Oze 13
13
Syɛɛnfelegi gi Kolocɔlɔɔ cée lè gi kùúw kéele
1Lǎli ni Efirayimi da ni nyuu lè,
ki maa pye fyáakpɔɔrɔ,
wi maa pye wogbɔɔɔ Isirayɛli ni.
Kàjáa wi n Baali kéeli tɛ́ʔɛ n wiyɛɛ kolo, a wi kùu.
2Tɔ́ɔliw ni pe sèʔé i syée yɛʔɛ̀ ma kapeebyeri kurugo,
pe i be wálifiiw gbàlá ni yariyaa niwiriye faanri peyɛɛ ma,
pe n yasunyo sámaga n yɛlɛ ní be sɔ̀ngumi ní.
Yee bee myɛ i nyɛ fáliw kacanbèlē kapyele.
Pe i gi nyuu be kéeli na níì jo:
«Bele be syɛ̀ɛnnɛ kúu lè sáriga,
pe tɔ̀nɔ́ i náapiiye syɔɔnri syɔɔnri.»
3Koro na pe a pye àmɛɛ nyǐngi nyɔ́ɔ fàfanʔa nyɛ lè,
ní àmɛɛ nyǐngi nyɔ́ɔ kásaga nyɛ lè, gee gi kwóo lè,
ní àmɛɛ nyàásige nyɛ,
gee káfalagi lée kàsyɔʔɔ na ni syée lè,
ní àmɛɛ wírige nyɛ,
gee gi yirigi wírige tɛɛyirile ni lè.
4«Mii si na, mii wi nyɛ Yawe mɔ Kolocɔlɔw,
n séli yaà Ezyipiti tári ni.
Mɔ ga kolocɔlɔwaa nikwɔɔ cán kapye mii ban í,
syɔɔfɔwaa ní o yaà mii kàdoʔo ma í.
5 #
Làlw 8:11-17
Mii n mɔ cán fìími tára ni,
ti lè táfunaaw tára.
6Lǎli ni pe nyàácànga taa lè, a be lìi n tín.
Pe n lìi n tín, a kpɔɔmɔ jée be fúnyi ni.
Koro na be fɛ̀ʔɛ mii na.
7Mii a pye be ma àmɛɛ càaraɔ nyɛ lè.
Mii a làra bi be sige àmɛɛ sèdyɔn nyɛ lè kologo nyɔ́ɔ na,
8mii a too be na àmɛɛ ursicaʔa nyɛ,
gee pìibēle be láa lè,
mii a be fìcibiyi sulugu,
nɛɛ bee mii a be káa bi kwɔ́ɔ
àmɛɛ càarajaa nyɛ lè.
Sìnbirigi yaweere a be cɔ̀nʔɔ bi wo.
9Gee gi nyɛ lè mɔ kálagili nyúngo, Isirayɛli,
koro gi nyɛ ncan mɔ maa yìri mii kánmi na,
wee kánma na wi a dée gbǎn mɔ dɛ̀ɛmɛ lè.
10 #
1Sam 10:17-24; 15:26 Sán si mɔ fanʔafɔw nyɛ?
Ki n yɛlɛ wi mɔ syɔɔ mɔ keyi myɛ ni!
Sán mɔ kútiijoobèle nyɛ,
poro bele kéele na mɔ da ni gi nyuu lè níì jo:
‹Fànʔafɔlɔ, ní kùndigibéle kaan mii ma.›
11Mii fundanʔari fúngo ni mii fànʔafɔlɔ kaan mɔ ma,
mii fundanʔagbɔɔri fúngo si ni mii a wi syɔɔ mɔ ma.
12Efirayimi kolomi n kɔn n yaʔa,
wi kapeeli n tɛ́ʔɛ tɛɛkɔngɔ ni.
13Fícɛnnɛfɔlɔ fícɛnnɛ yáama félege a nan wi na.
Sícilibiipiire pya wii,
wee làrizeele li nan lè,
wi si o yirigi wi nɔ́ɔw láʔa ni í.
14 #
1Kor 15:55
Mii a be syɔɔ yirige kúbèle tɛɛkòrogo kɔ́lɔ ni,
mii a be syɔɔ kùúw ma.
Ee kùu, sán mɔ káfalagi yáama nyɛ?
Kúbèle tɛɛkòrogo, sán mɔ galagíw nyɛ?
Funjǎngi i kiyɛɛ làragí mii na.
15Alí n wírè gi yaʔa Efirayimi n sámaga n báriga wi senyɛnbèle nínge ni,
canʔafolomɔ kabangi káfalaga a pan,
Yawe nyɔ́ɔgi káfalaga a yìri fìími tára ma bi pan,
ki a ba wi púloweeli waʔa, ki a ba wi pùnweeli waʔa.
Koro ki a ba lɔgbanri yárira myɛ koli lɔ́ri tɛɛkɔngɔ ni.»
Currently Selected:
Oze 13: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Oze 13
13
Syɛɛnfelegi gi Kolocɔlɔɔ cée lè gi kùúw kéele
1Lǎli ni Efirayimi da ni nyuu lè,
ki maa pye fyáakpɔɔrɔ,
wi maa pye wogbɔɔɔ Isirayɛli ni.
Kàjáa wi n Baali kéeli tɛ́ʔɛ n wiyɛɛ kolo, a wi kùu.
2Tɔ́ɔliw ni pe sèʔé i syée yɛʔɛ̀ ma kapeebyeri kurugo,
pe i be wálifiiw gbàlá ni yariyaa niwiriye faanri peyɛɛ ma,
pe n yasunyo sámaga n yɛlɛ ní be sɔ̀ngumi ní.
Yee bee myɛ i nyɛ fáliw kacanbèlē kapyele.
Pe i gi nyuu be kéeli na níì jo:
«Bele be syɛ̀ɛnnɛ kúu lè sáriga,
pe tɔ̀nɔ́ i náapiiye syɔɔnri syɔɔnri.»
3Koro na pe a pye àmɛɛ nyǐngi nyɔ́ɔ fàfanʔa nyɛ lè,
ní àmɛɛ nyǐngi nyɔ́ɔ kásaga nyɛ lè, gee gi kwóo lè,
ní àmɛɛ nyàásige nyɛ,
gee káfalagi lée kàsyɔʔɔ na ni syée lè,
ní àmɛɛ wírige nyɛ,
gee gi yirigi wírige tɛɛyirile ni lè.
4«Mii si na, mii wi nyɛ Yawe mɔ Kolocɔlɔw,
n séli yaà Ezyipiti tári ni.
Mɔ ga kolocɔlɔwaa nikwɔɔ cán kapye mii ban í,
syɔɔfɔwaa ní o yaà mii kàdoʔo ma í.
5 #
Làlw 8:11-17
Mii n mɔ cán fìími tára ni,
ti lè táfunaaw tára.
6Lǎli ni pe nyàácànga taa lè, a be lìi n tín.
Pe n lìi n tín, a kpɔɔmɔ jée be fúnyi ni.
Koro na be fɛ̀ʔɛ mii na.
7Mii a pye be ma àmɛɛ càaraɔ nyɛ lè.
Mii a làra bi be sige àmɛɛ sèdyɔn nyɛ lè kologo nyɔ́ɔ na,
8mii a too be na àmɛɛ ursicaʔa nyɛ,
gee pìibēle be láa lè,
mii a be fìcibiyi sulugu,
nɛɛ bee mii a be káa bi kwɔ́ɔ
àmɛɛ càarajaa nyɛ lè.
Sìnbirigi yaweere a be cɔ̀nʔɔ bi wo.
9Gee gi nyɛ lè mɔ kálagili nyúngo, Isirayɛli,
koro gi nyɛ ncan mɔ maa yìri mii kánmi na,
wee kánma na wi a dée gbǎn mɔ dɛ̀ɛmɛ lè.
10 #
1Sam 10:17-24; 15:26 Sán si mɔ fanʔafɔw nyɛ?
Ki n yɛlɛ wi mɔ syɔɔ mɔ keyi myɛ ni!
Sán mɔ kútiijoobèle nyɛ,
poro bele kéele na mɔ da ni gi nyuu lè níì jo:
‹Fànʔafɔlɔ, ní kùndigibéle kaan mii ma.›
11Mii fundanʔari fúngo ni mii fànʔafɔlɔ kaan mɔ ma,
mii fundanʔagbɔɔri fúngo si ni mii a wi syɔɔ mɔ ma.
12Efirayimi kolomi n kɔn n yaʔa,
wi kapeeli n tɛ́ʔɛ tɛɛkɔngɔ ni.
13Fícɛnnɛfɔlɔ fícɛnnɛ yáama félege a nan wi na.
Sícilibiipiire pya wii,
wee làrizeele li nan lè,
wi si o yirigi wi nɔ́ɔw láʔa ni í.
14 #
1Kor 15:55
Mii a be syɔɔ yirige kúbèle tɛɛkòrogo kɔ́lɔ ni,
mii a be syɔɔ kùúw ma.
Ee kùu, sán mɔ káfalagi yáama nyɛ?
Kúbèle tɛɛkòrogo, sán mɔ galagíw nyɛ?
Funjǎngi i kiyɛɛ làragí mii na.
15Alí n wírè gi yaʔa Efirayimi n sámaga n báriga wi senyɛnbèle nínge ni,
canʔafolomɔ kabangi káfalaga a pan,
Yawe nyɔ́ɔgi káfalaga a yìri fìími tára ma bi pan,
ki a ba wi púloweeli waʔa, ki a ba wi pùnweeli waʔa.
Koro ki a ba lɔgbanri yárira myɛ koli lɔ́ri tɛɛkɔngɔ ni.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.