Isaías 37
37
Xanllon basre Judán
(2~R 19.1-37; 2~Cr 32.20-23)
1Ka' benre be'nn wnebia Ezequíazen dani, bxhoxj xharanen, na guke'e rall zech nench llroen ke lljelere, na biajeꞌe yodao ke Xanllon. 2Na bsele'e Eliaquim, be'nnen llgo xneze ke yo' ra'on, Sebná be'nnen llzoj da ka' llak, na bxus be'nn sjanak be'nn gur ake', na sjanak ake' rall zech da llroe ke lljel akre, nench'na jawia ake' Isaíazen, be'nnen llayixjwe xtill Diozen, be'nnen nak xhi'nn Amós. 3Na gull ake' le'e kan ba gull be'nn wnebian le aken: Na' lla naken to lla da zuyachto, llzakzito, na llun akre neto' kaze; ka to nor le sute xhi'nne, na bill ndipralle'e. 4Chenaga Xano Diozen ba bzenaye ke di'll ka' bnee be'nn xhan waka ya ka', be'nnen bsel be'nnen llnebia Asirian, nench gadie'e Dios ban'na, na chenaga wsakzie'e le'e nike da ka' ba benle Xano nakse Dios ko'on. Balwill Diozen ke be'nn ka' ne' llaganen.
5Be'nn braw ke be'nn wnebian nzi Ezequíazen jawia ake' Isaíazen, 6na Isaíazen gulle'e le ake' ye ake' xan aken: Xanton nee: Bi llebo di'll da ka' lladyi dan ba gull ake' nadan, dan ba bne be'nn wen llin ke be'nnen llnebia Asirian. 7Bwiakero, nada' guna nench'na yenle to di'll da gun nench'na wabie'e latj yell-liw ken, na gana' guna nench'na gut ake' le'e.
8Xan waka ya ke be'nn asirios ka', bnesre be'nnen llnebia Asirian baze'e yell xhen'na nzi Laquis. Natell zeyaje Jerusalén'na, na jadire be'nnen llnebia Asirian llakdilrene be'nn Libná ka'. 9Gana' benre be'nnen llnebia Asirian ke be'nn wnebian nzi Tirhaca, be'nn Etiopía'na ba blloje'e nench'na lljatilrene le'e. Na yetokse, be'nnen llnebia Asirian bsele'e be'nn ka' llne'e rawraze'e konen Ezequías be'nnen llnebia Judán, nench'na ye ake' le'e: 10Dios ko'on nxenlallon lle'e rwe' ke bi yexhj Jerusalén'na raw yelwak kian, axha bi chejlew ke le'e 11Rwe' bakse benlo kan ba ben be'nn ka' llnebia Asirian konen yoyte latj yell-liw ka' ba wen akre wlleyi ake'. ¿Na yerachko rwe' cha? 12¿Basra dios ka' yell ka' yela dan blleyi xustawa ka': gan nzi Gozán, Harán, Résef, na be'nn ke Bet-edén be'nn ka' bzu Telasar cha? 13¿Ganxha be'nn ka' llnebia Hamat, Arpad, Sefarvaim, Hená, na Ivá cha?.
14Ezequíazen bxhie'e dan nyoj dan be be'nn ka' llde di'll ke be'nn wnebian, na braben. Natell biaje yoda'on, na bchirjen raw Xanllon, 15na balwille le'e ki: 16Xanto nap doxhente yelwak, Dios ke Israel, na nzoaw gan llnebia'on raw querubín ka', tuze rwen nako Dios ke yoyte be'nn ka' llnebia raw doxhente yell-li'on, rwen beno yeba, na yell-li'on. 17Bzenay, Xana. Bsarj yajrao ka', Xanto, na bwia. Bzenay xtill Senaqueriben dan bsele'e badyiell ake' nada', di'll da yoyten lladyi aken rwe', Dios nap yelnban. 18Daliksen, Xanto, be'nn wnebia ke Asiria ka' ba blleyi ake' yoyte latj yell-liw ka', na yell-liw ke ake' ka', 19na ba bzey ake' dios ke ake' ka', le daliyan bi nak ake' dios, le nak ake' de yay o yaj da ba ben be'nn nach ka'. Kelen'na blleyi aken. 20Axha na', Xanto Dios, basra neto' raw yelwak ke'en, nench'na nezre yoyte latj yell-liw ka' lla' raw yell-li'on ke tuze rwe', Xanto, nako Dios.
21Natell Isaíazen bele rson ni ke Ezequíazen: Ki ne Xanllon, Dios ke Israelen: Nada' ba benla kan balwillo kan bnabo ke Senaquerib, be'nn llnebia ke Asirian:
22Di'll kin bnee Xanllon ke be'nnen llnebia Asirian:
Yell xhen ke Sión'na, ka to nor weo,
xhille'e ko'o rwe', Senaquerib.
Jerusalén'na llta yichjen lltitjre rwe'
keten rwe' llaxhonjon.
23¿Nuxhan ba bzechillo, na ba godyiw cha?
¿Nuxha konen ba blis chi'on
na blis ra'on buiaw zban cha?
Kone Dios xhirall ke Israelen.
24Konen be'nn wen llin ko'o kan ba godyiw Xanllon.
Bneo:
Konen dazan karret kia ka' llaj raw wdilen
biepa raw rum ke ya' ka',
ga zeraw nak lta ke ya' Líbanon.
Bzoya yay cedr ake' da zeraw nak da ton,
na yay dud da zeraw nak nbaraz.
Bllina raw rum da zeraw nak sib,
na yixh taw ke ka' to llapapen yay ake'.
25Ga nak yell-liw zit
bchena' ga bena bej, na weja nis,
na konen nia ka'
bchecha yoyte yeo ke Egipton.
26¿Axha bi nezro nadan, Xano,
ba bia latj gak doxhente daki cha?
Batnate ba bena xbab kan gaken,
na na' ba benan,
kelen'na rwe' lleyiw yell xhen ka' nechj ze war ka',
na llayun akteon llojze.
27Be'nn yell ke'e ka' bi ndiprall ake',
bayo ake' cheb, na llaye akre,
ba guk ake' ka yixh da de lix,
ka yixh ga,
ka yixj da ka ll-lliw raw dexh ka',
na llzey willen len.
28Nada' numbiera rwe' kwasru,
na yoyte da ka' llunon,
nada' nezra ba gukllao nada'.
29Na kanaken numbiera yel llaklla ko'on, na yel yarall ko'on,
wzoa to rgoy xhinon,
na koa to ya llwaon,
na guna nench wabiw tnez
gan za'on.
30Isaíazen gulle'e Ezequíazen:
Dani gaken to sen da wroen kan gaken:
yiz ni, na yizen za yeto, re' yej gawre
trigo dan llra' toraze,
axha raw wyone yizen gak gazre, na warapre,
gazre lba uvas, na yej gawre daxhixh ke'en.
31Be'nn yell ke Judán be'nn ka ba baganen gak ake' ka' yay:
chin ru ake', na kwia ake' daxhixh,
32le yerat ake' wagan Jerusalén'na,
raw ya' Sión'na wagan be'nn ka bi blleyi.
Dani gun yel nllie xhen ke Xanllon nap doxhente yelwaken.
33Ki nee Xanllon ke be'nnen llnebia Asirian:
Bi choe'e Jerusalén'na,
bi wzale ni tich xhis raw latiten,
bi gakdilrenen kone dan llkoaj
nike gunze to tramp ga chepe'e raw ze war ka'.
34Tnez gan zakse, gana' wabikse dayubre,
bi choe'e yell xhen ni.
Nada', Xanle, llun llwa xtillan.
35Nada' wkoeja yell xhen ni',
na wasratian,
nike dan nlliera be'nn wen llin kia Daviden
na nike yel nbaran kian.
36Na ankl ke Xanllon blloje'e na bete'e to gayoa tapralj gay mir be'nn waka ya be'nn asirios ka', na kan byenin, yoy akte zajnit ake' ba gut ake'. 37Natell Senaqueriben, be'nnen llnebia Asirian, bazulle'e gan lli aken, na babie'e Níniven 38Na to lla ka lloerawe dios ke'en lo yodao ke Nisroc, xhi'nne ka' Adramélec, na Sarézer biaj akbe, na blleyi akbe le'e, na bxhonj akbe latj gan nbane Ararat. Natell bnebia rawraze'e xhi'nne bin nzi Esarhadón.
Currently Selected:
Isaías 37: ZPUPAT
Highlight
Share
Copy
Want to have your highlights saved across all your devices? Sign up or sign in
Isaías 37
37
Xanllon basre Judán
(2~R 19.1-37; 2~Cr 32.20-23)
1Ka' benre be'nn wnebia Ezequíazen dani, bxhoxj xharanen, na guke'e rall zech nench llroen ke lljelere, na biajeꞌe yodao ke Xanllon. 2Na bsele'e Eliaquim, be'nnen llgo xneze ke yo' ra'on, Sebná be'nnen llzoj da ka' llak, na bxus be'nn sjanak be'nn gur ake', na sjanak ake' rall zech da llroe ke lljel akre, nench'na jawia ake' Isaíazen, be'nnen llayixjwe xtill Diozen, be'nnen nak xhi'nn Amós. 3Na gull ake' le'e kan ba gull be'nn wnebian le aken: Na' lla naken to lla da zuyachto, llzakzito, na llun akre neto' kaze; ka to nor le sute xhi'nne, na bill ndipralle'e. 4Chenaga Xano Diozen ba bzenaye ke di'll ka' bnee be'nn xhan waka ya ka', be'nnen bsel be'nnen llnebia Asirian, nench gadie'e Dios ban'na, na chenaga wsakzie'e le'e nike da ka' ba benle Xano nakse Dios ko'on. Balwill Diozen ke be'nn ka' ne' llaganen.
5Be'nn braw ke be'nn wnebian nzi Ezequíazen jawia ake' Isaíazen, 6na Isaíazen gulle'e le ake' ye ake' xan aken: Xanton nee: Bi llebo di'll da ka' lladyi dan ba gull ake' nadan, dan ba bne be'nn wen llin ke be'nnen llnebia Asirian. 7Bwiakero, nada' guna nench'na yenle to di'll da gun nench'na wabie'e latj yell-liw ken, na gana' guna nench'na gut ake' le'e.
8Xan waka ya ke be'nn asirios ka', bnesre be'nnen llnebia Asirian baze'e yell xhen'na nzi Laquis. Natell zeyaje Jerusalén'na, na jadire be'nnen llnebia Asirian llakdilrene be'nn Libná ka'. 9Gana' benre be'nnen llnebia Asirian ke be'nn wnebian nzi Tirhaca, be'nn Etiopía'na ba blloje'e nench'na lljatilrene le'e. Na yetokse, be'nnen llnebia Asirian bsele'e be'nn ka' llne'e rawraze'e konen Ezequías be'nnen llnebia Judán, nench'na ye ake' le'e: 10Dios ko'on nxenlallon lle'e rwe' ke bi yexhj Jerusalén'na raw yelwak kian, axha bi chejlew ke le'e 11Rwe' bakse benlo kan ba ben be'nn ka' llnebia Asirian konen yoyte latj yell-liw ka' ba wen akre wlleyi ake'. ¿Na yerachko rwe' cha? 12¿Basra dios ka' yell ka' yela dan blleyi xustawa ka': gan nzi Gozán, Harán, Résef, na be'nn ke Bet-edén be'nn ka' bzu Telasar cha? 13¿Ganxha be'nn ka' llnebia Hamat, Arpad, Sefarvaim, Hená, na Ivá cha?.
14Ezequíazen bxhie'e dan nyoj dan be be'nn ka' llde di'll ke be'nn wnebian, na braben. Natell biaje yoda'on, na bchirjen raw Xanllon, 15na balwille le'e ki: 16Xanto nap doxhente yelwak, Dios ke Israel, na nzoaw gan llnebia'on raw querubín ka', tuze rwen nako Dios ke yoyte be'nn ka' llnebia raw doxhente yell-li'on, rwen beno yeba, na yell-li'on. 17Bzenay, Xana. Bsarj yajrao ka', Xanto, na bwia. Bzenay xtill Senaqueriben dan bsele'e badyiell ake' nada', di'll da yoyten lladyi aken rwe', Dios nap yelnban. 18Daliksen, Xanto, be'nn wnebia ke Asiria ka' ba blleyi ake' yoyte latj yell-liw ka', na yell-liw ke ake' ka', 19na ba bzey ake' dios ke ake' ka', le daliyan bi nak ake' dios, le nak ake' de yay o yaj da ba ben be'nn nach ka'. Kelen'na blleyi aken. 20Axha na', Xanto Dios, basra neto' raw yelwak ke'en, nench'na nezre yoyte latj yell-liw ka' lla' raw yell-li'on ke tuze rwe', Xanto, nako Dios.
