Isaías 38
38
(2~R 20.1-11; 2~Cr 32.24-26)
Yillwe na ka bayak Ezequíazen
1Ka lla ka', Ezequíazen guke'e to yillwe war, na Isaías xhi'nn Amós be'nnen llayixjwe xtill Diozen, biaje jawie'e le'e, na gulle'e le'e:
Ki nee Xanllon: Gull be'nn ka' lla' lo yo' rillon bixhan llayal gun ake', le rwe' koeyiw. Bill wayako.
2Ezequíazen bayechje'e bwie le ze'en, na balwille Xanllon ki:
3Nada' llatyoera rwe', Xana, llajdinlallo katken ba bena xchino du yichj doralla, ba bena dan llazrallo. Na bllell yiache kwis.
4Na Xanllon gulle'e Isaíazen 5chaje'e, na ye'e Ezequíazen: Xanto, Dios ke xustawo Daviden nee: Nada' ba benla kanaken llalwillo nadan, na ba brera ka' lldin nis yejra'on. Guna' latj suw ye chino yiz. 6Na wasra rwe', na rente Jerusalén'na raw be'nnen llnebia Asirian. Nada' wkoaja yell xhen ni'.
7Na Isaíazen ballie'e xtillen:
Danin naken to sen da wroen Xanllon walarawe ke dan ba bcheben: 8Kan zajze willen raw nep ke Ahaz na, guna nench xhur ke willen wabin chi nep dan ba betjen'na.
Na xhur ke willen babin chi nep ka' ba betjen'na.
09Na kan bayak Ezequías be'nnen llnebia Judán ke yillwen llake'e, bzoje'e di'll ki:
10Nada' bena xbab:
Zutka rawen, na wayariza;
lle'e nada' waya gan llnebia yelguten
lla kia ka' ne' llaganen.
11Nada' bena xbab: Bill gak rera Xanllon dayubre raw yell-liw ni,
nullno gak rera dayubre
be'nn ka' zajzu raw yell-liw ni.
12Llachinj ake' gan zoan, na llaka aken nada',
ke to lo yo' rill be'nn ka' llap xhir.
Yelnban kian naken ke to rall raw'na be'nnen lltix len'na,
da llchuye gan llaben'na.
Du lla du yer llsakziw nada'.
13Du yer llusia kanaken lleyllran,
llakteksra ke to bell yix llxhoxjba llit kia ka'.
Du lla du yer llsakziw nada'.
14Llawa xhia ke to byinn ka' nzi liy,
bell yiacha kan llun prum ka'.
Yejrawa ka' to lljaxaken llwian le yeban.
Xana, zu yiacha, gukren nada'.
15¿Axha bixha ke yepzen,
le leksen ba benee ka?
Ba zeyaj bichgal kian
dan zuyiach yichj raxhdawan.
16Be'nn ka' llkoaj Xanllon gat yelnban ke ake',
na kone yoyte le aken surena nada'.
Rwe' ba beno nench'na zoa wen, ba bayuno' yelnban kia.
17Na na', loraz da suyiacha, ba bazoa nbaraz.
Rwe' ba bkoajo yelnban kian
lo yell ke yelguten,
le ba bazixheno yoyte daxhinj kia ka'.
18Be'nn ka' ba lla' lo ban bi llak werao ake' rwe',
be'nn wat ka' bi llak gun xhen ake' rwe',
be'nn ka' ba betj lo yell ke yelguten
bigak kwexh ake' dalixhaj ko'on.
19Zerawze be'nn ka' sjade yelnban ken gak werao ake' rwe',
kan lluna nada' na' lla.
Be'nn ka' sjanak xa', weren ake' xhi'nn ake' ka' di'll
kan nak dalixhaj ko'on.
20Gani' baze Xanllon nench'na wasre'e nada'.
Wsillo arpa kello ka', na gul-llo
yew lla raw yelnban kellon
lo yodao ke Xanllon.
21Isaiazen gulle'e be'nn wen llin ke Ezequizen gun ake' to kua de higos nench'na wat aken gan zu we ke be'nn wnebian, na be'nn wnebian bayake.
22Natell Ezequíazen bnabre Isaíazen:
—¿Gakre gak gakbera cha gak cha lo yodao ke Xanllon?
Currently Selected:
Isaías 38: ZPUPAT
Highlight
Share
Copy
Want to have your highlights saved across all your devices? Sign up or sign in
