Isaías 63
63
Diozen llsakzie'e be'nn ka' llwiere le'en
1¿Nuxha be'nnen za Bosrá, gan nbanle Edomen
konen xhe'e dan nben da xna,
na ze'e nake rall nbaraz kwis
na zadoe'e kone dan ndiprallen cha?
Nada' llnia yel korchis dalixhajen
na napa yelwak nench'na wasra.
2¿Bixhchen nak xhaon da xna,
kakse be'nn braj uvas konen nie'e ka'?
3Awa, tuza nadan ba brajchekoa uvas ka'
nutno gukren nada',
to llaklla brajchekoa be'nn ka' llwiere nadan,
bchochja le ake' konen yel llruk,
na xchen aken bxhiten xha ka',
na benen bziw doxhente xhan.
4Nadan bena xbab to lla guna yel korchis,
ba bllin lla wasra yell kian.
5Llwiayana, na nutno su gakren nada',
babanra le nutno zu gakren nada'.
Xhichjan benen nench'na bena ga'n
na yel llruk kian bexllan nada'.
6Konen yel llruk kian brajchekoa latj yell-liw ka',
blleyian konen yel llaklla kian
na bena nench'na llen ke aken brarjen doxhente raw yun.
Yel wen ke Xanllon konen Israelen
7Nada' llenla wia di'll ke yel nllie ke Xanllon,
gula da werao le'e
ke yoyte da ka' ba benee kone lli'o,
ke yel nllie xhen ke'en kone Israelen,
dan ba benee raw yel wen ke'en,
na raw yel nllie xhen ke'en.
8Le'en bne'e: le aken nak yell kia,
xhi'nna ka' bi wayechj akbe nada'.
Na le'en basre le ake'
9raw yoyte da ka' llsakzi le aken.
Kere be'nnen bselen basra le aken,
kwinkse Xanllo naksen.
Le'en basre le ake' nike yel nllie ke'en na yel llayachrall ke'en,
balise le ake', bexe'e le ake' kone xhichjen.
Kan ba benen du tiemp.
10Axha le aken bi bzenay ake' ke Xanllon
na godyi ake' yel xhirall ke'en,
kelen'na bayake
be'nn llwiere le ake'
na gukdilrene le ake'.
11Le aken jadinlall ake' da ka' guk kan batna,
kan Moisésen basre yell ke'en,
na llna'be kwin ake':
¿Ganxha Diozen, basra lo yew Nilon
Moisésen, be'nnen bro nez yell ke'en?
¿Ganxha be'nnen bzoa espíritu xhirall ke'en raw Moisésen,
12be'nnen ben nench'na yelwak xhen ke'en
benen txhen Moisésen,
be'nnen ben chopre nista'on raw yell ke'en
nench'na bze ke'e ke chnare,
13Be'nnen ben nench'na bde ake' lo zitj ke nista'on na bi bllir ake',
ka kabay latj dach yu billen,
14ka' bayix ba lletj gan nak rach?
Espíritu ke Xanllon bron le ake' nez.
Ka' benee broe yell ke'en nez
na badolre da llze ke na yelwak.
Da llnab ake' nench na gakren Diozen
15Bwiakero Xanto, le yeba nate,
raw latj xhirall nate gan zuon.
¿Ganxha yel nllie llalnin ko'on, na yel ndiprall ko'on?
¿Ganxha dan zu lo yichj raxhdaon?
¿Ba jachie yel nllie ko'on konen neto' cha?
16Rwen nako xato.
Lakse bi wayunbie Abraham'na neto',
na nike lljadinlallze Israelen neto',
rwen, Xanto, nako xato,
xte kanate nako be'nn wasra keto.
17¿Bixhchen Xanto, llweo latj nench'na llabiyto raw xnezo ka',
na lluno war raxhdaoto ka' nench'na bi gapto rwe' baran?
Bacha na', nike yel nllie ko'on konen be'nn wen llin ko'o ka'
na yell ka' nak ko'on.
18Chullze guk yell xhirall ko'on xan latj yell-li'on.
Be'nn ka' llwiere neton ba brajchekw ake' yodao ko'on.
19Llato ka' be'nn bi bnebiakso,
nakto ke be'nn ka' bi balwillkse rwe' chras.
Currently Selected:
Isaías 63: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios
