Oze 7
7
Kanyaʔamiri féleye myɛ ní kálagigbɔɔli li maa lè
1 #
Am 3:9-11; Eza 59:1-14 «Lǎli ni mii da ni caa bi Isirayɛli pɔʔɔ lè,
a Efirayimi kolomi,
ní Samarii kanaa-sìnbyeri tiyɛɛ dɛ̀ɛn,
níì cán pe n námara kpéʔele.
Kàyuuw i jǐn kpáagi ni,
kàyuu-fànʔafɔbèle i yáriri nɛnɛ ni syoo kàfugi na.
2Pe si o gi nyuu peyɛɛ ma be fúnyi ni n jo
mii i sɔ̀ngí ni taagi poro péemi myɛ na í.
Tɔ́ɔliw ni pe kapyegèle si n be màʔa n kpàra,
mii nyɛ́nɛ i nyɛ ge na.
3Pe i fundaanra kaangi fànʔafɔw ma ní be péemi ní,
ni fundaanra kaangi be fànʔafɔbiigèle ma ní be námara kérigèle ní.
4Pe myɛ i nyɛ kanɔnʔɔbyebèlē,
pe i nyɛ àmɛɛ fúru nyɛ,
wee búrukpumɔɔn wáriga lè.
Wi ga míibirigegi waari n kwɔ́ɔ lǎli ni lè,
wi n kàjenyunyi kpèʔelele yaʔa,
fwɔɔ bi taa míibirigegi í ba yìri.
5Wolo fànʔafɔw fɛ́tii canʔa na,
syɛɛnkpolobèle i yaama cáan peyɛɛ na ní dùvɛɛnw ní.
Fànʔafɔw i kɔ́gi sáanri nɛ̀ɛnyɛnɛgi fɔ̀ɔlɔ ma.
6Bele be peyɛɛ gaan làra-mí-sigeli ma lè,
pe i be fúnyi wáragi àmɛɛ fúru nyɛ,
wee búrukpumɔɔn wi ŋúnɔ ni syɔ̀ɔ́n lè,
nyǐngi nyɔ́ɔ na,
fúruw si n wári àmɛɛ naanyìnge nyɛ lè.
7Pe myɛ n wári àmɛɛ fúru nyɛ lè,
pe i be kútiijoobèle káa.
Pe fànʔafɔbèle myɛ i tuun,
pe wàa faala o mii mɛ́ɛgi yiri í.
8 #
Eza 9:7-16; Am 4:6-13 Efirayimi i wiyɛɛ nyáʔami syɛɛnfeleyi ni,
Efirayimi n baa pye àmɛɛ kàgbalanaa-sìngarigaga nyɛ lè.
9Nibɔɔnnɔ i wi fǎngi káa,
wi si ga koro cán í, lɛ́ɛri i wi có,
wi si ga gee bee cán í.
10Isirayɛli ye nɛ̀ɛnyɛnɛgi i séeraw kpéʔele be kánmi na.
Pe o lúrugu ni maa Yawe be Kolocɔlɔw ma í,
àlí koro ní ki myɛ ní,
pe o wi caa í.
11Efirayimi ye i nyɛ àmɛɛ nidolimɔ ní sícilimɛ fun kàtolo nyɛ lè.
Pe n Ezyipiti yeri, pe i syée Asirii ma.
12Lǎli ni be syée yaà lè,
a mii i mii cɔ̀ɔ́w cáan be na,
mii i be kíle ni cáan àmɛɛ nyɛ̀ʔɛni féjɛɛngèlē nyɛ lè.
Gee ki da joo be ma be syɛɛnkpoʔolomi ni lè,
mii i be kpúmɔn ni yɛlɛgi ní koro ní.
13Wɔʔɔlɔ i nyɛ be na, níì cán pe n fàn n léeli mii na!
Kálagila i be na, níì cán pe n peyɛɛ bye niceebéle mii kánmi na!
Mii maa ni caa bi be nyúnyi syɔɔ,
a be si jànvaa joo mii kánmi na.
14Pe o yákpogèle wáa mii kurugo ní be fúnyi myɛ ní í.
Kàjáa a pe i nyaan ni peele n be yaʔa be yasinɛyi na,
pe i peyɛɛ gbóʔoro bilew ní dùvɛɛnfɔnw kéele na,
kàjáa ní i céemi kpéʔele mii kánmi na.
15Mii wi be tama, mii n fànʔa le be kɔ́yi ni.
Kàjáa pe i kapeʔe tímana mii kánmi na.
16Pe i lúrugu ni maa,
kàjáa wee wi nyɛ Pe Myɛ Nyúngo na lè,
woro ma ban í.
Pe i nyɛ àmɛɛ námara sedege nyɛ lè,
Ŋɔsée a be kùndigibèle kpóo cáan
pe nyíngèle péemɛ kéele na.
Koro na pe a pye kataanra yárigéle Ezyipiti tári ni.»
Currently Selected:
Oze 7: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Oze 7
7
Kanyaʔamiri féleye myɛ ní kálagigbɔɔli li maa lè
1 #
Am 3:9-11; Eza 59:1-14 «Lǎli ni mii da ni caa bi Isirayɛli pɔʔɔ lè,
a Efirayimi kolomi,
ní Samarii kanaa-sìnbyeri tiyɛɛ dɛ̀ɛn,
níì cán pe n námara kpéʔele.
Kàyuuw i jǐn kpáagi ni,
kàyuu-fànʔafɔbèle i yáriri nɛnɛ ni syoo kàfugi na.
2Pe si o gi nyuu peyɛɛ ma be fúnyi ni n jo
mii i sɔ̀ngí ni taagi poro péemi myɛ na í.
Tɔ́ɔliw ni pe kapyegèle si n be màʔa n kpàra,
mii nyɛ́nɛ i nyɛ ge na.
3Pe i fundaanra kaangi fànʔafɔw ma ní be péemi ní,
ni fundaanra kaangi be fànʔafɔbiigèle ma ní be námara kérigèle ní.
4Pe myɛ i nyɛ kanɔnʔɔbyebèlē,
pe i nyɛ àmɛɛ fúru nyɛ,
wee búrukpumɔɔn wáriga lè.
Wi ga míibirigegi waari n kwɔ́ɔ lǎli ni lè,
wi n kàjenyunyi kpèʔelele yaʔa,
fwɔɔ bi taa míibirigegi í ba yìri.
5Wolo fànʔafɔw fɛ́tii canʔa na,
syɛɛnkpolobèle i yaama cáan peyɛɛ na ní dùvɛɛnw ní.
Fànʔafɔw i kɔ́gi sáanri nɛ̀ɛnyɛnɛgi fɔ̀ɔlɔ ma.
6Bele be peyɛɛ gaan làra-mí-sigeli ma lè,
pe i be fúnyi wáragi àmɛɛ fúru nyɛ,
wee búrukpumɔɔn wi ŋúnɔ ni syɔ̀ɔ́n lè,
nyǐngi nyɔ́ɔ na,
fúruw si n wári àmɛɛ naanyìnge nyɛ lè.
7Pe myɛ n wári àmɛɛ fúru nyɛ lè,
pe i be kútiijoobèle káa.
Pe fànʔafɔbèle myɛ i tuun,
pe wàa faala o mii mɛ́ɛgi yiri í.
8 #
Eza 9:7-16; Am 4:6-13 Efirayimi i wiyɛɛ nyáʔami syɛɛnfeleyi ni,
Efirayimi n baa pye àmɛɛ kàgbalanaa-sìngarigaga nyɛ lè.
9Nibɔɔnnɔ i wi fǎngi káa,
wi si ga koro cán í, lɛ́ɛri i wi có,
wi si ga gee bee cán í.
10Isirayɛli ye nɛ̀ɛnyɛnɛgi i séeraw kpéʔele be kánmi na.
Pe o lúrugu ni maa Yawe be Kolocɔlɔw ma í,
àlí koro ní ki myɛ ní,
pe o wi caa í.
11Efirayimi ye i nyɛ àmɛɛ nidolimɔ ní sícilimɛ fun kàtolo nyɛ lè.
Pe n Ezyipiti yeri, pe i syée Asirii ma.
12Lǎli ni be syée yaà lè,
a mii i mii cɔ̀ɔ́w cáan be na,
mii i be kíle ni cáan àmɛɛ nyɛ̀ʔɛni féjɛɛngèlē nyɛ lè.
Gee ki da joo be ma be syɛɛnkpoʔolomi ni lè,
mii i be kpúmɔn ni yɛlɛgi ní koro ní.
13Wɔʔɔlɔ i nyɛ be na, níì cán pe n fàn n léeli mii na!
Kálagila i be na, níì cán pe n peyɛɛ bye niceebéle mii kánmi na!
Mii maa ni caa bi be nyúnyi syɔɔ,
a be si jànvaa joo mii kánmi na.
14Pe o yákpogèle wáa mii kurugo ní be fúnyi myɛ ní í.
Kàjáa a pe i nyaan ni peele n be yaʔa be yasinɛyi na,
pe i peyɛɛ gbóʔoro bilew ní dùvɛɛnfɔnw kéele na,
kàjáa ní i céemi kpéʔele mii kánmi na.
15Mii wi be tama, mii n fànʔa le be kɔ́yi ni.
Kàjáa pe i kapeʔe tímana mii kánmi na.
16Pe i lúrugu ni maa,
kàjáa wee wi nyɛ Pe Myɛ Nyúngo na lè,
woro ma ban í.
Pe i nyɛ àmɛɛ námara sedege nyɛ lè,
Ŋɔsée a be kùndigibèle kpóo cáan
pe nyíngèle péemɛ kéele na.
Koro na pe a pye kataanra yárigéle Ezyipiti tári ni.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.