21Natell Isaíazen bele rson ni ke Ezequíazen: Ki ne Xanllon, Dios ke Israelen: Nada' ba benla kan balwillo kan bnabo ke Senaquerib, be'nn llnebia ke Asirian:
22Di'll kin bnee Xanllon ke be'nnen llnebia Asirian:
Yell xhen ke Sión'na, ka to nor weo,
xhille'e ko'o rwe', Senaquerib.
Jerusalén'na llta yichjen lltitjre rwe'
keten rwe' llaxhonjon.
23¿Nuxhan ba bzechillo, na ba godyiw cha?
¿Nuxha konen ba blis chi'on
na blis ra'on buiaw zban cha?
Kone Dios xhirall ke Israelen.
24Konen be'nn wen llin ko'o kan ba godyiw Xanllon.
Bneo:
Konen dazan karret kia ka' llaj raw wdilen
biepa raw rum ke ya' ka',
ga zeraw nak lta ke ya' Líbanon.
Bzoya yay cedr ake' da zeraw nak da ton,
na yay dud da zeraw nak nbaraz.
Bllina raw rum da zeraw nak sib,
na yixh taw ke ka' to llapapen yay ake'.
25Ga nak yell-liw zit
bchena' ga bena bej, na weja nis,
na konen nia ka'
bchecha yoyte yeo ke Egipton.
26¿Axha bi nezro nadan, Xano,
ba bia latj gak doxhente daki cha?
Batnate ba bena xbab kan gaken,
na na' ba benan,
kelen'na rwe' lleyiw yell xhen ka' nechj ze war ka',
na llayun akteon llojze.
27Be'nn yell ke'e ka' bi ndiprall ake',
bayo ake' cheb, na llaye akre,
ba guk ake' ka yixh da de lix,
ka yixh ga,
ka yixj da ka ll-lliw raw dexh ka',
na llzey willen len.
28Nada' numbiera rwe' kwasru,
na yoyte da ka' llunon,
nada' nezra ba gukllao nada'.
29Na kanaken numbiera yel llaklla ko'on, na yel yarall ko'on,
wzoa to rgoy xhinon,
na koa to ya llwaon,
na guna nench wabiw tnez
gan za'on.
30Isaíazen gulle'e Ezequíazen:
Dani gaken to sen da wroen kan gaken:
yiz ni, na yizen za yeto, re' yej gawre
trigo dan llra' toraze,
axha raw wyone yizen gak gazre, na warapre,
gazre lba uvas, na yej gawre daxhixh ke'en.
31Be'nn yell ke Judán be'nn ka ba baganen gak ake' ka' yay:
chin ru ake', na kwia ake' daxhixh,
32le yerat ake' wagan Jerusalén'na,
raw ya' Sión'na wagan be'nn ka bi blleyi.
Dani gun yel nllie xhen ke Xanllon nap doxhente yelwaken.
33Ki nee Xanllon ke be'nnen llnebia Asirian:
Bi choe'e Jerusalén'na,
bi wzale ni tich xhis raw latiten,
bi gakdilrenen kone dan llkoaj
nike gunze to tramp ga chepe'e raw ze war ka'.
34Tnez gan zakse, gana' wabikse dayubre,
bi choe'e yell xhen ni.
Nada', Xanle, llun llwa xtillan.
35Nada' wkoeja yell xhen ni',
na wasratian,
nike dan nlliera be'nn wen llin kia Daviden
na nike yel nbaran kian.
36Na ankl ke Xanllon blloje'e na bete'e to gayoa tapralj gay mir be'nn waka ya be'nn asirios ka', na kan byenin, yoy akte zajnit ake' ba gut ake'. 37Natell Senaqueriben, be'nnen llnebia Asirian, bazulle'e gan lli aken, na babie'e Níniven 38Na to lla ka lloerawe dios ke'en lo yodao ke Nisroc, xhi'nne ka' Adramélec, na Sarézer biaj akbe, na blleyi akbe le'e, na bxhonj akbe latj gan nbane Ararat. Natell bnebia rawraze'e xhi'nne bin nzi Esarhadón.
Currently Selected:
:
Highlight
Share
Copy
Want to have your highlights saved across all your devices? Sign up or sign in