Oze 8
8
Wee wi káfalagi lúru lè, káfalakpɔɔgi wi a ba láa
1 #
Oz 6:7; Làlw 28:49; Eza 58:1 Tòmaagi taʔa nyɔ́ɔgi na. Nigoò i maa Yawe kpáagi kánma na àmɛɛ nyɔɔ̀ nyɛ lè.
«Níì cán pe n mii joogaanni kálagi,
pe n mii làlwaw cée.
2Pe a ra yákpogèle wáa mii kurugo si jo:
‹Mii Kolocɔlɔɔ, wolo n mɔ cán,
wolo wo nyɛ lè Isirayɛli ye.›
3Isirayɛli n kacǎnni cée.
Nigoò a taʔa wi na da nɛnɛ.
4 #
2Fàn 15:10,14,25-30 Pe n fànʔafɔɔlɔ télege mii nyɔɔ fun ni,
pe n kùndigibéle télege n gi yaʔa mii ga kàa cán gi ni í.
Pe n be wálifiiw,
ní be tɛ́ɛw tɛ́ʔɛ n yasunyo sámaga jàngó bi kálagi yiri yaà.
5Mii o mɔ náapiigi caa í, Samarii!
Mii fúngi n tanʔa yele kurugo.
Làlìí ni yele a láʔa nya kolomɔ funmi céele na?
6Isirayɛli má gi yìri,
fáliw kacanwaa wi gi sámaga,
náapiigi bee o nyɛ Kolocɔlɔɔ í.
Koro na Samarii náapiigi a tɔ̀nɔ́ ba tɔ́nʔɔnɔ.
7Amɛɛ pe káfalagi lúru lè,
káfalakpɔɔgi pe a ba láa.
Pe a bilekanga taa í.
Gee ki a fìin lè, ki a pye míimɛ wóʔo í,
àlí ti ga maa san nibɔnbéle pe a dée di jɔ́ɔ.
8Pe n Isirayɛli ye jɔ́ɔ!
Pe n pye tɔ́ɔliw ni syɛɛnfeleyi nínge ni àmɛɛ kanyɔɔnɔ fun yalege nyɛ lè.
9Níì cán pe n lúgu n kári Asirii ma àmɛɛ seʔe jofani nyɛ,
wee wi canʔana ni yèré lè wi nibin.
Efirayimi n wi tàmagi levɔɔlɔ syɔɔ lɔrɔ na.
10Alí yakaanri myɛ pe wírē kaangi syɛɛnfeleyi ma lè,
mii a be kpóʔoro peyɛɛ na tɔ́ɔliw ni.
Cɛɛri ga pye pe a ra wɔʔɔ fànʔafɔbiigèle fànʔafɔlɔ túgoro láara ni.
11Efirayimi n sáriga-wòlo-yafaanyi nɛʔɛ kapeebyeri mɛ́ʔɛ na,
yi ga yafyɛn nyɔɔ wi na kapye n wi lége kapeebyeri ni ban í.
12Alí mii ga mii làlwaw kajoogéle myɛ fílige n sɛ́bɛ wi ma,
ke n córo yanibɔngɔ.
13 Sárigaw yaweegéle be kaangi mii ma lè,
pe i ge kúu ní i ge káari káa,
mii Yawe si ga fɔ̀lɔ ge na í.
Tɔ́ɔliw ni Yawe i sɔ̀ngí ni taagi be kolomi na,
wi a be wɔʔɔ be kapeegèle kéele na,
pe a lúru kári Ezyipiti ma.
14Isirayɛli n fɛ̀ʔɛ wi Faanfɔw na,
níì fànʔafɔ-gbaaya faan,
Zyuda si na, woro n kèniriyi nɛʔɛ.
Kàjáa mii a náagi tórigo ki sa jée be kěyi ni,
ki a yi kpaakpoloyi sórigo.»
Currently Selected:
Oze 8: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Oze 8
8
Wee wi káfalagi lúru lè, káfalakpɔɔgi wi a ba láa
1 #
Oz 6:7; Làlw 28:49; Eza 58:1 Tòmaagi taʔa nyɔ́ɔgi na. Nigoò i maa Yawe kpáagi kánma na àmɛɛ nyɔɔ̀ nyɛ lè.
«Níì cán pe n mii joogaanni kálagi,
pe n mii làlwaw cée.
2Pe a ra yákpogèle wáa mii kurugo si jo:
‹Mii Kolocɔlɔɔ, wolo n mɔ cán,
wolo wo nyɛ lè Isirayɛli ye.›
3Isirayɛli n kacǎnni cée.
Nigoò a taʔa wi na da nɛnɛ.
4 #
2Fàn 15:10,14,25-30 Pe n fànʔafɔɔlɔ télege mii nyɔɔ fun ni,
pe n kùndigibéle télege n gi yaʔa mii ga kàa cán gi ni í.
Pe n be wálifiiw,
ní be tɛ́ɛw tɛ́ʔɛ n yasunyo sámaga jàngó bi kálagi yiri yaà.
5Mii o mɔ náapiigi caa í, Samarii!
Mii fúngi n tanʔa yele kurugo.
Làlìí ni yele a láʔa nya kolomɔ funmi céele na?
6Isirayɛli má gi yìri,
fáliw kacanwaa wi gi sámaga,
náapiigi bee o nyɛ Kolocɔlɔɔ í.
Koro na Samarii náapiigi a tɔ̀nɔ́ ba tɔ́nʔɔnɔ.
7Amɛɛ pe káfalagi lúru lè,
káfalakpɔɔgi pe a ba láa.
Pe a bilekanga taa í.
Gee ki a fìin lè, ki a pye míimɛ wóʔo í,
àlí ti ga maa san nibɔnbéle pe a dée di jɔ́ɔ.
8Pe n Isirayɛli ye jɔ́ɔ!
Pe n pye tɔ́ɔliw ni syɛɛnfeleyi nínge ni àmɛɛ kanyɔɔnɔ fun yalege nyɛ lè.
9Níì cán pe n lúgu n kári Asirii ma àmɛɛ seʔe jofani nyɛ,
wee wi canʔana ni yèré lè wi nibin.
Efirayimi n wi tàmagi levɔɔlɔ syɔɔ lɔrɔ na.
10Alí yakaanri myɛ pe wírē kaangi syɛɛnfeleyi ma lè,
mii a be kpóʔoro peyɛɛ na tɔ́ɔliw ni.
Cɛɛri ga pye pe a ra wɔʔɔ fànʔafɔbiigèle fànʔafɔlɔ túgoro láara ni.
11Efirayimi n sáriga-wòlo-yafaanyi nɛʔɛ kapeebyeri mɛ́ʔɛ na,
yi ga yafyɛn nyɔɔ wi na kapye n wi lége kapeebyeri ni ban í.
12Alí mii ga mii làlwaw kajoogéle myɛ fílige n sɛ́bɛ wi ma,
ke n córo yanibɔngɔ.
13 Sárigaw yaweegéle be kaangi mii ma lè,
pe i ge kúu ní i ge káari káa,
mii Yawe si ga fɔ̀lɔ ge na í.
Tɔ́ɔliw ni Yawe i sɔ̀ngí ni taagi be kolomi na,
wi a be wɔʔɔ be kapeegèle kéele na,
pe a lúru kári Ezyipiti ma.
14Isirayɛli n fɛ̀ʔɛ wi Faanfɔw na,
níì fànʔafɔ-gbaaya faan,
Zyuda si na, woro n kèniriyi nɛʔɛ.
Kàjáa mii a náagi tórigo ki sa jée be kěyi ni,
ki a yi kpaakpoloyi sórigo.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.