1 Cányi kèlē 2

Zyakɔbi jáaw Zyuda yòdaʔayi

1Isirayɛli jáabèle be nyɛ bele naa: Wurubɛn, ní Simeyɔn, ní Levii, ní Zyuda, ní Isakari, ní Zabulɔn, 2ní Dan, ní Zyozɛfu, ní Bɛnzyamɛ, ní Nɛfitalii, ní Gadi, ní Azɛɛri.

3Zyuda jáabèle si i nyɛ Ɛri, ní Onan, ní Syela. Kanaan ye céw wi lè Syuwa jáaw, woro wi da bele bee taanri see wi ma. Ɛri wi pye lè Zyuda pìiseliw, wi maa pye syɛɛnpeeo Yawe#2:3 Yawe: Kolocɔlɔɔ Woweew mɛ́ʔɛ gii, woro wee wi nyɛ̀ʔɛni ní dulunyanw yárira myɛ yirige lè. yɛ́ʔɛ ma, a wi wi kpóo. 4Tamari wi pye lè Zyuda jáaw cɔ́ɔ a woro Perɛsi, ní Zera see wi ma. Zyuda jáabèle myɛ bìnɛw n pye kagunɔ. 5Perɛsi jáabèle si be nyɛ Hesurɔn ní Hamuli. 6Zera jáabèle si i nyɛ Zimirii, ní Etan, ní Heman, ní Kalikɔli, ní Dara, a pe myɛ bìnɛw pye kagunɔ. 7Karimii jáaw si i nyɛ Akari,#2:7 Akari: Mɔ ga lóʔo Akari tɛ́ɛgi naa ni, Akan na be nyɛ (Zyoz 7:1). woro wee wi da wɔʔɔgɔ cáan lè Isirayɛli ye na àmɛɛ wi da kakologo pye lè yáriri kéele na, dee ti da yɛlɛ ti yaʔa lè péw. 8Etan jáaw si i nyɛ Azariya. 9Jaafɔbèle bele si Hesurɔn see lè, poro be nyɛ: Yerameyɛli, ní Arami, ní Kelubayi#2:9 Kelubayi: Pe wɔ́ɔ i mɛ́ɛgi bee yiri Kalɛbi, v.18 wéle..

10A Arami Aminadabi see, á Aminadabi Nasyɔn see, Zyuda yòdaʔayi fànʔafɔbile li pye. 11A Nasyɔn Salima#2:11 Salima: Pe wɔ́ɔ i mɛ́ɛgi naa yiri Salimɔn (Wur 4:20). see, á Salima Bowɔzi see, 12á Bowɔzi Obɛdi see, á Obɛdi Izayi see, 13á Izayi wi pìiseliw Eliyabi see, ní siin wów Abinadabi, ní taanri wów Syimeya, 14ní sicɛrɛ wów Netaneyɛli, ní kagunɔ wów Aradayi, 15ní kɔrɔni wów Osɛmi, ní kɔrɔsiin wów Davidi. 16Pe senyɛnjebèle pe da pye Seruya, ní Abigayili. Seruya pìíbèle si i nyɛ: Abisyayi, ní Zyowabi, ní Azayɛli, a poro pye taanri. 17A Abigayili Amasa see. Amasa tóow wi pye Yetɛɛri, wi pye lè Isimayɛli yòdaʔaga.

18Hesurɔn jáaw Kalɛbi maa nànbiigéle see wi céw Azuba na, n fàra Yeriyɔti na nànbiigèle wi see Azuba na lè, koro ge nyɛ gele naa: Yesyɛri, ní Syobabi, ní Aridɔn. 19A Azuba baa kùu, a Kalɛbi Efirata láa, a woro Huri see wi ma. 20A Huri Urii see, á Urii Besaleyɛli see.

21Koro kàdoʔo ma, a Hesurɔn Makiiri calipili cán wi cɔɔ̀, Makiiri wi lè Galaadi tóow. Lǎli ni wi wi láa lè woro tiimaa maa taa yɛ̀ʔɛlɛ togoye taanri. A wi Segubi see wi ma. 22A Segubi Yayiiri see, woro wee wi da kěyi toko ní taanri taa lè Galaadi tári ni. 23A Gesyuri ye, ní Arami#2:23 Arami: Pe wɔ́ɔ i syɛ́ɛnbèle bee yiri, Sirii ye. ye Yayiiri vǒyi nɛnɛ n syɔɔ be ma, n fàra Kenati, ní gi tɛ́nɛmi kèye na. Yi maa pye kèye togoye taanri. Bele myɛ be pye yaà lè pe n pye Makiiri yòdaʔaya, wi lè Galaadi tóow. 24Hesurɔn kùúli kàdoʔo ma, Kalɛbi-Efirata ni, a Hesurɔn céw Asyihuri see wi ma, wi lè Tekowa tóow.

25Hesurɔn pìiseliw Yerameyɛli jáabèle be nyɛ bele naa: Arami wi nyɛ wi pìiseliw, ní Buna, ní Orɛni, ní Osɛmi, n fàra Ahiya na. 26A Yerameyɛli cewaa nikwɔɔ láa, pe maa ni wi yiri Atara, woro wi pye Onami nɔ́ɔw. 27Arami wi lè Yerameyɛli pìiseliw, woro jáabèle be nyɛ bele naa: Maasi, ní Yamɛ, ní Ekɛɛri. 28Onami jáabèle si i nyɛ: Syamayi, ní Yada. Syamayi jáabèle si i nyɛ: Nadabi, ní Abisyuri. 29Abisyuri céw mɛ́ʔɛ gi pye Abihayili. A woro Aban, ní Molidi see wi ma. 30Nadabi jáabèle si be nyɛ: Selɛdi, ní Apayimi. Selɛdi n kùu pyà sìndaa ni. 31Apayimi jáaw si i nyɛ: Yisyeyi. Yisyeyi jáaw si i nyɛ: Syesyan. Syesyan jáaw si i nyɛ: Alahi. 32Yada wi lè Syamayi senyɛnw, woro jáabèle be nyɛ bele naa: Yetɛɛri, ní Zyonatan. Yetɛɛri n kùu pyà sìndaa ni. 33Zyonatan jáabèle si be nyɛ: Pelɛti, ní Zaza. Poro be pye Yerameyɛli yòdaʔayi.

34Syesyan da nànbile taa í, kàjáa wi maa calipiigèlē taa. Puloo si maa pye Syesyan ma Ezyipiti ye wóo, pe maa ni wi yiri Yara. 35A Syesyan si wi pìiwaa kaan wi púlow Yara ma wi cɔɔ̀, a woro Atayi see wi ma. 36A Atayi Natan see, á Natan Zabadi see, 37á Zabadi Efilali see, á Efilali Obɛdi see, 38á Obɛdi Zyehu see, á Zyehu Azariya see, 39á Azariya Helɛsi see, á Helɛsi Elasa see, 40á Elasa Siisimayi see, á Siisimayi Syalumi see, 41á Syalumi Yekamya see, á Yekamya Elisyama see.

42Kalɛbi wi lè Yerameyɛli senyɛnw, woro jáabèle be nyɛ bele naa: Wi pìiseliw Mesya wi lè Ziifi tóow, ní Maresya wi lè Heburɔn tóow.

43Heburɔn jáabèle be nyɛ: Kora, ní Tapuwa, ní Erekɛmi, ní Syema. 44A Syema Arahami see, wi lè Yorikeyami tóow, á Erekɛmi Syamayi see. 45Syamayi jáaw wi nyɛ Maɔn, á Maɔn pye Bɛti-Suuri tóow. 46Kalɛbi cefàra-mí-láaw Efa wi Haran, ní Mosa, ní Gazezi see. A Haran Gazezi see. 47Yadayi jáabèle be nyɛ: Eregɛmi, ní Yotami, ní Gesyan, ní Pelɛti, ní Efa, ní Syaafi. 48Kalɛbi cefàra-mí-láaw Maaka, wi Syebɛɛri, ní Tiirana see. 49Woro wi níì Syaafi see, wi lè Madimanna tóow, ní níì Syeva see, wi lè Makibena tóow ní Gibeya tóow. Kalɛbi calipili li pye Akisa.

50Kalɛbi yòdaʔayi yi nyɛ yee naa: Syobali wi lè Huri jáaw, Huri wi lè Efirata pìiseliw. Syobali wi pye Kiiriyati-Yeyarimi tóow, 51ní Salima, wi lè Bɛtilehɛmi tóow, ní Harɛf, wi lè Bɛti-Gadɛɛri tóow. 52Syobali wi lè Kiiriyati-Yeyarimi tóow, woro jáabèle be nyɛ Haroye, Manahati ye tílaw. 53Kiiriyati-Yeyarimi túlugi wòolo be nyɛ: Yetɛɛri ye, ní Puri ye, ní Syuma ye, ní Misyirayi ye. Poro ni Sora ye, ní Ɛsyitawɔli ye yiri.

54Salima jáabèle be nyɛ: Bɛtilehɛmi, ní Netofa ye, ní Arɔti-Bɛti-Zyowabi, ní Manahati ye tílaw ní Soreya ye, 55ní sɛ́bɛkanbèle túluyo woolo be pye lè wodɛ́ɛnbéle ní Yayebɛsi ni, pe lè Tiireya ye, ní Syimeyati ye, ní Sukati ye, poro be nyɛ Kenii ye pe yiri lè Hamati ni, wi lè Erekabi kpáagi wòolo tóo.

Currently Selected:

1 Cányi kèlē 2: CB10

Highlight

Copy

Compare