàlá yele tóobèle làla ni?
3Ye gi joo ye tɛ̀ɛn yele pìíbèle na,
yele pìíbèle si gi joo bi tɛ̀ɛn poro pìíbèle na,
poro pìíbèle si gi joo bi tɛ̀ɛn yìrilee syɛ̀ɛnnɛ na be maa lè!
4Gee múndɔɔw yaʔa lè,
kúdow n gi lìi.
Gee kúdow yaʔa lè,
kákerebèle n gi lìi.
Gee kákerebèle yaʔa lè,
kábàrari n gi lìi.
5Ye yìri ŋúnɔmi na,
yele singbaadinbèle, yaa nyaan!
Yele dùvɛɛngbaabèle myɛw,
yaa nyaan yaa peele,
níì cán ɛrɛzɛn lógi n láʔa yele ma nyɔ́ɔyi na!
6 #
Tɛ̀ɛn 9:8
Níì cán syɛɛnfelegaa n pan mii tári kanma na,
ki fǎngi n kpɔ́ʔɔ, á gi nɛʔɛ n pye córomɔ fun.
Ki gǎngèle i nyɛ àmɛɛ càarabɔlɔ gànʔana nyɛ lè,
ki gǎnzéebèle si i nyɛ àmɛɛ càarajaa wòolo nyɛ lè.
7Ki n baa mii ɛrɛzɛn ségi pye tɛɛ̀kalagiga.
Ki n baa gi gbàn mii děsyaantiiri na,
ki n di waragi péw,
ki n di kpúmɔn n cáan.
Ɛrɛzɛn ségi káganbiire n fílige.
8Da nyaan maa peele àmɛɛ nàngeele sinján pìcaa gáà gɔ̀nvaʔaga le lè burogo
ni nyaan wi cárimi nìyilio kùugo kéele na!
9Míimi yakaanya, ní sáriga-yólogow n kwɔ́ɔ Yawe kpáagi ni.
Sáriga-wòlobèle be lè Yawe falipyebèle,
pe i nyɛ kùu káyaʔa na.
10Pe n séyi kálagi,
tásaligi i nyɛ kùu káyaʔa na.
Níì cán pe n bilew kálagi,
dùvɛɛnfɔnw n kwɔ́ɔ,
a sǐnmi kólogo.
11Tèfalabèle báriga n kwɔ́ɔ,
ɛrɛzɛn séyi fɔ̀ɔlɔ i nyaan ni peele
bilew ní orizyew kéele na,
níì cán séyi yaliilaara ní o beè í.
12Ɛrɛzɛn tíriri n fána, děsyaantiiri n waʔa.
Girenadi tíiri, ní sɛʔɛtiiri,
ní pɔ́mi tíiri,
gee bee n joo séyi tíire myɛ n waʔa.
Fundaanri n kwɔ́ɔ syɔɔn ye níngi ni.
Yerile súnw lele, ní nyɛ́ɛrigbɔʔɔ kéele Yawe ma
13Sáriga-wòlobèle,
ye gɔ̀nvaʔaya le buroyo,
yé pye kùu káyaʔa na!
Yele sáriga-wòlo-yafaangi falipyebèlē,
yaa nyaan yaa peele!
Mii Kolocɔlɔw falipyebèlē,
yaa maa, ye syɔ́ɔn ní gɔ̀nvaʔayi búroyo ní yeyɛɛ na!
Níì cán míimi yakanʔa,
ní sáriga-yólogow
n kólogo yele Kolocɔlɔw kpaʔa ni.
14Ye súnlere lala yaʔa,
ye kpóʔorojànna kéele jáari,
ye wolɛɛbèle kpóʔoro,
n fàra tári syɛ̀ɛnnɛ myɛ na,
Yawe yele Kolocɔlɔw kpaʔa ni,
yáā Yawe yiri wi yele syɔɔ!
Yawe fundanʔari canʔa kéele
15 #
Eza 13:6
Ee! Cángi naa félege!
Níì cán Yawe cángi n nùuni,
ki i maa àmɛɛ cangaa nyɛ,
gee ni Séew Myɛ Kàfɔlɔ a kálagila kpéʔele lè.
16Yaliiri n kwɔ́ɔ n yiri yaà wolo yɛ́ʔɛ ma,
a mugurumi, ní fundaanri kwɔ́ɔ wolo Kolocɔlɔw kpaʔa ni.
17Lùguri n fɔ́nʔɔ kágboogèle ni,
gbòdungèle i nyɛ wowaagéle ní,
yaliiri tɛɛ̀tɛʔɛyɛ kpaaya n too, níì cán bilew n kwɔ́ɔ.
18Yaweeri i cɛ́ɛn!
Yaweekpologèle gboogéle i curugu ni máari,
níì cán ke ga nyàā taa í.
Alí yaweeyiligèle
gboogéle i káagi.
Kanyaajoow nyɛ́ɛrigɛ
19Mɔ kurugo mii yákpoli wáa, Yawe!
Níì cán náagi n fìími tára yaweenaʔa-tɛ́ɛyɛ sórigo,
a naanyǐngi séyi tíire myɛ sórigo.
20Alí sìnbirigi yaweere i káagi mɔ kurugo,
níì cán lókoloyi n waʔa,
a náagi fìími tára yaweenaʔa-tɛ́ɛyɛ sórigo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.