Jeremías 1
1
Gani' llwen xtill Jeremías
1Dakin nak xtill Jeremíazen, xhi'nn Hilquías. Jeremíazen guke'e xhi'nn to bxus ka' bzu yellen nzi Anatot gan guk latj yell-liw ke be'nnen nzi Benjamín. 2Xanllon bne'e Jeremíazen danell raw iz chinne, kan llnebia Josías xhi'nn Amón, na bnebie'e gan nzi Judá. 3Lekse ka' bne'e le'e lla ka' llnebia Joaquim, xhi'nn Josías xte bllinte chnej iz kan llnebia Sedequíazen, lekse be'nn ni guke'e xhi'nn Josías. Kan baguk chnej iz llnebie'e gan nzi Judá kewalle' nello raw galle beo ke iz na, kan bchach ake' be'nn Jerusalén ka' raw rall aken.
Xanllon guxhe'e Jeremíazen
4Xanllo gulle'e nada':
5Ke zexetero lo le xnaon ba breja rwe',
na ke zegarjtero ba bena rwe' xhirall,
na bnia, rwen wdeo lloa xtilla ka' raw be'nn ka' sjalla latj yell-liw yub akre.
6Nada' bnia:
Wakazdan Xana. Nada' naka to bi weo, na bi llaka wa di'll.
7Axha Xanllon gulle'e nada'.
Bi new nako to bi weo.
Rwe' chej'go gan wsela rwen,
na chixhjoero dan yepa rwen.
8Bi llebo ket lljasew raw be'nn ka'
le nada' serena rwe' nench'na wkoeja rwe'.
Nada' Xano, lluna' xtillan.
9Natell Xanllon bchirj take'en, na bdane yid lloan, na bnee:
10Nada' wzoa di'll ka' llwaon.
Na' lluna' rwe' yelwaken
raw yoyte latj yell-liw ga sjalla be'nn wnebia ka',
nench'na wlallo na wzalo,
nench'na wlleyiw na wxhoxjo,
na lekse ka' nench guncha'o, na koekw'llaw.
11Na Xanllon gulle'e nada':
Jeremías, ¿bixhan llrero?
Na gulle'e llrera to xhos dan nzi almendro.
12Naksen kan ba bneon gull Xanllon nada'.
Na na' sia wiateza
nench'na lloa xtillan gaken ke llayal.
13Na Xanllon balwille nada' raw llope raz.
Na gulle'e nada', ¿Bixhan llrero cha'?
Llrera to yes le ll-leben,
na ba llenen wrarjen len, rale, ka ballia xtillen.
14Natell Xanllon gulle'e nada'.
Rale za dan wrarj damaren
raw yoyte be'nn ka' sjalla raw latj yell-liw ni.
15Nada' Xanle ba bnia kan gaken,
ga'xha yoyte be'nn ka' llnebia ralen.
Yed be'nn wnebia ke ake' ka'
na wzoa yel wnebia ke aken
kete chollo yell Jerusalén'na,
chla gan zu ze ka' nechj len'na,
chla yell xhen ka' nbanle Judán.
16Ba bdichjbia dan wsakzia
yoyte be'nn wendaxhinj ka' bsanlall nadan,
le bzey ake' yar, na beraw ake'
dios yub akre da benchaw kwin ake'.
17Na rwe', bazella war,
biaj, na bzen akre dan yepa rwen.
Bi llebo le ake', le cha bi guno ka'
nada' guna ka wcheben rwe' raw le aken.
18Nada' wzoa rwe' na',
ke to yell xhen da llilla,
ke to wdup de ya dan nzi hierro,
ke to ze xhen de ya dan nzi bronce,
nench'na gakdilreno be'nn ka' sjalla latjen nbanle Judán:
be'nn wnebia ke ake' ka', na bxus ke ake' ka', na yoyte be'nn ka' sjalla raw yellen.
19Le aken gakdilren ake' rwe', axha bigun ake' rwe' gan
le nada' serena rwe' nench'na wkoeja rwe'.
Nada', Xanle lluna' xtillan.
Currently Selected:
Jeremías 1: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios
