Zacarías 11
11
1Bsarj reij ko'o kaꞌ Líbano,
nench'na te yin' wzeyen yay cedr ko'o kaꞌ.
2Bllell, yay dud,
le ba byial yay cedren,
le yay kaꞌ nak nbaraz kwisen
ba blleyi aken.
Le kwell yia'ch re', yay zin lla Basán,
le ya' yeon ba blleyin.
3To llusia be'nn gup xhir kaꞌ bell ake',
le yix ga kaꞌ nak nbaraz kwisen
ba blleyi aken.
To nenkaze llusia bell yixen,
rach gan lla yay kaꞌ de kwit yeo Jordán'na
le ba blleyin.
Chop gup xhir ake'
4Xanllon nak Dios kian gulle nada': Bdap xhir kaꞌ, ba ka ba nak chaj le yay bsajen. 5Be'nn kaꞌ lla'w le akban nike bi llak aksre llut ake' ba, na be'nn kaꞌ llot le akban ne ake': Lluxken Xanllon, ba naka be'nn wnia. Nigaze gup xhir kaꞌ bi llayachrall ake' xhir ke ake' ka'. 6Leskakse guna nada', bi wayachralla be'nn ka' lla latj yell-liw ni, gun ake' rallna be'nn wrill ke ake' kaꞌ, na rallna be'nnen llnebia le aken, be'nn ki wlleyi ake' latj yell-li'on, na ni to ake' bi wasra rawna aken. Nada', Xanlen ba bnia kaꞌ.
7Na bzurawa bdapa xhir kaꞌ, ba ka' banak chaj raw yay bsajen. Na bdapchi'lla ba ka' natzin. Na bdirja chop xhis, ka dan llunren gup xhir kaꞌ llin: ton bsia da Wen, na yeton bsia da nak Tuze. 8Raw tbeoze babeja chonn gup xhir kaꞌ, le bcha ake' nada' gazerawze, na leska le aken bwie akre nada'.
9Na gulla xhir ka': Bill gaplla re', na bill naken dol kia cha re' ba blleyire, o cha ba llut ake' re'. Na bill naken dol kia cha ba llayaw loelljre. 10Natell bxhia xhis gup xhiren dan nzi Dawen, na bdichjan. Konen kaꞌ bzajniera be'nn kaꞌ sjalla gana', ke Diozen ba bchuye'e diꞌll dan bchajllarene yeololte latj yell-liw kaꞌ. 11Ka lla'na bayull dan bchajlle'en, na be'nn kaꞌ llaw xhir kaꞌ, llwia chich nadan, bazak akre kanake Xanllonan llne' keten lluna daki. 12Bayullna gull ake': Cha llakere wen, le chixhj nada', na cha bi llenere, guljezen'na. Na bdixhj ake' nada' chilloa mell plat. 13Diozen gulle nada': chilloa mell platen rat'teksen'na, keto gukren ba bena ke yell kian, bxhi mell kaꞌ, na bron gan llgo ake' mell ke yoda'on. Na bxhia mellen, na bena kan bne Diozen guna. 14Bayullna, bdichja xhis gup xhiren nzi Tuze, na konen kaꞌ blluy dan nun Judán ren Israelen tuze.
15Na Xanllon gulle nada': Na na' ben kan llun to gup xhir bi llakzedre xhir kaꞌ. 16Le nada' wzoa raw yell xhen'na, to be'nn gup xhir bi gakzedre'e xhir kaꞌ ba bra nezen, na bi wayirje'e ba kaꞌ ba bnit, na nike gunze'e rmell ba ka' nak we, na nike waoze'e ba kaꞌ dun, na gawe'e ber ke ba ka' nak zeraw baxhen, ni xoy akba bi yekuane'. 17Niachraz ke gup xhiren, be'nnen bibi llak llun, na llsanlalle xhir kaꞌ. Che'naga spaden gunen we take'en ren yajrawe'e chawen. Wayech'chja take'en, na yaj rawen waganchjan lchul to chize.
Currently Selected:
Zacarías 11: ZPUPAT
Highlight
Share
Copy
Want to have your highlights saved across all your devices? Sign up or sign in
