Oze 12
12
Ki laà-kwɔ́ɔ syɛɛnfelege nlaa yaà gi sélimi na
1Efirayimi n mii màʔa ní jànvaaw ní,
Isirayɛli kpáagi wòolo n mii màʔa ní námaraw ní.
Kàjáa Zyuda sèʔé i táanri ní Kolocɔlɔɔ ní,
wi i nyɛ tágala syɔ́ɔn Kolocɔlɔɔ ma wi lè Wojanw.
2Efirayimi i wiyɛɛ gbóo ní káfalagi ní,
níì taʔa canʔafolomɔ kabangi káfalaga na ni nɛnɛ.
Wi i kàa fàrá canʔa o canʔa jànvaaw ní tanʔari na.
Wi i joogaanna kpéʔele ní Asirii ní,
pe i syée ní sìnmɛ ní Ezyipiti ma.
3Yawe i nyɛ kútii na ní Zyuda ní,
wi a keele tɛ́ʔɛ Zyakɔbi na bi yɛlɛ ní wi tánʔaganmi ní,
wi a wi sàra bi yɛlɛ ní wi kapyegèle ní.
4 #
Sél 25:26
#Sél 32:25-26N Zyakɔbi yaʔa wi nɔ́ɔw láʔa ni,
a wi wi senyɛnw cò yédeleeli na,
lǎli ni wi baa lɛɛ n nìri lè,
a wi gbɛ̀ɛ cò ní Kolocɔlɔɔ ní.
5 #
Sél 28:10-22
Wi n gbɛ̀ɛ cò ní nyɛ̀ʔɛni tunduɔn ní,
a wi fànʔa taa,
wi n nyɛni níì wi nyɛ́ɛri wi nyɔɔ woro na.
Betɛli má Zyakɔbi da wi nyaa,
nɛɛ bee Kolocɔlɔɔ joo ní wolo ní.
6Yawe wi nyɛ Kolocɔlɔɔ wi lè Nyɛ̀ʔɛni Sùlasiibéle Kafɔlɔ.
Wi mɛ́ɛgi gi nyɛ Yawe.
7Mɔ si na, lúru maa maa mɔ Kolocɔlɔw ma,
tàmagi ní sínni sámaga mi cò,
mí miyɛɛ daʔa mɔ Kolocɔlɔw na làla o làla.
8Námara cúlobéle i nyɛ Efirayimi kɔ́yi ni àmɛɛ Kanaan ye nyɛ lè,
syɛɛnnɔʔɔrɔgi n wi dɛ́nɛ.
9Efirayimi i gi nyuu níì jo:
«Kányɛʔɛ na, mii n lɔrɔ taa,
mii n lɔnɛʔɛrɛ caa n taa.
Mii fáliw tɔ̀nɔ si wi kélemi.
Pe a tée kolomɔ kéele nyaa mii na,
lee li lè kapeele í.»
10 #
Lev 23:42-43
«Mii si na, mii wi nyɛ Yawe mɔ Kolocɔlɔw,
n séli yaà Ezyipiti tári ni.
Mii a ní ba mɔ télege fànikpaaya ni àmɛɛ gi kpéʔele kpóʔorojǎngèle canya ni lè.
11Mii n joo kanyaajoobèle ma, mii n yanyaayi nɛʔɛ,
mii n kàseegéle joo kanyaajoobèle nyɔ́ɔyɔ ni.»
12Galaadi ye i nyɛ kakolobye-tèlebēle,
kányɛʔɛ na pe i nyɛ gbanzan.
Pe n kòro ni nǐyi wóo sáriga Giiligali ni.
Koro na pe sáriga-wòlo-yafaanyi a ba pye àmɛɛ kàdɛnɛgboogéle nyɛ lè séyi sɔ̀nlɛɛyɛ ni.
13 #
Sél 29:1-20
Zyakɔbi n fàn n sáà jée Arami sìnbirigi ni,
Isirayɛli n báara cɔlɔɔ na,
Wi n yaweere nàʔa cɔlɔɔ na.
14 #
Yir 12:50-51
Yawe si n kanyaajooo tɛ́ʔɛ n Isirayɛli yirige Ezyipiti tári ni,
n kanyaajooo tɛ́ʔɛ n wi kpáaw wéle.
15Efirayimi n Yawe fúngi tanʔa gbanʔama,
wi Kàfɔw si a wi sìsyaanwori kapeele túgoro taʔa wi na,
wi a wi faʔari yaʔa ti lúru kòro wi na.
Currently Selected:
Oze 12: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Oze 12
12
Ki laà-kwɔ́ɔ syɛɛnfelege nlaa yaà gi sélimi na
1Efirayimi n mii màʔa ní jànvaaw ní,
Isirayɛli kpáagi wòolo n mii màʔa ní námaraw ní.
Kàjáa Zyuda sèʔé i táanri ní Kolocɔlɔɔ ní,
wi i nyɛ tágala syɔ́ɔn Kolocɔlɔɔ ma wi lè Wojanw.
2Efirayimi i wiyɛɛ gbóo ní káfalagi ní,
níì taʔa canʔafolomɔ kabangi káfalaga na ni nɛnɛ.
Wi i kàa fàrá canʔa o canʔa jànvaaw ní tanʔari na.
Wi i joogaanna kpéʔele ní Asirii ní,
pe i syée ní sìnmɛ ní Ezyipiti ma.
3Yawe i nyɛ kútii na ní Zyuda ní,
wi a keele tɛ́ʔɛ Zyakɔbi na bi yɛlɛ ní wi tánʔaganmi ní,
wi a wi sàra bi yɛlɛ ní wi kapyegèle ní.
4 #
Sél 25:26
#Sél 32:25-26N Zyakɔbi yaʔa wi nɔ́ɔw láʔa ni,
a wi wi senyɛnw cò yédeleeli na,
lǎli ni wi baa lɛɛ n nìri lè,
a wi gbɛ̀ɛ cò ní Kolocɔlɔɔ ní.
5 #
Sél 28:10-22
Wi n gbɛ̀ɛ cò ní nyɛ̀ʔɛni tunduɔn ní,
a wi fànʔa taa,
wi n nyɛni níì wi nyɛ́ɛri wi nyɔɔ woro na.
Betɛli má Zyakɔbi da wi nyaa,
nɛɛ bee Kolocɔlɔɔ joo ní wolo ní.
6Yawe wi nyɛ Kolocɔlɔɔ wi lè Nyɛ̀ʔɛni Sùlasiibéle Kafɔlɔ.
Wi mɛ́ɛgi gi nyɛ Yawe.
7Mɔ si na, lúru maa maa mɔ Kolocɔlɔw ma,
tàmagi ní sínni sámaga mi cò,
mí miyɛɛ daʔa mɔ Kolocɔlɔw na làla o làla.
8Námara cúlobéle i nyɛ Efirayimi kɔ́yi ni àmɛɛ Kanaan ye nyɛ lè,
syɛɛnnɔʔɔrɔgi n wi dɛ́nɛ.
9Efirayimi i gi nyuu níì jo:
«Kányɛʔɛ na, mii n lɔrɔ taa,
mii n lɔnɛʔɛrɛ caa n taa.
Mii fáliw tɔ̀nɔ si wi kélemi.
Pe a tée kolomɔ kéele nyaa mii na,
lee li lè kapeele í.»
10 #
Lev 23:42-43
«Mii si na, mii wi nyɛ Yawe mɔ Kolocɔlɔw,
n séli yaà Ezyipiti tári ni.
Mii a ní ba mɔ télege fànikpaaya ni àmɛɛ gi kpéʔele kpóʔorojǎngèle canya ni lè.
11Mii n joo kanyaajoobèle ma, mii n yanyaayi nɛʔɛ,
mii n kàseegéle joo kanyaajoobèle nyɔ́ɔyɔ ni.»
12Galaadi ye i nyɛ kakolobye-tèlebēle,
kányɛʔɛ na pe i nyɛ gbanzan.
Pe n kòro ni nǐyi wóo sáriga Giiligali ni.
Koro na pe sáriga-wòlo-yafaanyi a ba pye àmɛɛ kàdɛnɛgboogéle nyɛ lè séyi sɔ̀nlɛɛyɛ ni.
13 #
Sél 29:1-20
Zyakɔbi n fàn n sáà jée Arami sìnbirigi ni,
Isirayɛli n báara cɔlɔɔ na,
Wi n yaweere nàʔa cɔlɔɔ na.
14 #
Yir 12:50-51
Yawe si n kanyaajooo tɛ́ʔɛ n Isirayɛli yirige Ezyipiti tári ni,
n kanyaajooo tɛ́ʔɛ n wi kpáaw wéle.
15Efirayimi n Yawe fúngi tanʔa gbanʔama,
wi Kàfɔw si a wi sìsyaanwori kapeele túgoro taʔa wi na,
wi a wi faʔari yaʔa ti lúru kòro wi na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.